Никола Поповски

Никола Поповски
V Претседател на Собранието
Во служба 3 октомври 2002 – 7 ноември 2003
Претседател	Борис Трајковски
Претходник	Стојан Андов
Наследник	Љупчо Јордановски
Министер за финансии
Во служба 7 ноември 2003 – 29 август 2006
Претседател	Бранко Црвенковски Радмила Шекеринска (в.д.) Хари Костов Владо Бучковски
Претходник	Петар Гошев
Наследник	Трајко Славевски
Роден(а)	24 мај 1962 Скопје, СФРЈ денес Република Македонија
Националност	Македонец
Партија	СДСМ
Сопружник	Елизабета Поповска
Деца	Кристијан Поповски
Професија	економист
Вероисповед	Православен христијанин

Никола Поповски (роден на 24 мај 1962 година во Скопје) е македонски политичар.

Дипломирал на Економскиот факултет во Скопје и магистрирал на него на тема „Економски основи на информациското општество”.

Од 1992 до 2002 година бил пратеник во Собранието на Република Македонија, координатор на пратеничката група на СДСМ, член на Парламентарното собрание на Советот на Европа и член на повеќе комисии во Собранието на Советот на Европа во Стразбур. Во 1993 година е шеф на македонската делегација во Парламентарното собрание на Советот на Европа во Стразбур, претседател на собраниските комисии за надворешна политика, екологија, млади и спорт и за финансирање и буџет.

Од 3 октомври 2002 до 7 ноември 2003 година ја врши функцијата претседател на Македонското собрание. На 7 ноември 2003 година станува министер за финансии во тогашната влада на Бранко Црвенковски. По парламентарните избори во 2006 година е избран за пратеник во Собранието и на таа функција останува до предвремените парламентарни избори во 2008 година.

Од февруари 2009 година работи на Европскиот универзитет во Скопје како наставник по предметот Економија на развојот и Здравствено и социјално осигурување.