Периша Савелиќ

Од Википедија — слободната енциклопедија
Прејди на прегледникот Прејди на пребарувањето
Споменик на местото на куќата на Савелиќ во Скопје

Периша Савелиќ - Самсон (с. Мартиниќи, кај Подгорица, Црна Гора, 12 септември 1920 - Софија, 18/19 август 1942)[1] бил комунистички деец, Црногорец, учесник во НОВ во Македонија.

Основно образование завршил во родното село, а два класа гимназија во Скопје (татко му бил учител во с. Драчево). Поради комунистичка активност бил исклучен од гимназијата, па матурирал во Приштина во 1939 година. Во 1939 година извесно време бил интерниран во Билеќа. По враќањето студирал на Филозофскиот факултет во Скопје (1940) и бил организационен секретар на МК на КПЈ (1940).

По Априлската војна (1941) бил секретар на МК и раководител на Воениот штаб на МК на КП во Скопје, при што успешно ги извршил подготовките и го формирал Првиот скопски партизански одред (22 август). На 26 октомври 1941 година е уапсен при блокада на бугарската полиција. На 9 мај 1942 година е осуден на смрт, по што на 18/19 август е обесен во Софискиот затвор.

Наводи[уреди | уреди извор]

  1. „Македонска енциклопедија“, МАНУ, Скопје, 2009, 1292 стр.

Литература[уреди | уреди извор]

  • Крсто Здравковски „Периша Савелиќ - Самсон“, Скопје, 2011.