Категорија:Генерали во АРМ

Од Википедија — слободната енциклопедија
Прејди на прегледникот Прејди на пребарувањето


Методија Величковски

генерал-потполковник

Дата и место на раѓање:

11.05.1966 година во Скопје.

Образование:

  • Воена гимназија (1980-1984 год.);
  • Воена Академија (1984-1988 год.);
  • Школа за Команданти на баталјон 1999 год. (Германија);
  • Командно Штабна Академија, Скопје 2000 год.;
  • Курс за лидери, Џорџ Маршал Центар (Германија);
  • Школа за национална безбедност и одбрана ВА-ФНСО, Софија, Бугарија (2005-2006 год.);
  • Магистер од областа на стратегиско раководење со одбраната и вооружените сили.

Горанчо Котески

генерал-потполковник

Советникот за воени прашања на претседателот Иванов, генерал п.полковник Горанчо Котески, военото образование го започнал во Средното воено училиште во Сараево во 1980 година. По завршување на средното воено училиште завршува Воена академија во Сараево, како офицер на родот пешадија. Дипломирал на Командно-штабна академија „ген.Михаило Апостолски" во Скопје, а високо одбранбени студии завршил на одбранбениот колеџ на НАТО во Рим. Во досегашната кариера има завршено повеќе курсеви во СР Германија, САД и Канада. Во 2013 година магистрира во областа на безбедноста и одбраната на тема „АРМ во системот на националната безбедност“.  Во текот на кариерата извршувал бројни должности како командир на вод, командир на чета, командант на гардиски баталјон, командант на питомечки баталјон, командант на Центарот за обука на родови и специјални единици, заменик на командантот на Втора механизирана бригада во Кичево, командант на Здружена оперативна команда.

Во периодот од 2003 до 2008 година со Указ на претседателот Борис Трајковски, ја извршува должноста воено аташе во Сојузна Република Германија.

Во периодот од 2009 до 2011 година ја извршува должноста Аѓутант на Претседателот на Република Македонија д-р Ѓорге Иванов.

Во периодот од 2011 до 2015 година, со Указ на претседателот на Република Македонија д-р Ѓорге Иванов, назначен е на должност Началник на Генералштабот на АРМ.

Генерал п.полковник Котески е добитник на повеќе награди и признанија, меѓу кои и „Третоноемвриска награда“ на општина Прилеп. Од 2015 година, со Указ на претседателот на Република Македонија д-р Ѓорге Иванов поставен е на должност Советник за воени прашања на Врховниот командант на вооружените сили на Република Македонија.

Мухамет Рацај

генерал-мајор

Дата и место на раѓање:

01 август 1961, с. Сичево, општина Клина, Република Косово.

Воено образование:

  • Средно воено училиште КоВ, Сараево, 1976-1980;
  • Воена академија КоВ, Белград, 1983-1986;
  • Командно штабна академија, Скопје, 1996;
  • Школа за национална одбрана (Колеџ на Копнени сили), Р. Турција, 2006-2007.

Дополнително образование:

  • Постдипломски магистерски студии на Филозофски факултет при Универзитетот „Св. Кирил и Методиј“ во Скопје, 2006;
  • Доктор на Науки од областа на безбедност, на Универзитет „Св. Климент Охридски“ во Битола, 2009.

Димче Петровски

генерал-мајор

Дата и место на раѓање:

15.10.1961 година во Велес, Република Македонија.

Воено образование:

  • Воена академија-копнена војска, Белград и Карловац 1980-1984 година;
  • Командно-штабна школа (ПСКШД), ВА „Михајло Апостолски“, Скопје, 1995-1996 година;
  • Школа за национална безбедност и одбрана на ВА „ГС Раковски“, Софија, Р. Бугарија, 2005-2006 година, со што се стекнал со академска титула „Mагистер по безбедност и одбрана“, со одбрана на магистерски труд на тема „Можности за развој на системот за командување и контрола на националната држава за учество во сојузни многунационални операции“;
  • Постдипломски студии на Институтот за безбедност, одбрана и мир, при Филозофскиот факултет во Скопје, со одбранет магистерски труд на тема „Концептуален развој и организациона трансформација на АРМ во функција на интегрирање во НАТО“, со што се стекнал со академска титула „магистер по одбрана“, 2008 година.
  • На 01.06.2011 година ја одбрани докторската дисертација на тема „Меѓународни воени операции и учество на АРМ во нив“, со што се стекна со титула доктор на одбрана.

