Даре Џамбаз

Од Википедија — слободната енциклопедија
Прејди на прегледникот Прејди на пребарувањето

Божидар (Даре) Џамбаз (Прилеп, 1 октомври 1911 - Скопје, 27 јануари 1981) бил македонски фармацевт, борец и политичар.

Дипломирал фармација во Загреб во 1935 година. Веднаш по окупацијата на земјата во 1941 година стапил во НОБ и бил активен борец. Бил уапсен од бугарските власти и интерниран во Бугарија (1942-1943).

По Втората светска војна бил член на АСНОМ - на Третото заседание во 1945 година, министер за финансии во владите на Лазар Колишевски од 1946 до 1953 година, како и во Владата на Љупчо Арсов од 1953 година. Бил претседател на РССНМ, претседател на Планинарскиот сојуз на РМ, а вршел и други општествени и политички раководни функции. Тој е еден од основачите на Републичкиот Црвен крст на Македонија и негов долгогодишен претседател до неговата смрт.[1][2]

Во негова чест, Домот на хуманитарни организации во Скопје и Планинарски дом на Водно го носат неговото име.

Наводи[уреди | уреди извор]

  1. „Македонска енциклопедија“, МАНУ, Скопје, 2009, 1636 стр.
  2. Биографија на Даре Џамбаз, oldprilep