Нертен-Харденберг

Нертен-Харденберг
Католичката црква „Св. Мартин“ во Нертен Католичката црква „Св. Мартин“ во Нертен
Нертен-Харденберг
Управа
Земја	Германија
Покраина	Долна Саксонија
Округ	Нортхајм
Месни единици	8
Градоначалник	Астрид Клинкерт-Кител (независен)
Основни податоци
Површина	54,08 км2
Надм. височина	159 м
Население	8.435 (31 декември 2020)
- Густина	156 жит/км2
Други информации
Часовен појас	CET/CEST (UTC+1/+2)
Рег. табл.	NOM
Пошт. бр.	37176
Повик. бр.	05503
Портал	www.noerten-hardenberg.de
Местоположба на Нертен-Харденберг во рамките на округот Нортхајм
Карта
Координати	51°37′N 9°56′E

Нертен-Харденберг (германски: Nörten-Hardenberg) — општина во округот Нортхајм, во сојузната покраина Долна Саксонија, Германија.

Општината поседува пазарно право и со тоа има некои одлики на град, но официјално не ги добила градските права. Сепак, означена е како „флекен“ (Flecken), мала населба со локално значење. Во општината покрај Нертен-Харденберг влегуваат и уште седум други места.

Географија

Нертен-Харденберг се наоѓа на западните делови на Нертенската Шума во долината на реката Лајне во насока север-југ и на југ се граничи со Бовенден, а на север со Нортхајм; Гетинген се наоѓа 10 километри јужно. Околу 20 километри северозападно се наоѓа Золинг, а околу 30 километри североисточно започнува Харц.

Во Нертен-Харденберг, односно во нејзините делови, се влеваат следниве реки во Лајне: Харсте (кај Парензен), Венде (кај Ангерштајн), Есполде (кај Литгенроде), како и Бефер и Родебах (кај Нертен-Харденберг).

Соседни општини

Соседни општини се Бовенден (југ), Хардегзен (запад), Нортхајм (север) и Катленбург-Линдау (исток).

Општински единици

Кон Нертен-Харденберг припаѓаат следниве места:

Ангерштајн (јужно) Бисхаузен (источно) Елфезе (северозападно) Литгенроде (западно)

Нертен-Харденберг Парензен (југозападно) Зудерсхаузен (источно) Волбрехтсхаузен (западно)

Знаменитости

• Урнатините на замокот Харденберг
• Манастир Мариенштајн со средновековна крипта
• Католичката парохиска црква „Св. Мартин“
• Евангелистичката црква
• Еврејски гробишта

Надворешни врски

• Нертен-Харденберг на Ризницата ^?
• Матична страница (германски)