Му (пејачка)

Од Википедија — слободната енциклопедија
Му
Му на настап во 2018
Роден(а)Карен Марје Огор Орсте Андерсен
13 август 1988(1988-08-13) (35 г.)
Уберуд, Данска
Занимање
  • Пејачка
  • текстописец
Активен период2006–денес
Страница
momomoyouth.com

Карен Марје Огор Орсте Андерсен (Karen Marie Aagaard Ørsted Andersen; родена на 13 август 1988), професионално познат како Му (дански: MØ (изг. [ˈmøˀ] ( слушнете)) ― данска пејачка и текстописец. Музичката кариера ја започнала како член на панк-дуото МОR. По распаѓањето на групата во 2012 година, таа потпишала договор со Sony Music Entertainment и започнала успешна соло-кариера.

Му објавила три студиски албуми, а успех имала и преку нејзините соработки со други музичари.

Живот и кариера[уреди | уреди извор]

Детство[уреди | уреди извор]

Карен Марје Огор Орсте Андерсен[1] [2] е родена на 13 август 1988 година во Уберуд, во близина на Оденсе.[3]

МØ имала седум години кога Spice Girls ја инспирирале да прави музика.[4] Како тинејџерка, се заинтересирала за панк музика и антифашистичките движења; ги слушала Black Flag, Nirvana, Smashing Pumpkins, Yeah Yeah Yeahs и особено Sonic Youth.[5]

2006–2012: Член на групата МОR[уреди | уреди извор]

Во 2006 година МØ објавила еден мини-албум под наслов The Edmunds, а до 2010 година издала уште неколку други песни.[6]

Во 2007 година МØ и нејзината пријателка Јозефин Штрукман Педерсен го основале панк-дуото MOR и објавиле две ЕП: Fisse I Dit Fjæs и Vanvidstimer; во 2009 и 2011 година, соодветно. МОR се распаднала на 7 септември 2012 година.[7]

2012–2017: Прв албум и соработки[уреди | уреди извор]

Во 2012 година, МØ започнала да создава а-капела поп-песни и почнала да соработува со данскиот продуцент Рони Виндал.[8] На 14 јануари 2013 година, МØ го објавила нејзиниот прв сингл „Glass“.[9] Откако нејзиниот сингл „Pilgrim“ (објавен на 15 март 2013),[10] се искачил на единаесетто место на Данската топ-листа за синглови, данската радио-станица DR P3 ја етикетирала пејачката како музичар во подем.[11] [12] Во октомври 2013 година, таа го објавила нејзиното прво EP, Bikini Daze.[13]

Првиот студиски албум на MØ, No Mythologies to Follow, бил објавен на 7 март 2014 година. По објавувањето на албумот започнала турнеја низ Европа и САД.[14]

Во ноември 2014 година, таа освоила четири награди на Данските музички награди: „Дански албум на годината“, „Дански соло изведувач на годината“, „Најдобар дански нов изведувач“ и „Данско музичко видео на годината“.[15]

Во 2014 година, МØ во соработка со австралиската раперка Иги Азејлија била вклучена во песната „Beg for It“, која била издадена како водечки сингл од реизданието на албумот од Азејлија, Reclassified.[16] MØ исто така била вклучена во песната „One More“ на Елифант, официјално објавена како сингл на 22 септември 2014 година.[17] МØ исто така била котекстописец на песната „All My Love“ од Major Lazer, во која пее американската пејачка Аријана Гранде.[18]

МØ била ко-текстописец и пеела на уште една песна од Major Lazer, „Lean On“, која била објавена во март 2015 година.[19] Песната била светски хит и се искачила на врвот на топ-листите во: Данска, Австралија, Финска, Ирска, Холандија и Нов Зеланд, и во топ-5 во други земји: Франција, Германија, Шведска, Обединетото Кралство и САД.[20] [21] Според IFPI, „Lean On“ била петта најпродавана песна во светски рамки во 2015 година и со вкупна продажба од 13,1 милиони единици бил еден од најпродаваните синглови на сите времиња. Во 2015 година, Spotify ја прогласил за (дотогаш) најстримувана песна на сите времиња.[22] Музичкото видео за „Lean On“ било премиерно прикажано на 30 април 2015 година и со преку 3,5 милијарди прегледи на YouTube се наоѓа меѓу триесте најгледани видеа на платформата.

