Тајлер Адамс
| Тајлер Адамс | |||
|---|---|---|---|
 | |||
| Лични податоци | |||
| Полно име | Тајлер Шан Адамс[1] | ||
| Роден на | 14 февруари 1999 | ||
| Роден во | Вапингер, САД | ||
| Држава |
 САД | ||
| Висина | 1,75 м | ||
| Позиција | среден ред | ||
| Клупски податоци | |||
| Сегашен клуб |
 Борнмут | ||
| Број | 12 | ||
| Младинска кариера | |||
| 2012–2015 |
 Њујорк Ред Булс | ||
| Кариера* | |||
| Години | Клуб | Наст. | (Гол.) |
| 2015-2016 |
Њујорк Ред Булс II | 31 | (0) |
| 2016-2019 |
Њујорк Ред Булс | 59 | (2) |
| 2019-2022 |
 РБ Лајпциг | 75 | (1) |
| 2022-2023 |
 Лидс Јунајтед | 24 | (0) |
| 2023- |
Борнмут | 49 | (2) |
| Репрезентација | |||
| 2014-2015 |
САД 17 | 23 | (0) |
| 2016-2017 |
САД 20 | 12 | (1) |
| 2017- |
САД | 52 | (2) |
Тајлер Шан Адамс (англиски: Tyler Shaan Adams; роден на 13 ноември 2002, во Вапингер) — американски фудбалер, играч од средниот ред на Борнмут и на американската репрезентација.
Првенствено како играч од средниот ред, Адамс е способен да игра како бек или крило на двете страни од одбраната или средниот ред.
Адамс го претставувал САД на повеќе младински нивоа пред да го направи своето деби за сениорската репрезентација во 2017 година.
Клупска кариера
[уреди | уреди извор]Рана кариера
[уреди | уреди извор]Адамс се приклучил на Академијата на Ред Булс во 2011 година и играл со играчите под 13, 14 и до 16 години пред да стане професионалец.
Њујорк Ред Булс II
[уреди | уреди извор].jpg)
На 19 март 2015 година, Адамс потпишал договор со Њујорк Ред Булс II, сениорскиот резервен тим на клубот кој игра во Унајтед фудбалската лига. Адамс го направил своето деби за тимот на 4 април 2015 година, во победата со 4–1 над Торонто ФК II, прва победа во клупската историја. Откако редовно играл за тимот во текот на сезоната 2016, Адамс му помогнал на клубот да победи со 5-1 над Своуп Парк Ренџерс во финалето на Купот на УСЛ 2016.
Њујорк Ред Булс
[уреди | уреди извор]На 23 јули 2015 година, Адамс го направи своето деби со првиот тим на Њујорк Ред Булс во пријателски натпревар против шампионот во Премиер лигата, Челси. Тој го постигнал вториот гол на натпреварот, удирајќи со глава покрај Асмир Беговиќ во 69. минута, додека Ред Булс победиле со 4–2.
Адамс го потпишал својот прв договор за сениорскиот тим на 3 ноември 2015 година и се приклучил на првиот тим во претсезонскиот тренинг камп во 2016 година. Адамс го направил своето прво појавување на клупата за МЛС како неискористена замена на 1 април 2016 година, за време на поразот со 1-0 од Њу Ингланд Револушн, а на 13 април го направи своето деби во МЛС, почнувајќи од стартот со Сан Хосе Ертквејкс, пред да се врати во Ред Булс II на позајмица до крајот на сезоната.
Адамс се појавил како редовен стартер за сениорскиот тим на Ред Булс во сезоната 2017. На 15 август 2017 година, Адамс му помогнал на Њујорк да дојде до победа од 3–2 над ФК Синсинати, асистирајќи при израмнувањето на Бредли Рајт-Филипс во 77 минута. Со победата, Њујорк стигнал до своето прво финале на Отворениот куп од 2003 година.[2] Адамс ги постигнал своите први два гола во МЛС во ремито 3–3 со Ди Си Јунајтед на 27 септември 2017 година.
