Џереми Ренер

Од Википедија — слободната енциклопедија
Џереми Ренер
Роден(а)Џереми Ли Ренер
7 јануари 1971(1971-01-07) (53 г.)
Модесто, Калифорнија, САД
ЗанимањеГлумец, пејач
Активен период1995–сè уште

Џереми Ли Ренер (роден на 7 јануари 1971 г.)[1][2][3] — американски глумец и пејач. На почетокот на својата кариера, тој играл улоги главно во независни филмови како Дамер (2002) и Нео Нед (2005). Тој исто така толкувал споредни улоги во поголеми филмови како S.W.A.T. (2003) и 28 недели подоцна (2007). За улогата во филмот Град на крадци (2010) тој добил позитивни критики и бил номиниран за Оскар за најдобар спореден глумец.

Ренер е најпознат по улогата во воениот филм Шкафче на болката (2008) за која бил номиниран за Оскар за најдобар глумец, како и по улогата на Хокај во марвеловите филмови Тор (2011), Одмаздници (2012), Одмаздници 2: Ерата на Ултрон (2015) и Капетан Америка: Граѓанска војна (2016). Тој исто така глумел во комерцијално успешни филмови како Невозможна мизија: Протокол дух (2011), Борново наследство (2012), Ивица и Марица: Ловци на Вештерки (2013), Американска измама (2013), и Невозможна мисија: Одметници (2015).

Кариера[уреди | уреди извор]

Почетоци[уреди | уреди извор]

Првата филмска улога Ренер ја добил во 1995 година играјќи улога на слаб ученик во тинејџерската комедија Големо патување.[4] Следно тој добил гостински улоги во две телевизиски серии, Смртоносни игри и Чудна среќа и играл мала улога во телевизискиот филм, Пријателско предавство како пријател на ликот кој го играл Брајан Остин Грин. Во следните неколку години, Ренер играл гостински улоги во Зои, Данкан, Џек и Џејн (1999), Мрежа (1999), Времето на твојот живот (1999) и Ангел (2000).[5] Ренер исто така играл мала улога во една епизода на Истрага на местото на злосторството: Лас Вегас во 2001 година. Помеѓу филмските улогите, Ренер работел како шминкер за да сврзе крај со крај.[6]

Првичен успех: 2002–2008[уреди | уреди извор]

Ренер на премиерата на Ивица и Марица: Ловци на вештерки

Во 2002 година, Ренер добил улога во филмот Дамер играјќи го серискиот убиец Џефри Дамер.[7] Неговата изведба добила позитивни критики, и тој добил номинација за Наградата Спирит за најдобар глумец. Тој се појавил во музичкиот спот за песната „Trouble“ на Пинк во 2003 година.[8] Ренер глумел во акциониот филм S.W.A.T.[9] како поранешен полициски партнер на ликот кој го толкувал Колин Фарел во 2003 година и во драмата Срцето е измамничко над сите работи[10] во 2004 година.

Во 2005 година, Ренер глумел со Џулија Стајлс и Форест Витакер во Мал пат до рајот,[11] како и во филмовите Северна земја и 12 и невин. Тој потоа играл улога на нео-нацистички скинхед кој е примен во психијатриска болница во Нео Нед наспроти Габриела Јунион. Филмот ги добил сите награди за кои бил номиниран на филмските фестивали, вклучувајќи ја наградата за најдобар глумец на Меѓународниот филмски фестивал во Палм Бич.

Во 2007 година Ренер играл спореднa улогa во критички пофалениот филм Убиството на Џеси Џејмс од кукавицата Роберт Форд како и во научно-фантастичниот филм 28 недели подоцна.[12] Тој глумел заедно со Мини Драјвер во трилерот Земи и играл улога на несовесен рокер во една епизода од серијата Доктор Хаус.

Пробив: 2009–денес[уреди | уреди извор]

Откако играл главна улога со Далас Робертс во комичната драма Генијалци и во серијата Необични, Ренер се здобил со критички успех за неговата изведба на наредникот Вилијам Џејмс, експерт за онеспособување на бомби во воениот трилер од 2009 година за војната во Ирак, Шкафче на болката (режиран од Кетрин Бигелоу). Улогата му донела неколку награди во категоријата најдобар глумец и прва номинација за Оскар за најдобар глумец.[13]

Во 2010 година, изведбата на Ренер во Град на крадци режиран од Бен Афлек му донела позитивни критики и втора номинација за Оскар, овојпат за најдобар спореден глумец.[14] Тој исто така за првпат бил номиниран за Златен глобус за најдобар спореден глумец [15] и по вторпат добил номинација од страна на здружението на филмски глумци.[16]

Во 2011 година, Ренер имал кратко појавување како Хокај во Тор.[17] Во декември 2011 година,[18] тој глумел покрај Том Круз во Невозможна мисија: Протокол дух, четвртото продолжение на серијалот Невозможна мисија. Во 2012 година, Ренер со улогата на Хокај се појавил во марвеловиот филм, Одмаздници.[19][20] Истата година, тој глумел во Борново наследство, четвртото продолжение на филмскиот серијал Борн.[21] Ренер играл нов главен лик, Арон Крос, на местото на Џејсон Борн, кој бил игран од Мет Дејмон во првите три филмови.

