Овогодинашната тема на програмата „ГЛАМ“ за уредување, соработка и подобрување на содржината на Википедија и нејзините проекти е клима и климатски промени. Следствено на тоа, приднесите и делувањата на ова поле (оваа програма) е насечно токму кон таа тема.
Викимедија МКД во соработка со Здружението „Вила Зора“ од Велес и Локалната библиотека „Гоце Делчев“ и ученици од Еколошката секција од ООУ „ Васил Главинов„ под раководство на координаторот Лили Арсова, во просториите на Локалната библиотека „Гоце Делчев" во Велес на 18.04.2024 година, со почеток во 10 и 30 часот се одржа предавање и работилница на тема „Клима и климатски промени".На работилницата воведно предавање одржа Олгица Наумоска, вработена во здружението „Вила Зора" која се осврна на климатските промени и нивната улога во екосистемот и начините за заштита на животната средина од климатските промени. По неа се обрати претседателката на здружението Сашка Коцевска која зборуваше за активностите на здружението во заштитата на животната средина. и уредување на статии од учесниците по темата. Меѓу другите учесници, повеќето Википедијанци, беа поканети и учествуваа ученици од Еко клубот од училиштето ООУ„Васил Главинов“ Велес.На самата работилницата, покрај членови и поддржувачи на Викимедија МКД, учествуваа и ученици од Вики клубот во Велес, како и членови на клубот Вики Сениор. На работилницата присутни беа вкупно 27 лица. Работилницата, која е дел од серијата настани и активности посветени на климатските промени, беше составена од теоретски дел на кој беа одржани предавања на темата, како и практичен дел посветен на активно придонесување на Википедија со преведување на статии за клима и климатски промени.По предавањата учесниците заеднички почнаа да уредуваат и придонесуваат на Википедија на македонски јазик на тема „Клима и климатски промени“. Вкупно се напишаа 36 нови статии од 14 уредници.
