Калифорниски морски лав

Од Википедија — слободната енциклопедија
Прејди на: содржини, барај
Калифорниски морски лав
Zalophus Californianus Cincinnati zoo.JPG
Научна класификација
Царство: Животни
Класа: Цицачи
Ред: Ѕверови
Подред: Перконоги
Семејство: Ушести фоки
Потсемејство: Морски лавови
Род: Калифорниски морски лавови
Gill, 1866
Вид: Калифорниски морски лав
Биномен назив
Zalophus californianus
(Lesson, 1828)
Распространетост на калифорнискиот морски лав — размножувалиште: темносино, вкупна застапеност: светлосино

Калифорниски морски лав (науч. Zalophus californianus) — крајбрежен вид морски лавови од западните делови на Северна Америка, од југоисточна Алјаска до средно Мексико, вклучувајќи го Калифорнискиот Залив. Се одликуваат со полов диморфизам — каде мажјакот е поголем од женката, има подебел врат и истакната челенка. Кога не се во вода, сместуваат претежно на песочни и каменливи плажи, но неретко и на вештачки објекти како сидришта и пристаништа. Се хранат со разни видови риби и лигњи, а самите претставуваат плен за китовите-убијци и белите ајкули.

Овие животни можат да се видат во Зоолошката градина во Скопје.[2]

Морските лавови се многуженци. Се размножуваат од мај до август, при што мажјаците воспоставуваат свои територии и во нив привлекуваат женки. Женките пак, слободно се движат од една до друга територија, без присила од мажјаците. Мајките се грижат за младенчињата во периодот на одмор помеѓу ловните походи. Морските лавови општат со низа огласувања, од кои позабележителен е лаежот и мајчините повици на младите. Вон сезоната на парење, најголемиот дел од времето го проведуваат во морето, навраќајќи се на брегот да се митарат.

Ова се особено интелигентни животни и затоа се дресираат за извршување на разни задачи. Поради ова, калифорниските морски лавови се чести жители на зоолошките градини, циркусите и океанариумите ширум светот, каде најчесто се именуваат како „фоки“. Покрај ова, морнарицата на САД ги користи и како обучени извршители на извесни воени дејства. Според Меѓународниот сојуз за заштита на природата (МСЗП/IUCN), за видот го носи заштитниот статус „најмала загриженост“ (LC) поради неговата многубројност.

Изглед и движење[уреди | уреди извор]

Костур на калифорниски морски лав

Поради половиот диморфизам, мажјаците и женките на калифорнискиот морски лав се меѓусебно разликуваат по големина, облик и боја. Мажјаците обично се долги по 2,4 м и тежат до 350 кг, а женките имаат должина од 1,8 м и тежина до 100 кг.[3] Женките и младенчињата имаат пртокалово-кафеаво крзно,[3] а по митарењето добиваат привремена светлосива или сребрена боја.[4] Мажјаците можат да бидат од светлокафеави до црни, но најчесто крзното има темнокафеава боја.[3] Ликот може им биде прилично светол. Новороденчињата имаат црно или темнокафеаво крзно.[4] Иако ова е вид со витка става, возрасните мажјаци имаат силен врат, гради и рамена.[4] Кај нив се забележува и истакнатата челенка, која дава впечаток на високо чело;[5] од бели влакна.[3] Покрај ова, имаат и грива, која е помалку развиена од онаа кај јужноамериканските морски лавови.[5] Обата пола имаат тесни издолжени муцки.[4]

Како и сите други перкари, калифорнискиот морски лав се движи во водата со перки (пераи). Телото е мазно и хидродинамично отпор. ’Рбетот им е прилично совитлив, што значи дека можат да го свиткаат вратот наназад сè до задните перки, и со тоа да прават нагли грбни свртувања, задржувајќи го хидродинамичното држење.[6] Кога оди на копно, морскиот лав ги мести задните перки нанапред, што му овозможува да оди четириношки, но чекорењето е претежно условено од движењата на главата и вратот.[7] Во вода достигнуваат брзина од 10,8 км/ч,[8] и нуркаат до длабочина од 274 м во траење до 9,9 минути, иако најчесто одат до 80 м и се задржуваат помалку од 3 минути.[9]

