Викинзи (серија)

Од Википедија — слободната енциклопедија
Прејди на прегледникот Прејди на пребарувањето
Викинзи
Vikings-logo.png
ЖанрИсториска драма
Создадена одМајкл Хирст
Напишана одМајкл Хирст
Улоги
Воведна тема"If I Had a Heart"
од Фивер Реј
Композитор(и)Тревор Морис
Земја на потеклоКанада
Ирска
Првичен јазиканглиски
Продукција
МестоположбаСтудија Ашфорд
Округ Виклоу
Времетраење45 минути
ДистрибутерMGM телевизија
Прикажување
Првична мрежаHistory
Првично прикажувањемарт 3 2013 (2013-03-03)
Надворешни врски
Official websitehistory.com/shows/vikings

Викинзи е историска драма напишанa и создадена од страна на Мајкл Хирст за телевизискиот канал History. Снимена во Ирска, премиерно се прикажала на 3 март, 2013 година во Канада.[1]

Серијата е инспирирана од сагите на викингот Рагнар Лотброк, еден од нордиските јунаци познат по нападите на Англија и Франција. Серијата го прикажува како фармер кој се издигнува организирајќи напади во Англија и кој потоа станува скандинавски крал со поддршка на семејството и на верните воини: брат му Роло, синот Бјорн Железниот, и неговите жени—воинката Лагерта и принцезата Аслауг.

На 17 март 2016, каналот ги обновил Викинзите за петта сезона од 20 епизоди, која  премиерно ќе се прикаже на 29 ноември, 2017. На 12 септември, 2017, во пресрет на петтата сезона, серијата беше обновена за шеста сезона, која ќе се состои од 20 епизоди.

Приказната[уреди | уреди извор]

Серијата е инспирирана од приказните за нападите, тргувањето, и истражувањето на Норманите на почетокот на средновековна Скандинавија. Ги следи подвизите на легендарниот викиншки водач Рагнар Лотброк, неговата посада и семејство, особено утврдени во сагите од 13-от век, Сагата за Рагнар Лотброк и Сагата за Рагнаровите синови, како и во делото од 12-от век  на Саксо Граматик, Подвизите на Данците (латински: Gesta Danorum). Нордиските легендарни саги биле делумно измислени приказни врз основа на нордиските усни преданија, напишани околу 200 до 400 години по настаните што ги опишуваат. Понатамошна инспирација е преземена од историските извори на периодот, како што се записите за викиншките напади врз Линдисфарн прикажани во втората епизода, или оние на Ахмад ибн Фадлан од 10-от век за Варјазите. Серијата е поставена на почетокот на викиншката доба, означени со нападот на Линдисфарн во 793.

Актерска екипа[уреди | уреди извор]

Продукција[уреди | уреди извор]

Ирско-канадска ко-продукција, Викинзи се во продукција на Octagon Films и на Take 5 Production.

Мајкл Хирст, Морган О'Саливен, Џон Вебер, Шери Марш, Алан Гасмер, Џејмс Флин и Шејла Хокин се извршни продуценти. Буџетот за првата сезона бил $40 милиони.[2]

Серијата почнала со снимањето во јули 2012 во студиото Ашфорд, новоизграден објект во Ирска, избрана како локација поради даночните поволности. На 16 август 2012, сцените со бродовите се снимале во Лугала, и на вештачкото езеро Пулафука на планините Виклоу.[3] 70% од првата сезона се снимало на отворено. Некои дополнителни позадински снимки биле направени во западна Норвешка.[4]

Во април 2013,  продолжила втората сезона на Викинзи за уште десет епизоди.[5]

 Александар Лудвиг, го глумел пораснатиот Бјорн а Лајнус Роач, го глуми кралот Егберт од Весекс[6] Втората сезона прави временски скок, и малиот Бјорн (Нејтан О Тул) станува воин којшто го глуми Лудвиг. Постариот Бјорн не го видел татко му, Рагнар, веќе подолго време. Лагерта се премажила за моќен ерл, очув кој се грижи за иднината на Бјорн.[7]

Мајкл Хирст ги објавил плановите за четвртата сезона уште пред да почне да се прикажува третата сезона. Четвртата сезона почнала со продукција во околината на Даблин во април 2015 година.[8] Кога било најавено дека серијата ќе доживее и петта сезона, се објавило и дека  ирскиот актер Џонатан Рис Маерс ќе стане дел од актерската екипа во улога на Хихмунд, "бишопски воин". Мајкл Хирст, креаторот на Викинзи објаснил:

"Барав во историските книги и наидов на ови воини бишопи. Претходници на темпларите: луѓе кои биле апсолутно религиозни, а сепак ставале штит и се бореле. Нивниот свештенички статус не треба да ве залажува. „Тие биле луди! Тие тотално верувале во христијанството и пораката, а сепак, на бојното поле биле тотално  бестрашни.“ [9]

Музика[уреди | уреди извор]

Норвешката музичка група Wardruna направила голем дел од  музиката на серијата. А еден од музичарите се појавил и како актер.[10]

Емитување[уреди | уреди извор]

