Морбиjански Залив

Од Википедија — слободната енциклопедија
Карта
Пристаништето на Ил о Моан (Île aux Moines)
Розова куќа во близина на Ван

Морбијански Залив (француски: golfe du Morbihan; бретонски: Mor Bihan Gwened) — природен пристан на брегот на департманот Морбијан во јужна Бретања, Франција. Легендата вели дека во заливот има острови колку што има денови во годината. Всушност, заливот има околу 40, во зависност од плимата и осеката. Многу острови се приватна сопственост, освен најголемите два, Ил о Моан (Île-aux-Moines) и Ил Дарз (Île-d'Arz).

Подрачјето околу заливот има извонреден опсег на мегалитски споменици. Меѓу другото има и долмени за премин, скалести пирамиди со подземни долмени комори, камени кругови и џиновски менхири. Најпознато место на туѓинците е Карнак, каде што остатоци од десетина редови огромни стоечки камења се протегаат повеќе од десет километри. Коридорната гробница Гавринис, која се наоѓа на мал остров во заливот, е едно од најважните такви места во Европа. Некои од урнатините се датирани најмалку 3300 пр.н.е. — 200 години постари од англискиот Стоунхенџ.

Географија[уреди | уреди извор]

Плими и струи[уреди | уреди извор]

Заливот е заштитен од Атлантскиот Океан со полуостровот Руис (Rhuys), но 1 км долгиот процеп помеѓу Пор-Навало (во општината Арзон) и Керпанир (општина Локмарјакер) ја пушта водата да влегува и излегува. Бидејќи овој процеп е тесен, плимните струи се силни и брзината на водата може да достигне и до 9,4 јазли.

Фестивали[уреди | уреди извор]

Секоја втора година се одржува фестивал на јахти, познат како „La Semaine du Golfe Du Morbihan“ кој ја слави културата, музиката и пловењето и поморските традиции на Бретања. Во 2017 година, 1.450 чамци влегоа во регатата покрај стотиците пловни објекти. Врвот на фестивалот е „Големата парада на едрата“ во која се прикажани сите чамци на пат од Порт Навало до Ван.

Општини[уреди | уреди извор]

Надворешни врски[уреди | уреди извор]