Морски лав како плива под вода

Морските лавови гледаат во боја, но ограничено на сините и зелените подрачја на бојниот спекатар, што претставува еволутивно приспособување на морската средина.[10] Имаат прилично остар слух, во фреквентен опсег од 0,4 до 32 kHz.[11] Подводните вибрации ги чувствуваат со нивните мустаќи (вибриси), кои се помазни и помалку наменски насочени од оние на обичната фока.[12]

Екологија[уреди | уреди извор]

Распространетост и живеалиште[уреди | уреди извор]

Калифорнискиот морски лав живее на западното крајбрежје и островски групи на Северна Америка, од југоисточна Алјаска до средно Мексико. Со анализа на митохондриската ДНК во 2009 г. се утврдени 5 посебни населенија: тихоокеанско умерно население од САД, тропско население на западниот дел на полуостровот Долна Калифорнија, како и населенијата од јужниот средниот и северниот дел на Калифорнискиот Залив.[13]

Sea lions in Santa Cruz, California

За време на сезоната за парење, морските лавови се собираат на песокливи или каменливи брегови, а во топлите денови лежат поблиску до морето. Навечер и кога е постудено одат повнатре на копното, на повисоки места.[4] Единките што не се парат се собираат на сидришта, пристаништа, па дури и на пловки за бродови. Морските лавови можат привремено да живеат и во слатка вода, како што е случај со единките кај браната „Бонивил“ на реката Колумбија.[14]

Исхрана и непријатели[уреди | уреди извор]

Морските лавови се хранат со различни морски животни. Најголем удел имаат лигњите и рибите, но напати јадат и школки. Најзастапени во исхраната се лососот, осличот, сарделата, харинга, морскиот костреш, змиулката и морските кучиња.[15] Порагата по храна се одвива претежно по континенталните кражјбрежни води, околу континентални гребени и кај подводните планини.[4] Можат да јадат сами, во помали или поголеми групи, во зависност од количеството на расположива храна. Понекогаш соработуваат со други грабливци како делфинот, морската свиња и морските птици кога се одвива лов на големи јата рибил[16], а знаат и да ги следат делфините, искористувајќи ги нивните ловни напори.[3] Возрасните мажјаци се хранат 10–100 км од брегот,[8] а кога водата е потопла, одат дури до 450 км од брегот.[17]

Непријатели на морските лавови се китовите-убијци, белите ајкули и ајкулите мако, кои ги напаѓаат од заседа додека се одмораат на површина.[18]

Наводи[уреди | уреди извор]

