Рамна (Валовишко)
| Рамна Ομαλό | |
|---|---|
  Рамна | |
|
Местоположба во областа   Рамна | |
| Координати: 41°16′N 23°12′E / 41.267° СГШ; 23.200° ИГД | |
| Земја | Грција |
| Област | Централна Македонија |
| Округ | Серски |
| Општина | Синтика |
| Општ. единица | Петрич |
| Надм. вис. | 80 м |
| Население (2011)[1] | |
| • Вкупно | 161 |
| Часовен појас | EET (UTC+2) |
| • Лете (ЛСВ) | EEST (UTC+3) |
Рамна (грчки: Ομαλό, Омало; до 1928 г. Ράμνα, Рамна[2]) — село во Валовишко, Егејска Македонија, денес во општината Синтика на Серскиот округ во областа Централна Македонија, Грција. Населението брои 161 жител (2011).
Географија и местоположба[уреди | уреди извор]
Селото се наоѓа во подножјето на планината Беласица, северно од Бутковското Езеро, на 8 км источно од селото Ветрен, на надморска височина од 80 м. Тоа е потполно споено со соседното Турчели.[3]
Историја[уреди | уреди извор]
Во Отоманското Царство[уреди | уреди извор]
Од името на селото се гледа дека првично било македонско. Во XIX век Рамна било влашко село во Демирхисарската (Валовишка) каза на Серскиот Санџак. Во „Етнографија на вилаетите Адријанопол, Монастир и Салоника“ се вели дека во 1873 г. во Рамна (Ramma) имало 106 домаќинства и 350 жители Власи.[4]
Во 1891 година Георги Стрезов за селото напишал:
| „ | Равна, источно од Порој и северозападно од Валовишта, на Беласица. Жителите се само Власи, од кои најмногу се занимаваат со сточарство. Грчка црква; 60 влашки куќи.[5] | “ |
Според податоците на Васил К’нчов („Македонија. Етнографија и статистика“) од 1900 г., во селото Рамна имало 550 жители Власи.[6]
Во Грција[уреди | уреди извор]
За време на Првата балканска војна селото е окупирано од Бугарија, но по Втората балканска војна во 1913 г. е припоено кон Грција согласно Букурешкиот договор. Таа година селото броело 469 жители, кои поради војните во 1920 г. се намалиле на 127 лица, а во 1928 г. само со 44.[3] Истата година, името на селото било променето во Омало (Ομαλό).[2]
По Граѓанската војна (1946 - 1949) селото е поместено во близина на патот Кукуш-Валовишта, на надморска од 80 метри.[3]
Население[уреди | уреди извор]
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 288 | 277 | 312 | 153 | 186 | 191 | 147 | 161 |
- Извор за 1940-1991 г.: Т. Симовски, Населените места во Егејска Македонија
Самоуправа и политика[уреди | уреди извор]
Во 1918 година, селото станало самостојна општина. Општината Рамна била приклучена во општината Хаџи Бејлик во 1926 година.[3]
Селото припаѓа на општинската единица Петрич со седиште во селото Ветрен, која припаѓа на поголемата општина Синтика, во округот Сер. Воедно, селото е дел од општинскиот оддел Хаџи Бејлик, во кој влегува и истоименото село.
Личности[уреди | уреди извор]
- Родени во Рамна
- Кочо Кукулич (Коста Кукулич, ? - 1883) — ајдутин
- Починати во Рамна
- Павел Жељазков (1881 - 1906) — револуционер на ВМРО
Наводи[уреди | уреди извор]
- ↑ „Попис на населението од 2011 г. Трајно население“. Државен завод за статистика на Грција.
- ↑ 2,0 2,1 „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 31 март 2024.
- ↑ 3,0 3,1 3,2 3,3 Симовски, Тодор (1998). Населените места во Егејска Македонија : географски, етнички и стопански одлики. II дел. Скопје: Институт за национална историја. стр. 206.
- ↑ Македония и Одринско : Статистика на населението от 1873 г. София: Македонски научен институт – София, Македонска библиотека № 33. 1995. стр. 136–137. ISBN 954-8187-21-3.
- ↑ Стрезов, Г. Два санджака от Източна Македония. Периодично списание на Българското книжовно дружество в Средец, кн.XXXVII-XXXVIII, 1891, стр. 859.
- ↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 185. ISBN 954430424X.
| ||||||||||||||||||||||||||||||||||