Димитар Башевски

Од Википедија — слободната енциклопедија
Прејди на прегледникот Прејди на пребарувањето

Димитар Башевски е македонски романописец, поет и преведувач. [1]

Биографија[уреди | уреди извор]

Димитар Башевски е роден во с. Ѓавато, Битолско на 27 јуни 1943 година. Завршил Филозофски факултет на Универзитетот во Скопје. Долги години работел како новинар, уредник и постојан дописник на весникот „Нова Македонија“ од Атина. Бил директор и главен уредник на издавачката куќа „Култура“. Сега е главен уредник на издавачката куќа „Слово“. Претседател не Македонскиот ПЕН центар. Член на ДПМ од 1969 година.

Дела[уреди | уреди извор]

  • Тугинец (роман, 1969)
  • Враќање (роман, 1972)
  • Раска (роман, 1974)
  • Нема смрт додека ѕвони (роман, 1980)
  • Една година од животот на Иван Плевнеш (роман, 1985)
  • Куќата на животот (поезија, 1987)
  • Сарајановскиот каранфил (роман, 1990)
  • Дневникот на Ања (роман за деца, 1994)
  • Привремен престој (поезија, 1995)
  • Совладано време (поезија, 1998)
  • Бунар (роман, 2001)
  • Аголен камен (поезија, 2005)
  • Братот (роман 2007)
  • Во дланката своја си гледам (поезија, 2010
  • Прозорци (роман, 2010)
  • Белег. Сон (поезија, избор, 2012)
  • Прозорци, нова верзија (роман, 2013)
  • Мајсторот (раскази, 2013)
  • Скршнувања (поезија, 2016)
  • Круг (роман, 2017)

Неговите дела се преведувани и објавувани во странство на англиски, чешки, грчки, романски, српски, црногорски и албански. Застапуван во антологиите на македонската поезија и проза. Преведува од англиски и од словенските јазици. Добитник е на наградите „11 Октомври“, „Рациново признание“, „Ванчо Николески“, „13 Ноември“. Во 2001 год. Башевски беше прогласен за лауреат на престижната награда „Роман на годината“ на Утрински весник за неговото дело, романот Бунар.

Наводи[уреди | уреди извор]

  1. „Био-библиографски белешки за членовите -Димитар Башевски“ (македонски). Македонски ПЕН центар. конс. 2010-09-19.