МØ на настап во Коачела во 2015 година

На 14 октомври 2015 година го објавила синглот „Kamikaze“, продуциран од Дипло; на 13 мај 2016 година го издала синглот „Final Song“, песната била ко-напишана со шведската пејачка Нуни Бао и со англискиот пејач Еменикеј (MNEK). Во октомври 2016 година била објавена нејзината нова песна под наслов „Drum“, ко-напишана со англиската пејачка Чарли Екс-си-екс.

На 22 јули 2016 година, Major Lazer го објавил синглот „Cold Water“ во кој пеат канадскиот пејач Џастин Бибер и МØ, а ова било четврти пат таа да соработува со Major Lazer. Во Обединетото Кралство, „Cold Water“ дебитирал на прво место на топ-листата за синглови во Велика Британија и со тоа МØ станала четврт дански изведувач кој се искачил на прво место во Обединетото Кралство.

На 6 јануари 2017 година, англиското електронско дуо Snakehips ја објавило песната „Don't Leave“ на која пее MØ. Таа пеела и во песната „3AM (Pull Up)“ од Charli XCX и заедно со Софи во песната „9 (After Coachella)“ од Cashmere Cat.[23] На 21 април 2017 година, го објавила третиот сингл од нејзиниот претстоен втор студиски албум, „Nights with You".

На 26 октомври 2017 година, МØ го објавила нејзиното второ EP, When I Was Young. Тоа содржело песни кои МØ ги напишала во текот на четирите години по објавувањето на No Mythologies to Follow.[24] Во 2017 година, МØ била ко-автор и пеела на песната од Дипло, „Get It Right“.

2018–Денес: Следни албуми и понатамошни соработки[уреди | уреди извор]

Во 2018 година, МØ придонела со песната „Never Fall in Love“ за саундтракот од филмот Со љубов од Сајмон. Исто така, ја испеала песната „We Are...“ со Ноа Сајрус и песната „Dance for Me“ со Алма.[25] [26]

На 19 октомври 2018 година, MØ го издала вториот студиски албум, Forever Neverland. На албумот му претходеле пет сингла: „Nostalgia“, „Sun in Our Eyes“ со Дипло, „Way Down“, „Imaginary Friend“ и „Blur“ со Foster the People.[27] Таа навела дека другите синглови „Kamikaze“, „Final Song“ и „Nights with You“ ќе бидат достапни само на јапонското издание на албумот. [28] Во октомври 2019 година, таа го објавила нејзиниот прв микс, MMMMØ - The Mix.

На 28 јануари 2022 година, МØ го издала нејзиниот трет студиски албум, Motordrome, под Columbia Records. Албумот бил најавен со 4 синглови: „Live to Survive“, „Kindness“, „Brad Pitt/Goosebumps“ и „New Moon“. Кон крајот на февруари 2022 година, МØ била на турнеја низ Северна Америка и Европа за да го промовира „Motordrome“. Пеела во песната од Грифин, „Reckless“, објавена во јуни 2022 година. На 12 август МØ го објавила продолженото издание на албумот „Motordrome“ под наслов „Motordrome - Dødsdrom Edition“.[29] Во 2023 година, МØ настапувала на летни фестивали само во Данска. На 11 август 2023 година, МØ го објавила синглот „Attack of the Ghost Riders“, преработка на песната од данската група The Raveonettes.

На 20 септември 2023 година, МØ и Фрајд Фрајдендал ја објавиле книгата под наслов „ТРКАЊЕ – Кругови на сомнеж, квадрати на светлина“.[30]

На 15 март 2024 година, за да ја одбележи 10-годишнината од издавањето, бил реиздаден нејзиниот прв албум No Mythologies to Follow на кој имало и пет нови песни.

Дискографија[уреди | уреди извор]

  • No Mythologies to Follow (2014)
  • Forever Neverland (2018)
  • Motordrome (2022)

Наводи[уреди | уреди извор]