  1. Aurioles, D. & Trillmich, F. (2008). „Zalophus californianus“. Црвен список на МСЗП - загрозени видови во 2008 година. МСЗП 2008. Вчитано на 30 January 2009.
  2. Морски лавови - нови жители на Скопската зоолошка“, „Дневник“, 4 септември 2015 (конс. 20 септември 2015 г).
  3. 3,0 3,1 3,2 3,3 3,4 Heath, Carolyn B.; Perrin, William F. (2008). „California, Galapagos and Japanese Sea Lions Zalophus californianus, Z. wollebaeki and Z. japonicus“. Perrin, William F.; Würsig, Bernd; Thewissen, J.G.M.. Encyclopedia of Marine Mammals (2nd издание). стр. 170–75. ISBN 012373553X. 
  4. 4,0 4,1 4,2 4,3 4,4 4,5 Reeves, Randall R.; Stewart, Brent S.; Clapham, Phillip J.; Powell, James A. (2002). National Audubon Society Guide to Marine Mammals of the World. Alfred A. Knopf. стр. 90–93. ISBN 0375411410. 
  5. 5,0 5,1 Lavigne, David M.; Harwood, John (2001). „Eared seal species“. David, MacDonald. The Encyclopedia of Mammals (2nd издание). Oxford University Press. стр. 171. ISBN 0760719691. 
  6. Fish, Frank E.; Hurley, Jenifer; Costa, Daniel P.. Maneuverability by the sea lion Zalophus californianus: turning performance of an unstable body design. „The Journal of Experimental Biology“ том  206 (Pt 4): 667–674. doi:10.1242/jeb.00144. PMID 12517984. http://jeb.biologists.org/content/206/4/667.full.pdf. 
  7. English, Arthur Wm.. Limb movements and locomotor function in the California sea lion (Zalophus californianus). „Journal of Zoology“ том  178 (3): 341–364. doi:10.1111/j.1469-7998.1976.tb02274.x. 
  8. 8,0 8,1 Lowry, M.S.; Carretta, J.V.. Market squid (Loligo opalescens) in the diet of California sea lions (Zalophus californianus) in southern California (1981–1995). „Reports of California Cooperative Oceanic Fisheries Investigations“ том  40: 196–207. http://www.calcofi.ucsd.edu/newhome/publications/CalCOFI_Reports/v40/pdfs/Vol_40_Lowry___Carretta.pdf. 
  9. Feldkamp, Steven D.; DeLong, Robert L.; Antonelis, George A.. Diving patterns of California sea lions, Zalophus californianus'. „Canadian Journal of Zoology“ том  67 (4): 872–883. doi:10.1139/z89-129. 
  10. Griebel, U.; Schmid, A.. Color vision in the California sea lion (Zalophus californianus). „Vision Research“ том  32 (3): 477–482. doi:10.1016/0042-6989(92)90239-F. PMID 1604834. 
  11. Reichmuth, Colleen; Southall, Brandon L.. Underwater hearing in California sea lions (Zalophus californianus): Expansion and interpretation of existing data. „Marine Mammal Science“ том  28 (2): 358–363. doi:10.1111/j.1748-7692.2011.00473.x. http://pinnipedlab.ucsc.edu/publications/pub_146_2011.pdf. 
  12. Gläser, N.. Hydrodynamic trail following in a California sea lion (Zalophus californianus). „Journal of Comparative Physiology A, Neuroethology, Sensory, Neural, and Behavioral Physiology“ том  197 (2): 141–51. doi:10.1007/s00359-010-0594-5. PMID 20959994. 
  13. Schramm, Yolanda; Mesnick, S. L.; de la Rosa, J.; Palacios, D. M.; Lowry, M. S.; Aurioles-Gamboa, D.; Snell, H. M.; Escorza-Treviño, S.. Phylogeography of California and Galápagos sea lions and population structure within the California sea lion. „Marine Biology“ том  156 (7): 1375–1387. doi:10.1007/s00227-009-1178-1. ISSN 00253162. http://swfsc.noaa.gov/uploadedFiles/Divisions/PRD/Programs/Coastal_Marine_Mammal/Zc%20Gentics_Schramm%20et%20al.pdf. 
  14. „Columbia River Sea Lion Management: Restoring balance between predators and salmon“. Washington Department of Fish & Wildlife. http://wdfw.wa.gov/conservation/sealions/. конс. 23 мај 2012 г. 
  15. „Sea Lion Diet“. Southwest Fisheries Science Center. http://swfsc.noaa.gov/textblock.aspx?Division=PRD&ParentMenuId=148&id=1252. конс. 2 септември 2007 г. 
  16. Riedman, M. (1991). The Pinnipeds: Seals, Sea lions, and Walruses. University of California Press. стр. 168. ISBN 0520064984. 
  17. Weise, Michael J.; Costa, Daniel P.; Kudela, Raphael M.. Movement and diving behavior of male California sea lion (Zalophus californianus) during anomalous oceanographic conditions of 2005 compared to those of 2004. „Geophysical Research Letters“ том  33 (L22S10). doi:10.1029/2006GL027113. Bibcode2006GeoRL..3322S10W. http://oceansci.ucsc.edu/faculty/documents/24_Weise_GRL_2006.pdf. 
  18. Harris, Jeffrey D.; Melin, Sharon R.; DeLong, Robert L.. „Shark-inflicted Lesions on California Sea Lions (Zalophus californianus) at San Miguel Island, California: a New Phenomenon“. National Marine Mammal Laboratory – Alaska Fisheries Science Center. ftp://ftp.afsc.noaa.gov/posters/pHarrisJ01_shark-inflicted-lesions.pdf. конс. 23 мај 2012 г. 

Надворешни врски[уреди | уреди извор]