На 13 март 2018 година, Адамс го отворил резултатот за Њујорк во победата со 3–1 над Клуб Тихуана, помагајќи му на клубот да се пласира во полуфиналето на Лигата на шампионите на КОНКАКАФ за прв пат во својата историја.
РБ Лајпциг
[уреди | уреди извор].jpg)
Адамс се приклучил на РБ Лајпциг во јануари 2019 година, каде повторно имал можност да соработува со својот поранешен тренер Џеси Марш.[3] Тој го започнал својот прв натпревар во Бундеслигата на 27 јануари во победата со 4-0 против Фортуна Диселдорф. На 16 февруари, Адамс ја забележал својата прва асистенција во Бундеслигата во победата од 3–1 над Штутгарт.[4] Тој ги пропуштил сите априлски натпревари поради повреда, а дотогаш Лајпциг немал изгубено ниту еден натпревар со него на теренот. На 16 мај, Адамс се вратил во тимот, а единаесет дена подоцна го започнал финалето на ДФБ-Покал против Баерн Минхен во кое Лајпциг загубил со 0–3.[5]
Повредата на препоните го оддалечила Адамс од терените во летото 2019 година и првата половина од сезоната 2019-20 во Бундеслигата. Тој се вратил на последниот натпревар пред зимската пауза, играјќи 86 минути во победата од 3–1 над Аугсбург. На 10 март, Адамс го направил своето деби во Лигата на шампионите во реванш натпреварот против Тотенхем Хотспар, кога влегол како замена за Норди Мукиеле, кој се здобил со повреда на главата.[6] Натпреварот завршил со победа на Лајпциг 3–0 (4–0 вкупен резултат) и пласман во следната рунда.[7] На 13 август 2020 година, Адамс го постигнал победничкиот гол за Лајпциг во победата од 2–1 над Атлетико Мадрид, помагајќи му на клубот да се пласира во полуфиналето на Лигата на шампионите за првпат во нивната историја.
Во сезоната 2021-2022, неговата последна во Лајпциг, тој го освоил Купот на Германија со клубот после победата на пенали над Фрајбург;[8] Адамс натпреварот го започнал на клупата, но се појавил во игра како замена во првото продолжение на местото на Конрад Лајмер. Вкупно во дресот на РБ Лајпциг, Адамс одиграл 103 натпревари и постигнал 2 гола.
Лидс Јунајтед
[уреди | уреди извор]На 6 јули 2022 година, Адамс потпишал петгодишен договор со англискиот клуб од Премиер лигата, Лидс Јунајтед, во трансфер вреден 20 милиони фунти.[9] Тој го направил своето првенствено деби за Лидс на 6 август, како дел од стартната постава во натпреварот на отворањето на сезоната добиен со 2-1 на домашен терен против Вулверхемптон Вондерерс.[10] Откако импресионирал со своите изведби во средниот ред неколку месеци по ред, Адамс ја повредил тетивата на тренинг пред вториот натпревар против Вулверхемптон за сезоната на 18 март. Подоцна истиот месец, тој бил подложен на операција, поради што морал да го пропушти остатокот од сезоната.[11]
Борнмут
[уреди | уреди извор]После испаѓањето на Лидс од Премиер лигата на крајот од сезоната 2022-2023, Адамс потпишал петгодишен договор со Борнмут што му овозможило да остане во највисокото ниво на англискиот фудбал.[12]
Репрезентативна кариера
[уреди | уреди извор]
Адамс ги претставувал Соединетите Американски Држави со тимовите под 15, 17 и под 20 години. Тој се појавил на сите натпревари на неговиот тим на првенството на КОНКАКАФ до 17 години во 2015 година во Хондурас, помагајќи им на САД да се квалификуваат за Светското првенство на ФИФА до 17 години во 2015 година.[2] Во мај 2017 година, Адамс ги одиграл сите натпревари за Соединетите Држави на Светското првенство на ФИФА до 20 години во Јужна Кореја 2017 година. На 14 ноември 2017 година, Адамс го одиграл својот прв натпревар за сениорската репрезентација, играјќи ги цели 90 минути во ремито 1–1 со Португалија. На 11 септември 2018 година, Тајлер Адамс постигнал гол против Мексико на пријателски натпревар на стадионот Нисан во Нешвил, Тенеси.
