Калараш (округ)

Округ Калараш Călăraşi
Покраина	Мунтенија
Седиште	Калараш
Население	324.617 (2002)
Површина	5.088 km2
Густина на населеност	64/km2
ISO 3166-2 шифра	RO-CL
Мрежно место	www.calarasi.ro

Калараш (романски: Judeţul Călăraşi) е округ во Романија, сместен во јужниот дел на земјата. Главен град на округот е градот Калараш, а значаен е и градот Олтеница.

Географија

Местоположба

Типичен предел во округот

Округот Калараш е копнен округ во Романија, кој се наоѓа на границата кон Бугарија. Окружен е:

• на север со: Јаломица;
• на исток со: Констанца;
• на запад со: Џурџу;
• на северозапад со: Илфов.

Релјеф

Округот се наоѓа во Влашка, поточно во нејзината јужна област Мунтенија. Јужна и источна граница на округот е реката Дунав, која на југ претставува и државна граница кон Бугарија, а на исток го одвојува округот од Добруџа. Во западните делови од округот се наоѓа устието на реката Арџеш. Релјефот во округот е претежно рамничарски.

Демографија

Округот спаѓа во групата на окрузи во Романија во кои живее претежно романско население. Според пописот во Романија во 2002 година, Романците сочинуваат 95% од населението во округот, а од останатите најбројни се Ромите.

Надворешни врски

• Официјално мрежно место