Институт за национална историја

Институтот за национална историја е основан со Уредба на Владата на НР Македонија од 22 јули 1948 година, со основна задача да ја проучува историјата на Македонија и македонскиот народ, на народностите и на етничките групи што живеат во неа. Со посебен Закон за Институтот за национална историја од 1965 година поблиску се определени неговите задачи. Седиштето на Институтот за национална историја е во Скопје. За прв директор е именуван Митко Зафировски, а денешен директор на Институтот е Тодор Чепреганов.

ИНИ својата дејност ја остварува преку научноистражувачка дејност, издавачка дејност и последипломските и докторските студии.

Одделенија

Научноистражувачката дејност Институтот ја врши преку седум постојни одделенија:

• Одделение за античка и средновековна историја на Македонија (до 1371 година)
• Одделение за историјата на Македонија во време на османско-турското владеење (до почетокот на 19 век)
• Одделение за проучување на периодот на преродбенското и националноослободителното движење во 19 век до 1912 година
• Одделение за историјата на македонскиот народ (1913-1941)
• Одделение за историјата на македонскиот народ (1941-1991)
• Одделение за историјата на малцинствата на Балканот и иселеништвото
• Балканолошко одделение

Од 1957 година Институтот издава научно списание „Гласник”.

Поранешни директори

• Новица Велјановски

Надворешни врски

• Официјалното веб-место на институтот

Видете исто така

• ИНИ