Во јуни 2019 година, Адамс бил именуван во тимот за Златниот куп на КОНКАКАФ 2019,[13] но бил принуден да се повлече поради повреда.[14]
Во ноември 2022 година, Адамс бил назначен за капитен на американската репрезентација за Светското првенство 2022 година во Катар.[15] Ова го направило најмладиот капитен на првенството[16] и најмладиот американски капитен од 1950 година.[17]
Личен живот
[уреди | уреди извор]Адамс е роден во округот Дачес, Њујорк во семејството на Мелиса Русо. Неговиот очув, Дерил Саливан, бил фудбалски тренер во средно училиште и колеџ. Адамс дипломирал на средното училиште Рој К. Кечам во Вопингерс Фолс, Њујорк.
Статистика на кариерата
[уреди | уреди извор]Клупска статистика
[уреди | уреди извор]Статистиката е ажурирана на 11 јуни 2025
| Сезона | Клуб | Првенство | Национален куп | Континентален куп | Останати купови | Вкупно | |||||||||
|---|---|---|---|---|---|---|---|---|---|---|---|---|---|---|---|
| Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
| 2015 | Њујорк Ред Булс II | УСЛ | 11 | 0 | УСКуп | 1 | 0 | - | - | - | - | - | - | 12 | 0 |
| 2016 | УСЛ | 18+4[18] | 0 | УСКуп | - | - | - | - | - | - | - | - | 22 | 3 | |
| Вкупно Њујорк Ред Булс II | 29+4 | 3 | 1 | 0 | - | - | - | - | 34 | 3 | |||||
| 2016 | Њујорк Ред Булс | МЛС | 1 | 0 | УСКуп | - | - | - | - | - | - | - | - | 1 | 0 |
| 2017 | МЛС | 24+3[18] | 2 | УСКуп | 5 | 0 | CCL | 3 | 0 | - | - | - | 35 | 2 | |
| 2018 | МЛС | 27+4[18] | 0 | УСКуп | 1 | 0 | КЛШ | 6 | 1 | - | - | - | 38 | 1 | |
| Вкупно Њујорк Ред Булс | 52+7 | 2 | 6 | 0 | 9 | 1 | - | - | 74 | 3 | |||||
| јан.-јун. 2019 |  РБ Лајпциг | БЛ | 10 | 0 | КГ | 2 | 0 | - | - | - | - | - | - | 12 | 0 |
| 2019-2020 | БЛ | 14 | 0 | КГ | 0 | 0 | ЛШ | 3 | 1 | - | - | - | 17 | 1 | |
| 2020-2021 | БЛ | 27 | 1 | КГ | 4 | 0 | ЛШ | 6 | 0 | - | - | - | 37 | 1 | |
| 2021-2022 | БЛ | 24 | 0 | КГ | 4 | 0 | ЛШ+ЛЕ | 5+4 | 0 | - | - | - | 37 | 0 | |
| Вкупно РБ Лајпциг | 75 | 1 | 10 | 0 | 18 | 1 | - | - | 103 | 2 | |||||
| 2022-2023 |  Лидс Јунајтед | ПЛ | 24 | 0 | ФАКуп+ЛК | 2+0 | 0 | - | - | - | - | - | - | 26 | 0 |
| 2023-2024 | Борнмут | ПЛ | 3 | 0 | ФАКуп+ЛК | 0+1 | 0 | - | - | - | - | - | - | 4 | 0 |
| 2024-2025 | ПЛ | 28 | 0 | ФАКуп+ЛК | 4+0 | 0+0 | - | - | - | - | - | - | 32 | 0 | |
| 2025-2026 | ПЛ | 18 | 2 | ФАКуп+ЛК | 0+1 | 0+0 | - | - | - | - | - | - | 19 | 0 | |
| Вкупно Борнмут | 49 | 2 | 6 | 0 | - | - | - | - | 55 | 2 | |||||
| Вкупно во кариерата | 240 | 5 | 25 | 0 | 27 | 2 | - | - | 292 | 7 | |||||
Репрезентација
[уреди | уреди извор]| Репрезентација | Година | Настапи | Голови |
|---|---|---|---|
| САД |
2017 | 1 | 0 |
| 2018 | 8 | 1 | |
| 2019 | 1 | 0 | |
| 2020 | 2 | 0 | |
| 2021 | 10 | 0 | |
| 2022 | 10 | 0 | |
| Вкупно | 32 | 1 | |
Титули
[уреди | уреди извор]Клупски
[уреди | уреди извор]Њујорк Ред Булс
[уреди | уреди извор]- 2018
РБ Лајпциг
[уреди | уреди извор]
Куп на Германија : 1
- 2021-2022
Репрезентативни
[уреди | уреди извор]- САД
- 2019-2020, 2023-2024
Наводи
[уреди | уреди извор]- ↑ „2022/23 Premier League squad lists“. Premier League. September 14, 2022. Посетено на September 14, 2022.
