Македонски парламентарни избори, 2006
| Република Македонија |
 Оваа статија е дел од серијалот: |
|
|
|
|
|
Портал „Политика“ |
Парламентарните избори 2006 година се одржани на 5 јули 2006 година, кој беше прв термин за редовни избори. Изборите се одржаа според пропорционалниот изборен модел, во шест изборни единици, исто како и парламентарните избори во 2002 година. На изборите победи опозицијата предводена од ВМРО ДПМНЕ, која подоцна и формира влада.
По изборите, мандатот за формирање на нова влада му беше даден на лидерот на победничката партија Никола Груевски, кој на 28 август беше избран за премиер на владата во чиј состав влегоа претставници на коалицијата предводена од ВМРО-ДПМНЕ, ДПА и НСДП. Владата ја поддржаа и ДОМ и ПЕИ, кои сепак не добија министерски места. ВМРО-НП гласаше за владата, но не учествува во владината коалиција.
Парламентарните избори 2006 година, заедно со парламентарните избори 1998 година беа најрегуларни избори организирани по воведувањето на повеќепартиски, демократски избори во 1990 година.[се бара извор] Ова прашање беше суштинско на овие избори, бидејќи сè освен целосно регуларни избори ќе и' пречеа на Република Македонија на патот кон членство во Европската Унија.
Содржина |
[уреди] Изборни резултати
На изборите победи коалицијата „За подобра Македонија“ предводена од ВМРО-ДПМНЕ, која освои 44 пратенички мандати. Следи коалицијата „За Македонија заедно“, предводена од СДСМ со 32 мандати, коалицијата ДУИ-ПДП освои 18, ДПА - 11 мандати, Нова социјалдемократска партија 7, ВМРО-Народна партија 6, Демократска обнова на Македонија 1 и Партијата за европска иднина 1 мандат.
[уреди] Освоени мандати по изборни единици
Освоените мандати по изборни единици се следните:[1]
| Партија/коалиција | ИЕ 1 | ИЕ 2 | ИЕ 3 | ИЕ 4 | ИЕ 5 | ИЕ 6 | Вкупно |
|---|---|---|---|---|---|---|---|
| Коалиција „За подобра Македонија“ | 7 | 7 | 10 | 11 | 8 | 2 | 45 |
| Коалиција „За Македонија заедно“ | 5 | 5 | 7 | 7 | 6 | 2 | 32 |
| ДУИ и ПДП | 2 | 3 | 0 | 0 | 2 | 10 | 17 |
| ДПА | 2 | 2 | 0 | 0 | 1 | 6 | 11 |
| НСДП | 2 | 2 | 1 | 1 | 1 | 0 | 7 |
| ВМРО НП | 1 | 1 | 2 | 1 | 1 | 0 | 6 |
| ДОМ | 1 | 0 | 0 | 0 | 0 | 0 | 1 |
| ПЕИ | 0 | 0 | 0 | 0 | 1 | 0 | 1 |
| Вкупно | 20 | 20 | 20 | 20 | 20 | 20 | 120 |
[уреди] Гласачки одзив
Гласачкиот одзив беше 56,0% што е убедливо најнизок процент на гласачи на досегашните парламентарни избори. На овие избори излегоа цели 17% помалку гласачи во однос на претходните парламентарни избори. Драстичниот пад на гласачкиот одзив во голема мера се должи на разочараноста на македонските граѓани од политичките партии и нивниот капацитет да ја извлечат земјата од кризата, но во одредена мера се должи и на фактот што изборите и предизборната кампања се одвиваше во текот на Светското Првенство во фудбал. Дека тоа е така покажуваат и парламентарните избори во Словачка, кои исто така се одржаа во текот на Светското првенство и каде се забележа сличен пад на гласачкиот одзив, од 70,0% на 54,7%.
[уреди] Учесници на изборите
За учество на изборите се пријавија 33 кандидатски листи, од кои 31 на политички партии и коалиции и 2 од група избирачи.
