Веспрем

Од Википедија — слободната енциклопедија
Прејди на: содржини, барај
Веспрем
Панорама на градот.
Панорама на градот.
Грб на Веспрем
Грб
Веспрем се наоѓа во Унгарија
Веспрем
Координати: 47°05′34.65″ СГШ 17°54′49.57″ ИГД / 47.09296, 17.91377
Држава  Унгарија
Округ Веспрем
Површина
 • Вкупна 126,93 км2
Население (2009)
 • Вкупно 63.405
 • Густина 480/км2
Часовен појас CET (UTC+1)
 • Лете (DST) CEST (UTC+2)
Поштенски код 8200
Повик. бр. 88
Мреж. место http://www.veszprem.hu/

Веспрем (унгарски: Veszprém; словенечки: Belomost) е значаен и еден од најстарите градови во Унгарија, сместен во средишниот дел на државата. Веспрем е главен административен центар на округот со исто име Веспрем.

Според податоците од 2008, градот има население од 62.286 луѓе.

Географија[уреди | уреди извор]

Веспрем се наоѓа во средишниот дел на Унгарија. Од престолнината на унгарската држава Будимпешта, е оддалечен околу 110 километри западно. Со главниот град, Веспрем е поврзан со современиот автопат М7. Од езерото Балатон е оддалечен 15 км на север.

Градот се наоѓа во средишниот дел на Панонската низина, во средиштето на панонското брдо, кое се наоѓа северно од Балатон. Градот нема река. Климата е умереноконтинентална.

Историја[уреди | уреди извор]

Првите траги од човечки населби на територијата на Веспрем, се врзани со праисторијата. Посебно е значајно франското владеење во раниот среден век, кога на оваа територија е подигнат замок, кој го затекнале Унгарците по доселувањето во Панонија.

Веспрем бил многу значаен во раната унгарска историја, посебно по прашањето на развојот на Католицизмот. Градот претставува прво христијанско средиште на унгарско тло - во 1009 година овде била основана архиепископијата.

Во средината на 16 век, градот го заземаат Отоманците и населбата пропаѓа. Во 1688 година царот на Светото Римско Царство Леополд I успеал да го ослободи градот од отоманското ропство и градот наскоро добил градски права. Со власта на Хабсбурците, во игра се враќа и католичката црква. Во 18 век градот нагло се развива и станува значајно културно и управно средиште.

За време на Унгарската револуција 1848/1849 год. Веспрем немал значајна улога, па поради тоа и не настрадал многу. После револуцијата градот брзо се подигнал и набргу добил и железничка врска со Будимпешта. Исто така во овој период биле подигнати и голем број на нови градби, а бројот на населението во градот се зголемил.

После Првата светска војна, градот се нашол во рамките на новооснованата унгарска држава. За време на другата половина на 20 век, градот уште повеќе се развил и се зголемил бројот на населениет. За време на изминативе години на унгарската транзиција, поради поволната положба помеѓу престолнината и западот, градот полесно поминал низ транзиционата криза отколку некои други градови во државата.

Население[уреди | уреди извор]

Веспрем денеска има население од околу 62.000 луѓе, а населението во последните години расте се повеќе и повеќе. Некогашното еврејско население исчезнало во Втората светска војна.

Етнички групи[уреди | уреди извор]

Населението во градот според националност: (попис од 2001)

Религија[уреди | уреди извор]

Населението во градот според деноминации: (попис од 2001)

Галерија[уреди | уреди извор]

Надворешни врски[уреди | уреди извор]