Зоран Милески

Генерал-мајор

Дата и место на раѓање:

22.04.1968 година во с. Лупште, Македонски Брод, Република Македонија.

Образование:

  • Средно воено училиште на КоВ, (1984-1988);
  • Воена Академија, (1988-1991);
  • Командно Штабна Академија, Скопје, (2003-2004);
  • Школо за национална безбедност и одбрана ВА-ФНСО, Софија, Бугарија, (2008-2009);
  • Магистер од областа на стратегиско раководење со одбраната и вооружените сили.

Павле Арсоски

бригаден генерал

Дата и место на раѓање:

27.12.1967 година во Гостивар, Република Македонија.

Образование:

  • Воена гимназија - Загреб, Република Хрватска, 1982-1986;
  • Воена академија, смер артилерија (КоВ Белград, Р. Србија), 1986 -1990;
  • Постдипломски студии (КШШ Скопје, Р. Македонија), 2003;
  • Ратна школа („Бан Јосип Јелачиќ“ Загреб, Р. Хрватска), 2011;
  • Магистер по историски науки на Институтот за национална историја - Скопје.


Азим Нуредин

генерал-мајор

Дата и место на раѓање:

03.03.1969 година во с.Древеник, Битола, Република Македонија

Воено образование:

  • Воена Гимназија, Белград, Србија 1985-1989;
  • Воена Академија КоВ, Белград и Скопје 1989-1994;
  • КША при ВА „Михајло Апостолски“, Скопје 2006;
  • Школо за Национална Одбрана, Р. Турција 2012.

Курсеви, вежби и учество во мисии:

  • Мировна мисија ИСАФ 2014 година, Најстар национален претставник;
  • Курс по англиски јазик за НАТО СТАНАГ 6001, Канада;
  • Курс во Центарот за поддршка на Мирот „ПСОТЦ“, БиХ;
  • Курс за обука на подофицери по НАТО стандарди;
  • Курс за Турски јазик - основен;
  • Курс за Турски јазик - напреден;
  • учество на разни семинари и коференции од областа на безбедноста и одбраната;

Воена кариера:

  • Командир на вод 1994-1996;
  • Офицер за обезбедување на Врховниот Командант 1996-1998;
  • Командир на вод/ заменик командир на чета гарнизон Петровец 1998-1999;
  • Командир на вод/ заменик командир на чета во наставна чета 1999-2000;
  • Командир на караула 2000-2002;
  • Командир на гранична чета 2002-2003;
  • Командир на чета на основен курс за подофицери 2003-2004;
  • Командир на гранична чета 2004-2006;
  • Командант на 2.мпбн воедно командант на гарнизон Охрид 2006-2011;
  • Командант на 2.мпбн воедно командант на гарнизон Кичево 2011-2012;
  • Началник на Штаб во пСО 2012-2015;
  • Аѓутант на Претседателот на РМ 2015;
  • Началник на Штаб во ЗОК 2015;
  • Заменик на началникот на Генералштабот на Армијата на Република Македонија 2018.

Ордени и обележја

  • Медал за учество во мировна мисија „ИСАФ“;
  • Златна значка на Армијата на Република Македонија;
  • Значка на Армијата на Република Македонија за долгогодишна служба;
  • Бронзена значка на Армијата на Република Македонија;
  • Златна значка на Армијата за партнерство, координација и соработка.