Ренер на премиерата на Борново наследство во Сиднеј, Австралија

Ренер глумел во акциониот хорор филм Ивица и Марица: Ловци на вештерки (објавен во јануари 2013 г.), во кој тој и Џема Артертон ги играле Ивица и Марица. Дејството во филмот се случува 15 години подоцна откако Ивица и Марица ја убиле вештерката која ги киднапирала.[22]

Ренер бил дел од глумечката екипа на филмот Американска измама заснован на контроверзната операција АБСКАМ на ФБИ во 1970. и раните 1980. години. Во филмот, кој бил издаден во декември 2013 година, глумеле Кристијан Бејл, Бредли Купер, Ејми Адамс и Џенифер Лоренс во главните улоги. Филмот се здобил со позитивни критики и ја освоил наградата за најдобра глумечка екипа на здружението на филмски глумци и бил номиниран за Оскар за најдобар филм. Во октомври 2014 година, Ренер ја играл улогата на новинарот Гери Веб во филмот Убиј го гласникот заснован на книгата на Веб, Мрачен сојуз. Ренер исто така бил ко-продуцент на филмот.[23]

Во 2015 година, Ренер ја повторил улогата на Хокај во Одмаздници 2: Ерата на Ултрон, продолжението на Одмаздници.[24] Тој се вратил во филмскиот серијал Невозможна мисија во филмот Невозможна мисија: Одметници, издаден во јули 2015 година.[25] Во 2016 година, Ренер глумел во научно-фантастичниот филм Пристигнување, заедно со Ејми Адамс и повторно ја одиграл улогата на Хокај во Капетан Америка: Граѓанска војна.[26]

Личен живот[уреди | уреди извор]

Ренер се венчал со канадскиот модел Сони Пачеко на 13 јануари 2014 година.[27][28][29] Ренер и Пачеко имаат една ќерка, Ава Берлин (родена на 28 март 2013 г.).[30][31] На 30 декември 2014 година, Пачеко поднела документи за развод, наведувајќи ненадминливи разлики.[32] Тие делат старателство над нивната ќерка.[33]

Ренер исто така води бизнис за реновирање на домови заедно со неговиот најдобар другар и глумец, Кристофер Винтерс.[4][34] Покрај глумењето, тој изучувал Арнис (филипински боречки вештини) и Тајландски бокс, главно како подготовка за неговите улоги во Невозможна мисија и Одмаздници.[35][36]

Наводи[уреди | уреди извор]

