Наташа Бедингфилд

Од Википедија — слободната енциклопедија
Наташа Бедингфилд
Бедингфилд присуствува на Австралиските награди за модна фризура во 2013 година во Сиднеј, Австралија
Животописни податоци
Родено имеНаташа Ен Бедингфилд
Роден(а)26 ноември 1981(1981-11-26) (42 г.)
Хејвордс Хит, Западен Сасекс, Англија
Жанрови
Занимања
  • Пејачка
  • текстописец
Период на активност2001–денес
Издавачи
Мреж. местоnatashabedingfield.com

Наташа Ен Бедингфилд (англиски: Natasha Anne Bedingfield; родена на 26 ноември 1981) ― англиска пејачка и текстописец.

Животопис[уреди | уреди извор]

Наташа Бедингфилд е родена во Хејвордс Хит, Западен Сасекс (подоцна се преселила во Луишам, населба во Јужен Лондон). Нејзините родители биле новозеландски иселеници. За време на детството, Бедингфилд одредено време живеела во Окленд, Нов Зеланд.[1] Како тинејџерка, таа со нејзиниот брат и сестра, Даниел и Никола, ја основале денс-електронската група „The DNA Algorithm“. [2]

Бедингфилд една година студирала психологија на Универзитетот во Гринич, [3] а потоа го напуштила да се насочи на пеење и пишување песни. Во раните 2000-ти, Бедингфилд компонирала, напишала и снимила песни за Hillsong Church UK. Нејзините песни се појавиле на албумите во живо Blessed, Shout God's Fame и на детскиот албум Jesus Is My Superhero од Hillsong Music Australia.[4]

На 21 март 2009 година, Бедингфилд се омажила за американскиот бизнисмен Мет Робинсон во Малибу, Калифорнија, САД.[5] Во ноември 2017 година се родил нивниот син.[6]

Кариера[уреди | уреди извор]

Во 2004 година го издала нејзиниот прв албум, Unwritten, кој претежно содржел брзи поп-песни и бил под влијание на R&B музиката.[7] Со преку 2,3 милиони продадени примероци албумот бил успешен во светски рамки.[8] Бедингфилд била номинирана за Греми награда за најдобра женска поп вокална изведба за насловната песна од албумот „Unwritten“, а на Британските музички награди во 2005 и 2006 година таа била номинирана за најдобар британски женски изведувач.[9] [10] Од албумот Unwritten, исто така, произлегола нејзината единствена песна на прво место во Велика Британија, „These Words“.

Во 2007 година го објавила нејзиниот втор албум, NB. Две песни од албумот се пласирале во топ-10 на листата за синглови во Велика Британија: „I Wanna Have Your Babies“ и „Sоulmate“. NB не бил издаден во Северна Америка, но шест песни од тој албум и седум нови песни биле вклучени во албумот издаден под името Pocketful of Sunshine во 2008 година. Од тој албум сингловите „Love Like This“ и „Pocketful of Sunshine“ биле успешни на топ листите. Во декември 2010 година, Бедингфилд го издала нејзиниот трет албум во Северна Америка, Strip Me, со истоимената песна која на топ-листата на американскиот Билборд Хот 100 се пласирала на 91 место. Бедингфилд продала преку 10 милиони албуми и 10 милиони синглови ширум светот, со вкупно над 20 милиони плочи ширум светот. Во 2012 година, VH1 ја рангирал Бедингфилд на 66-то место на листата од 100 најдобри жени во музиката.[11]

Дискографија[уреди | уреди извор]

  • Unwritten (2004)
  • N.B. (2007)
  • Strip Me (2010)
  • Roll with Me (2019)

Наводи[уреди | уреди извор]

  1. ↑ Jade Reidy (2013), Not Just Passing Through: the Making of Mt Roskill, Окленд: Puketapapa Local Board, ISBN 978-1-927216-97-2, OCLC 889931177, Википодатоци Q116775081
  2. ↑ Natasha Bedingfield. BMI. 22 February 2006. Retrieved 8 March 2007.
  3. ↑ John Harlow. Bill Gates Puts Bedingfield in His Xbox. The Sunday Times. 26 March 2006. Retrieved 8 March 2007.
  4. ↑ Tony Cummings. Hillsong London: Shouting God's Fame and Proclaiming Jesus Is. Cross Rhythms. 12 November 2006. Retrieved 11 March 2007.
  5. ↑ Cedenheim, Pernilla; Wihlborg, Ulrica; Garcia, Jennifer (21 March 2009). „Natasha Bedingfield Is Married“. People. Посетено на 10 March 2019.
  6. ↑ „Natasha Bedingfield Welcomes Son Solomon Dylan“. People. 3 January 2018. Посетено на 10 March 2019.
  7. ↑ Loftus, Johnny. „Review of Unwritten“. AllMusic. Посетено на 18 July 2008.
  8. ↑ Stuart Clarke. Staggered Plan for Bedingfield Return. Music Week. 10 June 2006. Retrieved 11 March 2007.
  9. ↑ "Natasha Bedingfield: BRITs Profile" Архивирано на {{{2}}}.. Brit Awards. Retrieved 21 November 2012
  10. ↑ "Raaz Reboot (2016) Mp3 Songs" Архивирано на {{{2}}}.. UrSongsPK. Retrieved 7 July 2016
  11. ↑ Graham, Mark (13 February 2012). „VH1's 100 Greatest Women in Music [COMPLETE LIST] – | VH1 Tuner“. VH1. Архивирано од изворникот на 14 February 2012. Посетено на 2 May 2012.

Надворешни врски[уреди | уреди извор]


Нормативна контрола
Преземено од „https://mk.wikipedia.org/w/index.php?title=Наташа_Бедингфилд&oldid=5178642“