Јацек Кшинувек
| Јацек Кшинувек | |||
|---|---|---|---|
 | |||
| Лични податоци | |||
| Роден на | 15 мај 1976 | ||
| Роден во | Камјењск, Полска | ||
| Држава |
 Полска | ||
| Висина | 1,79 м | ||
| Играчки податоци | |||
| Позиција | среден ред | ||
| Повлекување | 2011 | ||
| Кариера* | |||
| Години | Клуб | Наст.† | (Гол.)† |
| 1994-1996 |
Радомско | 9 | (1) |
| 1996-1997 |
 Ракув | 17 | (0) |
| 1997-1999 |
 ГКС Белхатов | 61 | (11) |
| 1999-2004 |
 Нирнберг | 142 | (28) |
| 2004-2006 |
 Бајер Леверкузен | 52 | (9) |
| 2006-2009 |
 Волфсбург | 55 | (7) |
| 2009-2010 |
 Хановер 96 | 25 | (2) |
| Репрезентација ‡ | |||
| 1998-2009 |
 Полска | 96 | (15) |
† Учества (Голови). | |||
Јацек Камил Кшинувек (полски: Jacek Kamil Krzynówek; роден на 15 мај 1976 година) — поранешен полски фудбалер, играч од средниот ред.
Технички карактеристики[уреди | уреди извор]
Флексибилен играч од средниот ред, може да игра на двете крила и зад напаѓачите.
Клупска кариера[уреди | уреди извор]
Фудбалската кариера ја започнал со Чарзановице, од кој заминал во екипата на Радомско во 1996, на возраст од 18 години. По две сезони, се преселил во Ракув, кои се натпреварувал во Првата лига на Полска во сезоната 1996-1997, каде што го направил своето деби во највисоката дивизија во својата родна земја: сезоната ја завршил со 17 настапи. Следната сезона играл за второлигашот ГКС Белхатув, со кој успеал да избори промоција во првата лига, враќајќи се таму по една сезона. Сепак по завршувањето на сезоната 1998-1999 во која постигнал 6 гола на 27 првенствени натпревари, Кшинувек ја напуштил Полска. Интересот од странски клубови за него бил голем, но Кшинувек одлучил да му се приклучи на Нирнберг.
Во летото 1999 Кшинувек го комплетирал својот трансфер во Нирнберг во Втората Бундеслига. Во петте сезони поминати во клубот, одиграл 142 натпревари и постигнал 28 гола, притоа му помогнал на клубот да избори промоција во Бундеслигата во сезоната 2000-2001. Откако Нирнберг испаднал од Бундеслигата во сезона 2003-2004, Кшинувек потпишал за Баер Леверкузен. Со фармацевтите дебитирал во Лигата на шампионите во сезоната 2004-2005, постигнувајќи еден феноменален гол во победата над Реал Мадрид во групната фаза.
По сезоната 2005-2006, потпишал за Волфсбург. На 2 февруари 2009 за Хановер.
15 август 2011 официјално го објавил своето пензионирање.
Репрезентативна кариера[уреди | уреди извор]
Тој дебитирал за полската репрезентација на 10 ноември 1998, како играч на ГКС Белхатув, во текот на пријателски натпревар Словачка-Полска 1-3 игран во Братислава. Неговите настапи биле од особена важност во текот на квалификациите за Светското првенство во 2002 година и квалификациите за Светското првенство во 2006 година, на кои Полска земала учество. Тој исто така, бил повикан и за Европското првенство 2008 година,[1], откако одиграл неколку одлични натпревари во квалификациите.
Надворешни врски[уреди | уреди извор]
- Јацек Кшинувек на transfermarkt
- Јацек Кшинувек на soccerway
- Јацек Кшинувек на espn
- Јацек Кшинувек на 90minut (полски)
Наводи[уреди | уреди извор]
- ↑ (француски) L'Equipe.fr, уред. (28 мај 2008). „Foot - Euro - POL - Les 23 avec Guerreiro“. Посетено на 21 јуни 2008.[мртва врска]