Викинзите премиерно биле прикажани на 3 март, 2013 година во Канада[11] и во САД.[12] Четвртата сезона започнала во март 2015 година проширена на 20 епизоди, со премиера во февруари, 2016 година.[13][14][15] На 17 март 2016, каналот History ги обнови Викинзите за петтата сезона од 20 епизоди,со премиера на 29 ноември 2017.[16][17] На 12 септември, 2017, во пресрет на  петтата сезона, серијата е обновена за шеста сезона со 20 епизоди.[18]

Критики[уреди | уреди извор]

Првата епизода поминала со поволни критики, со просечна оценка од 71% според Metacritic. На HitFix го пофалиле кастингот, особено улогата на Фимел како Рагнар[19] Во The Wall Street Journal истакнале дека сетингот и костимите се "природни и автентични" и забележале дека Викинзите за разлика од Спартак не се приказ на секс и насилство, туку "проучување на карактерот, издржливост,а силата и ... на социјалното, емоционалното, па дури и интелектуалното будење".[20] Вашингтон Пост, рекол дека тоа е "релевантна и стабилна нова драмска серија ....[21] Во "Њујорк Тајмс", ја пофалиле изведбата на актерите особено на Фимел, и дале позитивен контраст на Викинзите за разлика од други серии каде присутна била голотијата.[22] Во Entertainment Weekly истакнале дека изведбата на актерите е добра, но дека Викинзите се "некако хаос", со недостаток на интрига како онаа на Тјудорс и Игра на тронови.[23]

Втората сезона на Metacritic била со оценка 77%, а Rotten Tomatoes дал оценка 92% врз основа на дванаесет професионални критики.

Рејтинг[уреди | уреди извор]

Премиерата на серијата имала шест милиони гледачи во САД, на сите мрежи помеѓу гледачи на возраст од 18-49. Претходно тврделе дека има осумнаесет милиони гледачи но подоцна каналот се извинил за погрешната информација.[24][25] Во Канада, на премиерата имало 1.1 милиони гледачи. Првата сезона во просек имала 942,000 гледачи.[26]

Награди и номинации на серијата Викинзи
Vikings logo.png
Број на победи и номинации
Footnotes

Награди[уреди | уреди извор]

Серијата има 87 номинации и 25 победи во разни категории.

Историската доследност[уреди | уреди извор]

Некои критичари укажувале на историски неточности во серијата при описот на викиншкото општество. Ларс Вокер, во списанието The American Spectator, го критикувал приказот на власта кај Викинзите во раната викиншка ера прикажана како автократска наместо во суштина демократска.[27] Џоел Роберт Томсон критикувал дека Скандинавците се опишани како непознавачи на постоењето на Британија и Ирска, и дека како најтешка казна е прикажана смртната казна наместо прогонот (skoggangr).[28]

Норвешкиот весник Aftenposten објавил дека серијата погрешно го прикажала храмот во Упсала како црква во планините, додека историскиот храм се наоѓал на рамно земјиште.[29] Од друга страна, храмот како што бил прикажан сепак има сличности со реконструкција на објектите на Uppåkra hof.

Многу ликови се врз основа или инспирирани од вистински луѓе од историјата или легендите, а прикажаните главни настани се главно извлечени од историјата. Сепак, настаните од над сто години се збиени за да се прикаже подраматичен ефект. На пример, во една сезона е нападот на Линдисфарн опатијата на 793 (пред да се роди вистинскиот Роло), а во третата сезона трите исти лика на приближно иста возраст учествуваат во Опсадата на Париз од 845. Од ова време, Егберт бил мртов повеќе од четириесет години, а кралот Алфред Велики веќе бил крал, а сепак, тој се уште е портретиран како дете во четвртата сезона. Роло е опишан дека дозволува неговите луѓе да бидат убиени, и дека се бори против Викинзите, додека во историјата ним им било доделено тоа што денес се нарекува Нормандија а тој продолжил да соработува со Норманите. Исто така, повеќето од главните ликови се прикажани како од Норвешка, додека според основните извори тие најверојатно би биле Данци.

Малку е познато за викиншката верска практика[30] па така тој опис во голема мера е измислен. Кога Катерин Виник ја прашале зошто ја лиже дланката на видовитиот, таа одговорила: "Тоа не беше првично во сценариото и ние само сакавме да направиме нешто уникатно и поразлично".[31] Во однос на историските разлики Мајкл Хирст рекол:

"Морав да си земам слобода со Викинзите , бидејќи никој не знае со сигурност што се случувало во раниот среден век ... ние сакаме луѓето да гледаат. Историјата на Викинзите ќе допре стотици, можеби илјадници луѓе. Тука треба да допреме до милиони."[32]

Поврзани медиуми[уреди | уреди извор]

Zenescope соработува со History Channel за да создаде стрип за Викинзите врз основа на серија. Тој за прв пат се дистрибуирал на Comic-Con 2013 и од страна на comiXology , во февруари 2014.[33][34]  Стрипот е напишан од страна на Мајкл Хирст, а илустриран бил од Денис Калеро (X-Men Noir), а настаните што во него се прикажани се случуваат пред настаните од првата сезона. Рагнар и Роло се борат рамо до рамо со нивниот татко. Во стрипот се опишува нивната прва средба со Лагерта.

