Чаби Чекер

Од Википедија — слободната енциклопедија
Чаби Чекер
Чаби Чекер во 2005
Животописни податоци
Родено имеЕрнест Еванс
Роден(а)3 октомври 1941(1941-10-03) (82 г.)
Спринг Гали, Јужна Каролина, САД
ПотеклоФиладелфија, Пенсилванија, САД
Жанрови
Занимања
  • Пејач
  • танчер
ИнструментиВокал
Период на активност1958–денес
Издавачи
Мреж. местоchubbychecker.com

Чаби Чекер (анг: Chubby Checker; роден како Ернест Еванс (Ernest Evans); 3 октомври 1941 година) ― американски пејач и танчер. Тој е познат по промовирањето и популаризирањето твистот. Тоа му успеало со изведбата на песната The Twist (преработка на песна од Хенк Балард) во 1960 година, која веднаш се искачила на прво место на американската топ листа (Billboard Hot 100).

Во септември 2008 година, „The Twist“ била на врвот на топ-листата на најпопуларни синглови кои се појавиле во Hot 100 на Billboard од првото објавување на листата во 1960 година; песната се задржала на прво место до ажурирањето на листата во август 2013 година.[1]

Живот и кариера[уреди | уреди извор]

Ернест Еванс е роден во Спринг Гали, Јужна Каролина,[2] но детството го поминал во Јужна Филаделфија, каде живеел со неговите родители и двајцата браќа.[3][4] Уште пред да се запише во средно училиште, Ернест научил да свири на пијано.

По завршување на училиштето, Ернест Еванс работел на различни работни места, а секаде ги забавувал клиентите со имитирање на популарните пејачи од тоа време. Неговиот шеф во продавницата, „Тони А.“, на Еванс му го дал прекарот „Чаби“ (буцкаст). Неговите вокални способности толку го воодушевиле сопственикот на центарот Хенри Колт што тој го убедил својот познаник и пријател Карл Ман (кој работел во Cameo-Parkway Records како композитор),[5] да го земе Чаби, како што тој го нарекол, и да му сними песна за американското телевизиско шоу American Bandstand, кое го водел Дик Кларк. На сесијата за снимање, Еванс го добил своето уметничко име од сопругата на Кларк, која го прашала Еванс како се вика. „Па“, одговорил тој, „моите пријатели ме викаат „Чаби“. Бидејќи тој штотуку завршил со изведба од Fats Domino, таа се насмеала и рекла: „Како дама? (анг: сhecker) Тој веднаш се насмевнал на играта на зборови („chubby“ што значи буцкаст и „дама“, што е слично со „домино“, друштвена игра) и оттогаш, Еванс одлучил да го користи името „Чаби Чекер“.[6] [7]

Во декември 1958 година, Чекер приватно снимиl нов сингл за Кларк. Чекер имитирал неколку музичари (Фетс Домино, The Coasters, Elvis Присли, Кози Кол и The Chipmunks) како ја пеат песната „Mary Had a Little Lamb“. На луѓето од Cameo-Parkway Records многу им се допаднала снимката и потпишале договор со Чаби Чекер.[8] Тие објавиле сингл со неговата снимка наречена The Class; плочата имала солиден успех и се искачила на 38 место на американските топ листи во 1959 година.[9]

Во јули 1960 година, Чекер ја извел неговата верзија на „The Twist“. „The Twist“ веднаш се нашла на врвот на Billboard Hot 100. Песната уште еднаш избила на прво место на крајот од 1961 година по разиграната изведба во живо[10] на песната на Шоуто на Ед Саливен, кое го гледале преку 10 милиони гледачи.[11] Танцувањето твист станало светски феномен.

По неговиот прв голем успех, тој продолжил да издава релативно успешни танцови синглови; The Hucklebuck (#14), The Fly (#7), Dance the Mess Around (#24) и Pony Time, кој станал втор број 1 сингл на Чекер.[9] Следната „твист“ песна на Чекер, „Let's Twist Again“, ја освоила наградата Греми во 1962 година за најдобра рокенрол песна.[12] Во 1962 година, тој снимил дует со пејачот Ди Ди Шарп, Slow Twistin , кој се искачил на 3-то место, а потоа го издал синглот Limbo Rock, кој се искачил на второ место при крајот на 1962 година. Limbo Rock бил последен хит на Чекер кој се пласирал во топ-10 на Билбордовата листа.

Во 1964 година, Чекер се оженил со холандската убавица Катарија Лодерс, поранешна Мис на светот од 1962 година.[13] По бракот, Чекер продолжил да снима релативно успешни плочи до 1965 година, кога промената на музичкиот вкус ставил крај на неговата кариера.

Чаби Чекер за време на ТВ интервју во 2008 година

Наводи[уреди | уреди извор]

  1. ↑ Празен навод (help)
  2. ↑ Franklin, Benjamin V (30 May 2016). An Encyclopedia of South Carolina Jazz and Blues Musicians. Columbia, South Carolina: University of South Carolina Press. стр. 147. ISBN 978-1-61117-622-3.
  3. ↑ UPI Telephoto (NAP 122601), December 1963.
  4. ↑ „The Official Site“. ChubbyChecker.com. Архивирано од изворникот на 2023-05-30. Посетено на 2015-08-18.
  5. ↑ „Interview With Chubby Checker“. Classicbands.com. 1961-02-01. Посетено на 2015-08-18.
  6. ↑ „Chubby Checker“. Classicbands.com. 1958-11-11. Посетено на 2015-08-18.
  7. ↑ Benitez-Eves, Tina (February 2, 2023). „The Story Behind How "The Twist" Creator Chubby Checker Got His Name“. American Songwriter.
  8. ↑ Dawson, Jim (1995). The twist : the story of the song that changed the world. Internet Archive. Boston, Massachusetts: Faber and Faber. стр. 30-31. ISBN 978-0-571-19852-8.
  9. ↑ 9,0 9,1 Празен навод (help)
  10. ↑ Chubby Checker "The Twist & Let's Twist Again" on The Ed Sullivan Show. October 22, 1961. https://www.youtube.com/watch?v=QDGprGUreOc. 
  11. ↑ Dawson, Jim (2012). „"The Twist"—Chubby Checker (1960)“ (PDF). Library of Congress. Архивирано од изворникот (PDF) на October 17, 2020.
  12. ↑ Празен навод (help)
  13. ↑ „Chubby Checker To Wed Beauty“. Reading Eagle. UPI. December 12, 1963. стр. 46. Посетено на August 12, 2010.

Надворешни врски[уреди | уреди извор]

Нормативна контрола
Преземено од „https://mk.wikipedia.org/w/index.php?title=Чаби_Чекер&oldid=5170211“