Поголеми партии (и коалиции предводени од нив) што учествуваа на изборите се:
- Коалицијата „За Македонија заедно” (СДСМ, Либерално демократска партија и други) (носители на листи: 1ИЕ Владо Бучковски, 2ИЕ Ристо Пенов, 3ИЕ Никола Поповски, 4ИЕ Радмила Шекеринска, 5ИЕ Илинка Митрева, 6ИЕ Јани Макрадули)
- Коалицијата ВМРО-ДПМНЕ, Либерална партија на Македонија, Социјалистичка партија на Македонија, Демократски сојуз и други; (носители на листи: 1ИЕ Никола Груевски, 2ИЕ Трајко Славевски, 3ИЕ Владимир Ѓорчев, 4ИЕ Силвана Бонева, 5ИЕ Љубиша Георгиевски, 6ИЕ Антонио Милошоски)
- Коалицијата Демократска унија за интеграција, Партија за демократски просперитет, Лига на Бошњаците (носители на листи: 1ИЕ Рафиз Алити, 2ИЕ Садула Дураку, 3ИЕ Рафет Муминовиќ, 5ИЕ Фазли Велиу, 6ИЕ Али Ахмети)
- Демократска партија на Албанците (носители на листи: 1ИЕ Мендух Тачи, 2ИЕ Насер Ајдини, 3 ИЕ Илас Мемети, 5ИЕ Гарип Каба, 6ИЕ Арбен Џафери)
- Нова социјалдемократска партија (носители на листи: 1ИЕ Тито Петковски, 2ИЕ Јагнула Куновска, 3ИЕ Благој Зашов, 4ИЕ Веле Митаноски, 5ИЕ Живко Јанкуловски, 6ИЕ Љубомир Коцевски)
- ВМРО-Народна партија (носители на листи: 1ИЕ Ѓорѓи Оровчанец, 2ИЕ Весна Јаневска, 3ИЕ Марјан Додовски, 4ИЕ Данаил Дончев, 5ИЕ Љубчо Георгиевски, 6ИЕ Ѓорѓи Трендафилов)
- Демократска обнова на Македонија (носители на листи: 1ИЕ Лилјана Поповска, 2ИЕ Љупчо Николовски Фуфо, 3ИЕ Ванчо Санев, 4ИЕ Јордан Трајков, 5ИЕ Пеце Цветановски)
- Земјоделска народна партија на Македонија (носители на листи: 1ИЕ Владимир Џабирски, 2ИЕ Димитар Венев, 3ИЕ Марјан Ѓорчев, 4ИЕ Јандре Здравески, 5ИЕ Велјо Тантаров)
Од помалите политички партии и коалиции на изборите учествуваа:
- Демократска алтернатива
- Лига за демократија
- Партија за европска иднина
- Социјалдемократска партија на Македонија
- Комунистичка партија на Македонија
- Сојуз на титови леви сили
- Партија за економска обнова
- Демократска републиканска унија на Македонија
- ТМРО
- ТМОРО-ВЕП
- ВМРО – Демократска партија
- Национална алтернатива
- Радикална странка на Србите во Македонија
- Коалиција Леви сили на Македонија (Партија на пензионерите на Македонија и Реформирана комунистичка партија на Македонија)
- Центар на демократски сили
- Коалиција Нови демократски сили и Демократска алијанса на Албанците
- Национална демократска партија
- Демократска партија – Напред Македонијо - Форца
- Коалиција Македонски обединети сили – Семакедонска работничка партија и ВМРО - Обединета
- Демократска партија на Македонија (Тетово)
- Партија за демократска иднина
- Македонска партија
- Движење за национално единство на Турците
Кандидатска листа од група избирачи беше пријавена во четвртата изборна единица, предводена од Панчо Минов, и во петтата, предводена од Ќирчо Ташков.
