Хлодовик III
| Хлодовик III | |
|---|---|
| Крал на Франките од Австразија | |
 | |
| На престол | 675–676 |
| Претходник | Хилдерик II |
| Наследник | Дагоберт II |
| Династија | Меровинзи |
| Татко | Хлотар III ? |
Хлодовик III е крал на Франките од Австразија од 675 до 676.
Роден околу 670, за него се мисли дека му бил син на Хлотар III, но впрочем веројатно обичен измамник кој го измислил Еброин. Во 675, после убиството на кралот Хилдерик II, Неустријците и Бургондите за крал го прогласиле Теодорих III. Австразијците и поранешниот мајордом на палатата Еброин, тргнати од власт, за крал на Австразија го прогласиле, младиот Хлодовик, едно петгодишно дете. Гледајќи дека нема голема поддршка, Еброин се откажува од идејата да го поддржува Хлодовик во замена да стане мајордом на палатата на Неустрија. Хлодовик III бил симнат од престолот. Најверојатно бил однесен во манастир каде починал. Датумот на неговата смрт не е познат.
Извори[уреди | уреди извор]
- "Животот на Св.Леже владиката од Отен" (vers 680) :
[...] Откако тоа се стори, одмаздата не чекаше да ја донесе својата пресуда врз Хилдерик : неговите лоши навики воопшто не им се допаѓаа на големците од палатата; и едниот од нив кој го трпеше понестрпливо од другите, му зададе смртен удар, додека во една шума, тој заштитен ловеше [...]. Теодорих, вратен во своето кралство, беше на сигурно во Сен-Клод, кога Еброин ненадејно пристигна со Австразијците [...]. Мајордомот на палатата беше убиен, и Еброин го стори овој злостор, поттикнат од лошите совети на тие ѓаволи од луѓе [...]. Тие земаа некакво дете, за кое тврдеа дека му е син на Хлотар, и го прогласија за крал на Австразија. Така собраа околу себе многу луѓе на кои тоа им беше за верба за да војуваат [...]. Колку многу луѓе излажани со оваа измама веруваа дека Теодорих е мртов и дека Хлодовик му е син на Хлотар! [...]. Додека се случуваа сите овие нешта, после смртта на Хилдерик, откако владиците и големците од Неустрија и Бургундија кои го вратија Теодорих во неговото кралство мирно се вратија дома, лошите од своја страна креваа војска [...]. Сепак лошиот Еброин не можејќи долго да го крие својот злостор, ја напушти страната на неговиот лажен крал за да се врати во палатата на Теодорих. Тој тука беше примен со интрига и повторно стана мајордом на палатата’’[...].
 |
„Хлодовик III“ на Ризницата ? |
Хлодовик III Починал(а): 676
| ||
| Претходник Хилдерик II |
Крал на Австразија 675–676 |
Наследник Дагоберт II |
| ||||||||||