  1. ↑ „How Mø Finessed Anarchist Punk Life Into Global Pop Stardom“. The FADER. Посетено на 2020-08-01.
  2. ↑ „NEWNOISE: MØ“. Wonderland. 2013-01-17. Посетено на 2020-08-02.
  3. ↑ Skrainka, Blaine (14 March 2013). „MØ, Balanced Energy“. The Wild Magazine. Архивирано од изворникот на 16 August 2016. Посетено на 2 August 2016.
  4. ↑ Amendt, Sander (24 June 2014). „"Society waits for nobody" – Pop's newest outsider MØ interviewed“. Electronic Beats. Архивирано од изворникот на 8 August 2014. Посетено на 3 August 2014.
  5. ↑ „MØ - Interview: DSCVR ONES TO WATCH“. YouTube. Посетено на 3 August 2014.
  6. ↑ „Mø A piece of music to f*ck to“. Архивирано од изворникот на 7 October 2016. Посетено на 17 September 2016.
  7. ↑ „MOR retirement announcement“. Facebook. Посетено на 3 August 2014.
  8. ↑ Vindahl, Ronni (12 October 2013). „Ronni Vindahl Interview“. Bitch Slap Magazine. Посетено на 21 August 2017.
  9. ↑ „Glass – Single by MØ“. iTunes Store. United Kingdom. Архивирано од изворникот на 28 December 2013. Посетено на 7 May 2014.
  10. ↑ „Pilgrim – Single by MØ“. iTunes Store. Denmark. Архивирано од изворникот на 10 January 2014. Посетено на 7 May 2014.
  11. ↑ „Discography MØ“. danishcharts.dk. Посетено на 21 March 2014.
  12. ↑ Graulund, Andy. „P3s Uundgåelige“. andyg.dk. Посетено на 3 August 2014.
  13. ↑ „Bikini Daze – EP by MØ“. iTunes Store. Denmark. 18 October 2013. Посетено на 7 May 2014.
  14. ↑ MØ. „MØ Fall 2014 Tour Announcement“. Посетено на 3 August 2014 – преку Facebook.
  15. ↑ „Vinderne ved DMA 2014“ (дански). IFPI Denmark. 10 November 2014. Посетено на 3 October 2015.
  16. ↑ Daw, Robbie (24 October 2014). „Iggy Azalea And MØ's "Beg For It": Listen To The Lead 'Reclassified' Single“. Idolator. Посетено на 24 October 2014.
  17. ↑ „Elliphant - One More (Official Video) ft. MØ“. 23 September 2014.
  18. ↑ „Major Lazer – "All My Love" (Feat. Ariana Grande)“. Stereogum. 13 November 2014. Посетено на 13 November 2014.
  19. ↑ Beauchemin, Molly (2 March 2015). „Diplo's Major Lazer Share New Track "Lean On", Featuring MØ and DJ Snake“. Pitchfork. Посетено на 4 April 2015.
  20. ↑ „Major Lazer & DJ Snake feat. MØ – Lean On“. danishcharts.dk. Посетено на 16 May 2015.
  21. ↑ „Major Lazer ft MO & DJ Snake“. Official Charts Company. Посетено на 12 March 2015.
  22. ↑ „Leaning power: Spotify names its most streamed track of all time“. The Guardian. 2015-11-12. Посетено на 2019-02-11.
  23. ↑ Gallagher, Peach (31 March 2017). „Cashmere Cat Officially Releases "9 (After Coachella)" ft. MØ and Sophie“. Run The Trap. Посетено на 11 April 2017.
  24. ↑ „møving on up: the rise of danish superstar mø“. I-d. 2017-10-26. Посетено на 2017-10-29.
  25. ↑ Smith, Thomas (2018-02-28). „Noah Cyrus on the world being f*cked and comparisons to her sister Miley“. NME. Посетено на 2019-06-22.
  26. ↑ „MØ and Alma are touring Europe this November (no new UK dates tho)“. Dork. 23 April 2018. Посетено на 2019-06-22.
  27. ↑ „MØ Announces New Album Forever Neverland for October 2018 Release and Debuts New Song "Sun In Our Eyes Featuring Diplo" -“. mxdwn Music. 2018-07-14. Посетено на 2018-11-30.
  28. ↑ „MØ announces new album, Forever Neverland, shares "Sun In Our Eyes" featuring Diplo: Stream“. Consequence of Sound. 2018-07-12. Посетено на 2018-11-30.
  29. ↑ https://music.apple.com/us/artist/m%C3%B8/511617296 (2022-08-12), Motordrome (The Dødsdrom Edition) by MØ (англиски), Посетено на 2023-08-04
  30. ↑ „Racing - Circles of doubt, squares of light“. www.gyldendal.dk (дански). Посетено на 2023-10-21.

Надворешни врски[уреди | уреди извор]

Нормативна контрола
Преземено од „https://mk.wikipedia.org/w/index.php?title=Му_(пејачка)&oldid=5197154“