Мирче Ѓоргоски

бригаден генерал

Дата и место на раѓање:

07.11.1966. Охрид, Република Македонија

Образование:

  • 1981, Основно училиште, Охрид;
  • 1985, Воена гимназија, Белград;
  • 1989, Воена академија на КоВ, Белград;
  • 1999, Курс по германски јазик, Центар за странски јазици на Германскиот Бундесвер, Хирт, СР Германија;
  • 2000, Курс за офицер за огнена поддршка - Артилериско училиште на Германскиот Бундесвер, Идар - Оберштајн, СР Германија;
  • 2000, Курс за командант на артилериски баталјон - Артилериско училиште на Германскиот Бундесвер, Идар - Оберштајн, СР Германија;
  • 2001, Курс за лидери на 21. век, „Џорџ Маршал“ Европски центар за безбедносни студии на САД - Гармиш П. Кирхен, СР Германија;
  • 2001, Курс за офицер за односи со јавноста - Шпиз, Швајцарска конфедерација;
  • 2002, Курс за цивилно-воени односи во мировни операции - Персонов Центар за поддршка на мирот - Нова Шкотска, Канада;
  • 2004, НАТО ориентационен курс за штабни офицери, НАТО училиште, Оберамергау, СР Германија;
  • 2005, ПДС-КШШ Воена Академија „Михаило Апостолски“, Скопје;
  • 2006, „CJTF“ Курс, во организација на НАТО Мобилниот тренинг тим (МТТ) од Неапол во Скопје;
  • 2010, Курс, „Стратегиска комуникација“ во ПзМ Центарот во Анкара, Република Турција;
  • 2011, Курс „Тероризам и медиуми“ во НАТО Центарот за совршенство во Анкара, Република Турција;
  • 2013, НАТО Одбранбен Колеџ (NDC), Рим, Република Италија.

Методи Хаџи-Јанев

Бригаден генерал

Бригадниот генерал, Методи Хаџи-Јанев е офицер со богато воено, дипломатско и академско искуство. Тој е доктор на науки по меѓународно право и меѓународни односи на правниот факултет при Универзитетот „Свети Кирил и Методиј", во Скопје, а магистрирал на постдипломските воени студии во САД „ Колеџот за воено воздухопловство во САД". Методи Хаџи-Јанев дипломирал на Воената академија „Генерал Михајло Апостолски " во Скопје како еден од тројцата најдобри питомци за што бил награден од Претседателот на Република Македонија и Врховен Командант на Вооружените сили. Методи Хаџи-Јанев е припадник во специјалните единици на АРМ 12 години и е прв командант на македонските специјални сили во Ирак. За време на службата во специјалните сили извршувал повеќе командни должности. Хаџи-Јанев во 2015 година, бил назначен за нерезидентен воен советник при Постојаната мисија на Република Македонија во Обединетите Нации во Њујорк и за одбранбено аташе на Република Македонија во САД. Од 2017 година, Хаџи-Јанев е придружен професор на Државниот универзитет Аризона во САД, а бил професор и на Воената академија „Генерал Михајло Апостолски" во Скопје. Тој е автор и коавтор на повеќе дела и трудови во областа на сајбер безбедноста и одбраната и има посетувано обемни меѓународни обуки во борбата против тероризмот. Тој е потпретседател на Евро-атлантскиот Совет на Македонија, официјален дисеминатор на меѓународното хуманитарно право на Црвен Крст на Република Македонија и член на експертскиот – советодавен тим на Центарот за кризи и домашна безбедност при Државниот универзитет Аризона во САД. Во декември 2017 година,со Указ на Претседателот на Република Македонија е именуван за Аѓутант на Врховниот Командант на Вооружените сили на Република Македонија, Претседателот, д-р Ѓорге Иванов. Во декември 2017 година, со Указ на Претседателот на Република Македонија, д-р Ѓорге Иванов е унапреден во чин Бригаден генерал.

Страници во категоријата „Генерали во АРМ“

Прикажани се 5 од вкупно 5 страници во категоријата.