  1. ↑ „Renner drives into action“. Dudley News. December 31, 2011. Посетено на April 16, 2013.
  2. ↑ „Today in History - Jan. 7“. U-T San Diego. January 7, 2011. Посетено на April 16, 2013.
  3. ↑ According to the State of California. California Birth Index, 1905-1995. Center for Health Statistics, California Department of Health Services, Sacramento, California. Searchable at [1] Архивирано на 27 април 2011 г.
  4. ↑ 4,0 4,1 King, Larry (9 October 2014). „Jeremy Renner“ (Video interview). Larry King Now. Посетено на 10 October 2014.
  5. ↑ „Jeremy Renner“. superiorpics.com. Посетено на December 11, 2011.[мртва врска]
  6. ↑ „Jeremy Renner Reveals Makeup Artist Past; Actor Talks 'Avengers' & More 'Mission: Impossible'“. Yahoo. Архивирано од изворникот на 2012-04-30. Посетено на May 1, 2012.
  7. ↑ „Jeremy Renner Haunted By 'Dahmer' Role“. starpulse.com. Архивирано од изворникот на 2012-01-18. Посетено на December 11, 2011.
  8. ↑ „JPink Falls Off Horses, Avoids Rattlesnakes During 'Trouble'-Filled Video Shoot“. mtv.com. Посетено на December 11, 2011.
  9. ↑ Koehler, Robert (August 7, 2003). „S.W.A.T.“. variety.com. Посетено на December 11, 2011.
  10. ↑ „The Heart Is Deceitful Above All Things (2006)“. hollywood.com. Посетено на December 11, 2011.
  11. ↑ „Julia Stiles and Jeremy Renner at the "A Little Trip to Heaven" premiere, January 26“. mtv.com. Посетено на December 11, 2011.
  12. ↑ „Interview: Jeremy Renner On 28 Weeks Later“. latinoreview.com. Посетено на December 11, 2011.
  13. ↑ „Nominees & Winners for the 82nd Academy Awards“. oscars.org. Посетено на December 11, 2011.
  14. ↑ „Jeremy Renner reacts to Oscar nomination for 'The Town'“. Entertainment Weekly. Архивирано од изворникот на 2011-11-04. Посетено на December 11, 2011.
  15. ↑ „Best Supporting Actor: Jeremy Renner“. esquire.com. Посетено на December 11, 2011.
  16. ↑ „Jason Bateman, Jon Hamm, Nicole Kidman, Jeremy Renner, Sofia Vergaraand Robin Wright To Present At The 17th Annual Screen Actors Guild Awards®“. sag.org. Посетено на December 11, 2011.
  17. ↑ „Report: Jeremy Renner's Hawkeye Makes A Cameo In 'Thor'“. Посетено на December 11, 2011.
  18. ↑ „'Mission: Impossible 4′ Set Photos of Jeremy Renner & Josh Holloway“. screenrant.com. Посетено на December 11, 2011.
  19. ↑ Corinne Heller (July 23, 2010). „Joss Whedon Talks 'The Avengers': Jeremy Renner Confirmed as 'Hawkeye'“. OnTheRedCarpet.com. Архивирано од изворникот на 2013-11-10. Посетено на June 14, 2012.
  20. ↑ Steve Weintraub (May 3, 2012). „Scarlett Johansson and Jeremy Renner Talk The Avengers“. Collider.com. Архивирано од изворникот на 2012-06-06. Посетено на June 14, 2012.
  21. ↑ „Jeremy Renner on Bourne Legacy“. Empire. Посетено на December 11, 2011.
  22. ↑ „First Look: Jeremy Renner in "Hansel and Gretel: Witch Hunters"“. worstpreviews.com. Архивирано од изворникот на 2021-02-25. Посетено на December 11, 2011.
  23. ↑ „Kill the Messenger“. imdb.com. Посетено на 12 June 2014.
  24. ↑ Davis, Erick (March 3, 2015). „'Avengers: Age of Ultron': Check Out Our Top-Secret Meetings with Captain America and Hawkeye“. Fandango. Архивирано од изворникот 2015-03-03. Посетено на March 3, 2015.
  25. ↑ „'Mission: Impossible 5′: Jeremy Renner Confirms Return“. slashfilm. Посетено на June 6, 2014.
  26. ↑ Kit, Borys (March 6, 2015). „Jeremy Renner Joins Amy Adams in Sci-Fi 'Story of Your Life' (Exclusive)“. The Hollywood Reporter. Архивирано од изворникот на 2016-12-21. Посетено на March 6, 2015.
  27. ↑ Bacardi, Francesca (December 30, 2014). „Jeremy Renner and Wife Sonni Pacheco Split After Just 10 Months of Marriage“. E!. Посетено на December 31, 2014.
  28. ↑ Thorpe, Elizabeth E. (September 2014). „Jeremy Renner Talks 'Kill the Messenger' Movie, Marriage, and Fatherhood“. Capitol File. Посетено на September 24, 2014. Не се допушта закосување или задебелување во: |publisher= (help)
  29. ↑ Billups, Andrea (September 24, 2014). „Jeremy Renner Confirms Marriage to Sonni Pacheco“. People. Посетено на September 24, 2014.
  30. ↑ Takeda, Allison (March 29, 2013). „Jeremy Renner Names Baby Daughter Ava Berlin“. Us Weekly. Посетено на March 31, 2013.
  31. ↑ Hiblen, Carolyn (20 September 2013). „Playing happy families: Jeremy Renner and ex-girlfriend Sonni Pacheco enjoy an amicable outing with precious daughter Ava“. Daily Mail. Посетено на 7 March 2014.
  32. ↑ Ehrich Dowd, Kathy (December 30, 2014). „Jeremy Renner's Wife Sonni Pacheco Files for Divorce“. People. Посетено на December 30, 2014.
  33. ↑ „Jeremy Renner to Share Custody of His Daughter in Divorce Settlement“. People (magazine). Посетено на 2015-10-28.
  34. ↑ Thorp, Charles (March 22, 2016). „Actor Jeremy Renner's Secret Passion: House Flipping“. Bloomberg.com.
  35. ↑ Walden, Celia (11 December 2011). „Jeremy Renner on Mission Impossible 4“. The Daily Telegraph. London.
  36. ↑ „Jeremy Renner Finally Gets Some Action“. Details. Посетено на December 11, 2011.[мртва врска]

Дополнителен материјал

Надворешни врски[уреди | уреди извор]


Нормативна контрола
Преземено од „https://mk.wikipedia.org/w/index.php?title=Џереми_Ренер&oldid=5174388“