Лука Иванушец

Лука Иванушец
Лични податоци
Полно име	Лука Иванушец
Роден на	26 ноември 1998 (25 г.)
Роден во	Вараждин, Хрватска
Држава	Хрватска
Висина	1,75 м
Позиција	среден ред
Клупски податоци
Сегашен клуб	Динамо Загреб
Број	7
Младинска кариера
	Нови Мароф
	Вараждин
	Локомотива
Кариера*
Репрезентација ‡
	*Настапи и голови само на првенствени натпревари, според податок од 10 јули 2016; ‡ Настапи и голови за репрезентација, според податок од 10 јули 2016

Лука Иванушец (хрватски: Luka Ivanušec); (роден на 26 ноември 1998 во Вараждин) — хрватски фудбалер, играч од средниот ред на Динамо Загреб и на хрватската репрезентација.

Клупска кариера[уреди | уреди извор]

Својата кариера ја започнал во екипата од својот роден град, НК Вараждин, каде останал до 2015 година, кога на возраст од 17 години се преселил во Локомотива Загреб. Иако првично бил дел од младинскиот тим, на 20 декември 2015 година тој дебитирал за првиот тим на Локомотива, во победата со 3-0 над Славен Белупо. Својот прв гол за загрепската екипа го постигнал на 3 декември 2016 година против Цибалија. Вкупно за Локомотива одиграл 78 натпревари и постигнал 9 гола.

На 19 август 2019 година, Иванушец потпишал петгодишен договор со Динамо Загреб.^[1] За модрите дебитирал на 31 август 2019 година, во дербито против Хајдук на Пољуд, кое неговата екипа го загубила со 1-0. Својот прв погодок за Динамо го постигнал во натпревар против Риека.^[2] Во сезоната 2019-2020, со клубот го освоил хрватското првенство - првиот трофеј во неговата кариера.

Репрезентативна кариера[уреди | уреди извор]

За хрватската сениорска репрезентација дебитирал на 11 јануари 2017 година против Чиле на Чајна купот, на кој Хрватска настапила со речиси целосен состав од домашната лига. Својот прв погодок за репрезентацијата го постигнал на истото натпреварување во поразот од Кина во натпреварот за третото место.^[3]

Во летото 2021 година, Иванушец се нашол на списокот со играчи за Европското првенство 2020 кој го објавил хрватскиот селектор Златко Далиќ.^[4] На првенството забележал два настапи во групната фаза и играл во осминафиналето против Шпанија, после кое неговата репрезентација била елиминирана.