Македонски Авиотранспорт

Од Википедија — слободната енциклопедија
Прејди на прегледникот Прејди на пребарувањето
Македонски Авиотранспорт
MAT Macedonian Airlines
Лого на Македонски Авиотранспорт (MAT).png
IATA ICAO Ознака
IN MAK MAKAVIO
Основан16 јануари 1994
Почнал со работа23 јуни 1994
Престанал со работа1 септември 2009
Работни бази
Летала16 (вкупно)
Одредишта16 (вкупно)
СедиштеАеродром „Александар Велики“, Петровец, Скопје, Република Македонија
РаководствоЗлатко Петровски (претседател)

Македонски Авиотранспорт, скратено МАТ (на англиски: MAT Macedonian Airlines) била македонска авиокомпанија и еден од двата национални авиопревозници кои ги имала Република Македонија, со седиште во тогашниот Аеродром „Александар Велики“ во Петровец, Скопје. Основана е во 1994 година. Компанијата летала на одредишта низ Европа. Во текот на своето постоење користела вкупно 16 летала. МАТ престанал со работа во септември 2009 година.

Историја[уреди | уреди извор]

Авионот Боинг 737-200 на МАТ во Цирих, декември 1994 г.

Компанијата МАТ била основана на 16 јануари 1994 година меѓутоа својот прв лет го забележала на 23 јуни истата година од аеродромот во Скопје до Аеродромот Клотен во Цирих, Швајцарија со леталото Боинг 737-200. Својот статус на национален авиопревозник компанијата го добива во 2000-та година по договор со Владата на Македонија и истиот требал да важи за наредните 10 години.

Распад

Во периодот од 2008 па сè до нејзиното распаѓање во септември 2009 година, компанијата бележи неколку негативни настани. Во декември 2008 година ѝ е забранет влез во воздушниот простор на Германија и Италија поради неплатени давачки во периодот од 1999 до 2005 година. Со тоа таа ги губи одредиштата до Берлин, Диселдорф, Хамбург и Рим.

И Грција исто така ѝ забранува влез на МАТ во нејзиниот воздушен простор, но поради политички причини со Спорот за името Македонија. Ова сепак се решава до одреден степен со договор во 2009 година, кога на авиопревозниците од двете соседни земји им е дозволено да влегуваат во воздушните простори на државите, но според истиот македонските авиопревозници не можат да слетуваат на аеродромите во Грција.

Во 2009 година раководството на МАТ отпуштило дури 70 од сите 180 вработени. Во март истата година српскиот национален авиопревозник Јат Ервејс соопштил за своите намери да ги преземе поголемиот дел од акциите на МАТ. На 1 септември 2009 година, Македонски Авиотранспорт го губи својот Сертификат за авиотранспорт (на англиски: Air Operators Certificate, скратено AOC) и престанува со работа.

Одредишта[уреди | уреди извор]

Во текот на своето постоење, Македонски Авиотранспорт имал летови до вкупно 16 дестинации. Тој летал меѓу домашните аеродроми „Александар Велики“ во Скопје и „Св. Апостол Павле“ во Охрид, како и низ уште 14 аеродроми во Европа. Одредиштата до аеродромите Берлин-Шенефелд, Диселдорф и Хамбург во Германија и аеродромот „Леонардо да Винчи-Фјумичино“ во Рим, Италија биле прекинати во декември 2008 година откако меѓународната организација Еуроконтрол забранил влез за авионите на компанијата во воздушниот простор на двете држави поради неплатени давачки за контролата на летање направени во периодот од 1999 до 2005 година. Грција исто така забранила слетување на нејзините аеродроми од авионите на МАТ, но поради Спорот за името Македонија.

Список на одредиштата
Ова се сите одредишта кои ги нудила компанијата во текот на своето постоење. Аеродромите на списокот се подредени според азбучен ред.

Флота[уреди | уреди извор]

Поврзано[уреди | уреди извор]

Надворешни врски[уреди | уреди извор]