Национален парк Томорица
| Национален парк Томорица | |
|---|---|
| Parku Kombëtar Mali i Tomorrit | |
МСЗП — Категорија II (национален парк) | |
 Официјално лог | |
| Место | Белградска Област, Елбасанска Област |
| Најблизок град | Белград, Поличани |
| Координати | 40°42′0″N 20°8′0″E / 40.70000° СГШ; 20.13333° ИГД |
| Површина | 27.185,5 хектари[1] |
| Прогласено | 18 јули 2012 |
| Управно тело | Национална агенција за заштитени подрачја |
Планински национален парк Томорица (албански: Parku Kombëtar "Mali i Tomorrit") — национален парк основан во 1956 година што се наоѓа во Јужна Албанија, сместен во средишниот и повисоките делови на масивот Томорица, на површина од 261,6 квадратни километри од 2012 година, а се проширил за да ги вклучи областите на каменолом од 2019 година. Паркот зафаќа територија од 26.106 хектари.[2] Областа спаѓа во Белградската Област и има само 1.278 хектари воЕлбасанската Област.[3] Паркот е основан во 1956 година и се смета за едно од најважните заштитени подрачја за одржување на планинскиот биодиверзитет и интегритетот на екосистемот на национално ниво. Паркот е препознаен како значајно растително подрачје од меѓународно значење од Plantlife.[4]
Томорица е антиклинала составена од варовници и карст. Планината е една од највисоките природни точки на Јужна Албанија, која се издига меѓу долините на реките Осум и Томорица на исток, во близина на Белград.
Паркот спаѓа во копнениот екорегион на мешани шуми на планините Пинд на биом на палеарктички медитерански шуми и грмушки. Како последица на неговата разновидна геологија и топографија се јавува единствена разновидност на флората и фауната. Шумите на Националниот парк Томорица се составени од разновидни видови листопадни и иглолисни дрвја и голема разновидност на цвеќиња. Шумите на паркот изобилуваат со видови како што се европска бука, босански бор, турска леска, линарија, жолта линцура, есенски мразовец, грчки бел зрак, бела имела, различник и многу други.[5][6] Во националниот парк може да се најдат бројни видови големи цицачи како волци, лисици, диви свињи, срна, диви кози, зајаци, златни орли, бувови и врапчиња. Од малите цицачи спаѓаат шумски пух и шумски глушец.[7]
Истакнати особености во националниот парк се кањонот Осум, реката Осум и масивот Томорица, кој исто така е свето место и за христијаните и за бекташите.
Поврзано[уреди | уреди извор]
Наводи[уреди | уреди извор]
- ↑ „PËRSHKRIMI I RRJETIT AKTUAL TË ZONAVE TË MBROJTURA“ (PDF). mjedisi.gov.al (Albanian). стр. 7.CS1-одржување: непрепознаен јазик (link)
- ↑ „Vlerësimi Strategjik Mjedisor për Planin e Integruar Ndersektorial te Bregdetit“ (PDF). planifikimi.gov.al (Albanian). стр. 44. Архивирано од изворникот (PDF) на 2017-10-28.CS1-одржување: непрепознаен јазик (link)
- ↑ „RRJETI I ZONAVE TË MBROJTURA NË SHQIPËRI“ (PDF). mjedisi.gov.al (Albanian). стр. 1.CS1-одржување: непрепознаен јазик (link)
- ↑ IUCN, World Wide Fund for Nature, Plantlife. „Important Plant Areas of the south and east Mediterranean region“ (PDF). portals.iucn.org (English). стр. 75.CS1-одржување: повеќе имиња: список на автори (link) CS1-одржување: непрепознаен јазик (link)
- ↑ „Biodiversity of the Albanian national parks and its problems“ (PDF). ressources.ciheam.org. стр. 29. Архивирано од изворникот (PDF) на 2016-03-04. Посетено на 2017-08-18.
- ↑ „Rare plants and their conservation status in Tomorri National Park“ (PDF). zs.thulb.uni-jena.de.
- ↑ University of Tirana. „Small terrestrial mammals of Albania: distribution and diversity (Mammalia, Eulipotyphla, Rodentia)“ (PDF). zookeys.pensoft.net (English). Tirana.CS1-одржување: непрепознаен јазик (link)
Библиографија[уреди | уреди извор]
- Bollobani, Elvira; Uruçi, Rudina (2019). „Geotourism potentials of the National Park "Mali i Tomorrit"“. International Journal of Geoheritage and Parks. Elsevier B.V. on behalf of Beijing Normal University. 7 (1): 15–23. doi:10.1016/j.ijgeop.2019.03.001.