Мирослав Стојановски
Мирослав Стојановски (р. 10 јули 1959, Скопје) — македонски воен генерал, осми началник на Генералштабот на АРМ (2005 — 2011).
Животопис[уреди | уреди извор]
Генералот Стојановски е роден на 10 јули 1959 година, во Скопје. Тој е оженет е со Маргарета Стојановска, со која има три деца.
на 12 август 2012 година, генералот Стојановски бил вмешан во инцидентот што се случил во кафе-барот „Гранд“ во населбата Тафталиџе, во кој се одржувала забава при што неговиот син се степал со друг посетител на забавата. Вечерта, околу 22 часот, Стојановски и неговиот брат пристигнале пред барот и го нападнале човекот со иницијали А.Ж., а потоа го ставиле во автомобилот и го однеле во полициската станица во населбата Карпош. Подоцна, нападнатиот човек поднесол тужба против генералот и против неговиот брат, а судскиот процес започнал во септември 2013 година при што биле одржани седум судски претреси. Првично, двајцата браќа биле обвинети за противправно лишување од слобода. Сепак, во октомври 2014 година, обвинението било променето, со што тоа веднаш станало застарено, така што во номеври 2014 година, Основниот суд Скопје 1 донел ослободителна пресуда за генералот Стојановски.[1]
Образование[уреди | уреди извор]
- Воена гимназија – Белград (1974–1978)
- Воена академија КоВ – насока пешадија Белград и Сараево (1978 -1982)
- Курс за офицери во Воена Полиција (1983)
- Командно Штабна академија – Скопје (1995-1996)
- НАТО Колеџ за одбрана - Рим (Италија) (1998)
Воена кариера[уреди | уреди извор]
- 1982 - 1984 командир на вод Воена Полиција,
- 1984 –1989 командир на чета на Воена Полиција,
- 1989 –1991 командир на противтерористичка чета,
- 1991–1992 Заменик на Командантот на батаљон Воена Полиција
- 1992-1994 Началник на одделение за Воена полиција во Сектор за безбедност и разузнавање во Министерство за одбрана
- 1994-1998 Командант на единица за Специјални намени во Министерство за одбрана на Република Македонија
- 1998-1999 Кабинет на Началникот на ГШ на АРМ,
- 1999-2000 Заменик на Началникот на одделение за стратегиски истражувања во ГШ на АРМ,
- 2000-2001 Раководител на Катедра за физичко воспитување во Воена Академија
- 2001-2003 Командант на 1.пешадиска бригада
- 2003-2005 Заменик на Началник на Генералштаб за б/г и операции,
- 2005-2011 Началник на Генералштабот на АРМ
- 2006 Унапреден во Генерал потполковник
Унапредувања[уреди | уреди извор]
- потпоручник (1982)
- поручник (1983)
- капетан (1986)
- капетан I класа (1990)
- мајор (1991)
- потполковник (1994)
- полковник (1998)
- бригаден генерал (2001)
- генерал мајор (2003)
- генерал потполковник (2006)
Надворешни врски[уреди | уреди извор]
- Лична страница на началникот Мирослав Стојановски Архивирано на 7 септември 2009 г.
- Министерство за одбрана на РМ Архивирано на 18 февруари 2022 г.
Наводи[уреди | уреди извор]
- ↑ Игор Шегавиќ, „Застаре обвинението против ексначалникот на ГШ, Стојановски“, Дневник, година XVIII, број 5617, петок, 14 ноември 2014, стр. 2-3.
| Претходник Ѓорѓи Бојаџиев |
Началник на Генералштабот на АРМ 2005-2011 |
Наследник Горанчо Котески |
| ||||||