Наводи[уреди | уреди извор]

  1. "VIKINGS Tops The Ratings With 8.3 Million Viewers". Irish Film Board. March 5, 2013. конс. March 14, 2013. 
  2. Justin, Neal. „Meet the real Ragnar on History Channel's 'Vikings'“, 2 март 2013 (посет. 12 март 2013 г).
  3. Kelpie, Colm. „Viking hordes are back to make history“, „Irish Independent“, 17 август 2012.
  4. "FILMS SHOT IN NORWAY". Film commission Norway. конс. 2015-12-02. 
  5. Vikings Renewed“, „Seat42f“, 5 април 2013.
  6. Goldberg, Lesley. 'Vikings' Enlists 'Hunger Games', 'Law & Order' Actors for Season 2, The Hollywood Reporter, June 11, 2013. Accessed January 5, 2014.
  7. Fitzpatrick, Kevin (July 9, 2013). "'Vikings' Season 2 Spoilers: What Will the Time Jump Change?". ScreenCrush. 
  8. "Casting Call Announced History Channel Vikings". auditionsfree.com. March 19, 2015. конс. March 19, 2015. 
  9. "'Vikings' Creator Talks Jonathan Rhys Meyers' New Character". 26 January 2017. 
  10. "Einar Kvitrafn Selvik (Wardruna) Appearing On History Channel’s Vikings". Ghost Cult Magazine. February 15, 2015. конс. January 11, 2017. 
  11. Ricthie, Kevin. "History to debut scripted series Vikings in March". Playback. Архивирано од изворникот на January 22, 2013. конс. January 22, 2013. 
  12. "The History Channel Announces 'Vikings' Broadcast DateThe Irish Film & Television Network". Irish Film and Television Network. December 20, 2012. конс. January 6, 2013. 
  13. Nicholson, Max (March 26, 2015). "Vikings Renewed for Season 4". IGN. конс. March 27, 2015. 
  14. Mathew, Ilin (July 3, 2015). "'Vikings' Season 4 Spoilers: Queen Aslaug to be Leader; Will Rollo Follow Ragnar's Footsteps?". International Business Times. конс. July 31, 2015. 
  15. Matt Webb Mitovich. "Vikings Gets Supersized Season 4, Premiere Date, ‘Last Supper’-y Poster – TVLine". TVLine. 
  16. Lesley Goldberg (March 17, 2016). "'Vikings' Renewed for Fifth Season at History". The Hollywood Reporter. конс. March 17, 2016. 
  17. Greg Evans (July 22, 2017). "‘Vikings’ Gets Trailer & Season Premiere Date – Comic-Con". Deadline. конс. July 22, 2017. 
  18. Franich, Darren (September 12, 2017). "Vikings renewed for sixth season". Entertainment Weekly. конс. September 12, 2017. 
  19. Sepinwall, Alan. „Review: History's 'Vikings' a bloody good time“, „What's Alan Watching?“, HitFix, 1 март 2013.
  20. DeWolf Smith, Nancy. „The Norse Code“, „The Wall Street Journal“, 1 март 2013.
  21. Stuever, Hank. „In History's compelling 'Vikings,' Hägar the Hipster is a brute charmer“, „The Washington Post“, 28 февруари 2013.
  22. Genzlinger, Neil. „You Plunder, I'll Pillage, Maybe We'll Find England“, „The New York Times“, 1 март 2013.
  23. Collis, Clark. „Vikings (2013)“, „Entertainment Weekly“, 27 февруари 2013.
  24. de Moraes, Lisa. „History channel apologizes after boasting about 'Vikings' ratings“, „The Washington Post“, 5 март 2013.
  25. "'Vikings' Has Number 1 Cable Series Premiere of the Year With 8.3 Million Total Viewers on the Night". TV by the Numbers. 
  26. Wild, Diane (2013-04-05). "Vikings picked up for second season". TV, eh?. 
  27. Walker, Lars. „History Channel Gets Vikings Precisely Wrong“, „The American Spectator“, 12 март 2013.
  28. Balar, Keya. „Historical Inaccuracies in 'Vikings'“, „Daily Targum“, 14 март 2013.
  29. TV-serie om vikinger skaper latter for historiske tabber“, „Aftenposten“, 24 април 2013.
  30. "Viking Religion". BBC. конс. 16 December 2016. 
  31. Johnson, Ron. „The beauty and the beheading Toronto star returns in new season of Vikings“, „Post City Magazines“, 15 февруари 2014.
  32. Gilbert, Tom (February 22, 2013) "Vikings Come Ashore in a New Light", The New York Times, retrieved April 8, 2013
  33. "Vikings #1". comiXology. конс. February 24, 2014. 
  34. Hero Complex: Comic-Con: 'Vikings' will land with stars, free comic, boat races“, „Los Angeles Times“, 2 јули 2013.

Надворешни врски[уреди | уреди извор]