Борис Христов

Од Википедија — слободната енциклопедија
Прејди на: содржини, барај

Борис Христов бил светски познат бугарски оперски пеач (бас) со потекло од Македонија.

Роден 18 мај 1914
Пловдив, Бугарија
Починал 28 јуни 1993
Рим, Италија


Биографиjа[уреди | уреди извор]

Борис Христов бил роден во фамилиjата на Кирил Совичанов од Битола, главен редактор на списанието Илустрација Илинден и лидер на Илинденската организација во Бугарија. Маjка му била со потекло од Русија. Уште како дете бил пеач во хорот на Храм-споменик Свети Александар Невски во Софија. Завршил право во Софискиот универзитет. Од 1930 бил член на софискиот хор "Гусла", а во 1942 добил државна стипендија и отишол да студира во Милано, Италиjа. Во наредните години кариерата на Христов го одвела кон врвовите на светската опера - настапувал во прочуената оперска сала Ла Скала во Милано, операта на Рим, Ковент гарден во Лондон, Метрополитен опера во Њујорк, а исто така и во уште многу светски центри на операта - Барселона, Рио де Жанеиро, Сан Франциско и други. Во текот на Студената војна немал право да се врати во Бугариjа дури до 1967 година. По 1970 се поретко настапувал, а неговиот последен концерт бил одржан во Бугарската академиjа во Рим во 1986 година. Погребен е во Бугариjа. Неговите наjпознати оперски улоги се од опери на Џузепе Верди и руски композитори како Модест Мусоргски.

Во 1968 година композитор од Македонија - СФРЈ, му испрати писмо со кое го известува за напишана од него опера "Самоил", како прашува Борис Христов дали би се согласил да му испрати партитурата на операта за проценка и евентуално одобрување и да одговори готов ли е да пее на премиерата, која ќе се одржи во отворениот театар на Скопско кале. Композитор уверува Борис Христов дека обезбедил за неговото учество хонорар по највисоките димензии, какви пејачот добива на западните сцени. Борис Христов пројавува професионален интерес за операта на младиот автор и бара од него да му испрати либретото и нотния материјал. Од него се гледа дека Самуил е титулуван како македонски кнез, а остатокот ликови се дејци од некаква македонска нација. Борис Христов одбива учество со следново писмо:

"

Господинот Македонски, Добив програмата на "ВАШИОТ" Цар Самуил за скопската сцена. Зошто ми ја испративте сепак не можев да разберам, како Вие знаете одамна моето мислење, што е мислење и на секој Бугарин.

Трагични впечаток ми остави предговорот на Д Ташковски, кој е полн со смешни съждения и со изопачуваме на историски вистини, кои не можат да направат впечаток дури на неуки луѓе.

Вие знаете дека мојот род потекнува од овој крај на Бугарија, во кој Вий живеете и кој се нарекува Македонија, која била и ќе биде центар на најдобрите здравиот бугарски национален дух, па како цар Самуил бил и ќе остане во светската историја цар Болгарский. Сакам вам и на вашето семејство Среќна нова година.

12 јануари 1969 година Борис Христов

Извори[уреди | уреди извор]