Гарда (езеро)

Езерото Гарда
Езерото Гарда
	Езерото Гарда - Езерото ГардаЕзерото Гарда
Координати	[http:https://geohack.toolforge.org/geohack.php?pagename=%D0%93%D0%B0%D1%80%D0%B4%D0%B0_(%D0%B5%D0%B7%D0%B5%D1%80%D0%BE)&params=45_38_N_10_40_E_type:lake 45°38′N 10°40′E]
Вид	ледничко езеро
Главен дотек	р. Сарка
Главен истек	р. Минцио
Површина на сливот	2.350 км2
Земји во сливот	Италија,; Швајцарија
Најг. должина	51,9 km
Најг. ширина	16,7 km
Површина	370 км2
Прос. длабочина	136 m
Најг. длабочина	346 m
Водна зафатнина	50,35 км3
Проточност (на езерската вода)	26,8 г.
Надм. височина на површината	65 m

Езерото Гарда (италијански Lago di Garda) е најголемото езеро во Италија.^[1] Се наоѓа во северниот дел од земјата, на полпат помеѓу Венеција и Милано. Езерото се наоѓа на преминот од алпскиот регион на Доломитите кон низината Ломбардија. Оформенo e од ледници при крајот на последното ледено доба. Езерото и неговото крајбрежје се поделени помеќу провинциите Верона (југоисточно), Бреша (југозападно) и Тренто (северно). Езерото е голема туристичка атракција, со голем број хотели, туристички населби и забавни паркови по брегот.

Стариот утврден град Сирмионе, кој се наоѓа на полуостров на јужниот брег од езерото е особено популарно туристичко место, каде се наоѓат бањите Вирџилио и Катуљо уште од римско време, како и бројни ресторани, барови, хотели, модни продавници и пазар. Живописниот замок Скалигер датира од XIII век. Римската вила била домот на поетот Катул. Сулфурниот извор на врвот на полуостровот е познат по својата способност да лечи заболувања, особено оние кај увото.

Интересно место е и северозападното село Лимоне. Ова место се прославило во 1979 кога таму бил откриен аполипобелковината АпоА-1 Милано). Оваа белковина, која се наоѓала во крвта на луѓето родени во Лимоне, брзо ги чисти артериите од масти, кои потоа ги носи во црниот дроб, каде се елиминираат. Оваа белковина е ефикасна против артериосклероза и инфаркт. ^[2]

На југоисточниот брег, северно од гратчето Пескиера, се наоѓаат Гардаланд, Аква Парадајз и Канева Муви Студио едни од најпознатите паркови во Италија.

Крајбрежни места се: Сирмионе, Десенцано, Сало, Гардоне Ривиера, Тосколано-Мадерно, Гарњано, Лимоне, Монига, Паденгде сул Гарда во брескиската страна на езерото, Пескиера дел гарда, Лацисе, Бардолино, Гарда, Тори дел Бенако, Бренцоне, Малкесине на веронската страна на езерото, Рива дел гарда, Наго-Торболе на трентската страна на езерото.

Наводи

↑ „Origine del toponimo Garda“ (Italian). Архивирано од изворникот 22 July 2011. Посетено на 12 February 2011.CS1-одржување: непрепознаен јазик (link)
↑ Sirtori, C. R.; Calabresi, L.; Franceschini, G.; Baldassarre, D.; Amato, M.; Johansson, J.; Salvetti, M.; Monteduro, C.; Zulli, R.; Muiesan, M. L.; Agabiti-Rosei, E. (17 April 2001). „Cardiovascular status of carriers of the apolipoprotein A-I(Milano) mutant: the Limone sul Garda study“ (PDF). Circulation. 103 (15): 1949–1954. doi:10.1161/01.cir.103.15.1949. PMID 11306522.

Поврзано

Надворешни врски

Веб-камери на Гарда (англиски)
Mondophoto.net Архивирано на 1 јули 2006 г. над 250 фотографии од Сирмионе и езерото Гарда (англиски)

Оваа статија место во Италија е никулец. Можете да помогнете со тоа што ќе ја проширите.

[1] „Origine del toponimo Garda“ (Italian). Архивирано од изворникот 22 July 2011. Посетено на 12 February 2011.CS1-одржување: непрепознаен јазик (link)

[LsG-2] Sirtori, C. R.; Calabresi, L.; Franceschini, G.; Baldassarre, D.; Amato, M.; Johansson, J.; Salvetti, M.; Monteduro, C.; Zulli, R.; Muiesan, M. L.; Agabiti-Rosei, E. (17 April 2001). „Cardiovascular status of carriers of the apolipoprotein A-I(Milano) mutant: the Limone sul Garda study“ (PDF). Circulation. 103 (15): 1949–1954. doi:10.1161/01.cir.103.15.1949. PMID 11306522.

[1]

[2]