- 1 2 „News & Stories | U.S. Soccer Official Website“. www.ussoccer.com (англиски). Посетено на 2022-11-24.
- ↑ „RB Leipzig News - Aktuelle Nachrichten zu RB Leipzig“. rbleipzig.com (германски). Посетено на 2022-11-24.
- ↑ Press, Associated. „WATCH: Tyler Adams gets assist in RB Leipzig win“. Sports Illustrated (англиски). Посетено на 2022-11-24.
- ↑ „Tyler Adams recovered from adductor injury“. USA TODAY (англиски). Посетено на 2022-11-24.
- ↑ „Tyler Adams makes Champions League debut - RB Leipzig stroll past Tottenham“. www.transfermarkt.us (англиски). Архивирано од изворникот на 2022-11-24. Посетено на 2022-11-24.
- ↑ mlssoccer. „RB Leipzig's Tyler Adams makes UEFA Champions League debut in victory over Tottenham | MLSSoccer.com“. mlssoccer. Посетено на 2022-11-24.
- ↑ „A thriller in Berlin: how relentless RB Leipzig won their first major title“ (англиски). 23 мај 2022. Посетено на 10 април 2026.
- ↑ „Leeds transfer news: Tyler Adams on the qualities he offers“. BBC Sport (англиски). Посетено на 2022-11-24.
- ↑ Unwin, Will (August 6, 2022). „Brenden Aaronson inspires Leeds to comeback victory over Wolves“. The Guardian. Посетено на August 7, 2022.
- ↑ Hay, Phil (April 21, 2023). „Leeds boss Javi Gracia unsure whether Tyler Adams will play again this season“. The Athletic. Посетено на July 3, 2023.
- ↑ „Tyler Adams joins AFC Bournemouth“. AFC Bournemouth. August 20, 2023. Посетено на August 20, 2023.
- ↑ „Berhalter Names 23-Player Roster for 2019 CONCACAF Gold Cup“. www.ussoccer.com (англиски). Посетено на 2022-11-24.
- ↑ „Injury Forces Tyler Adams to Withdraw from U.S. Men's National Team Roster for 2019 Concacaf Gold Cup“. www.ussoccer.com (англиски). Посетено на 2022-11-24.
- ↑ „Red, White & 'Do: McKennie gets patriotic dye job“. ESPN.com (англиски). 2022-11-20. Посетено на 2022-11-24.
- ↑ „Tyler Adams to captain US, youngest at this year's World Cup“. AP NEWS (англиски). 2022-11-20. Посетено на 2022-11-24.
- ↑ „Tyler Adams begins World Cup with home Dutchess fanbase, Ted Lasso behind him“. Poughkeepsie Journal (англиски). Посетено на 2022-11-24.
- 1 2 3 Play-off.
Надворешни врски
[уреди | уреди извор]
- Тајлер Адамс на soccerway
- Тајлер Адамс на transfermarkt
- Тајлер Адамс на espn
- Тајлер Адамс на whoscored
| ||||||
| ||||||||
| ||||||||