Палер Македонија

Од Википедија — слободната енциклопедија
Прејди на прегледникот Прејди на пребарувањето
Палер Македонија
Palair Macedonian
IATA ICAO Ознака
3D PMK PALAIR
Основан1991
Престанал со работасептември 1996
Работни бази
Летала15 (вкупно)
Одредишта14 (вкупно)
СедиштеМеѓународен аеродром Скопје, Петровец, Скопје, Република Македонија
РаководствоВања Битољану (претседател)

Палер Македонија (на англиски: Palair Macedonia или Palair Macedonian Airlines) била првата македонска авиокомпанија и првиот од двата национални авиопревозници кои ги имала Република Македонија, другиот бил Македонски Авиотранспорт. Таа била формирана во 1991 година, неколку месеци пред осамостојувањето на Македонија. Била со седиште на Меѓународниот аеродром Скопје во Петровец, Скопје. Таа опстоила само неколку години и својот пад го бележи во 1996 година поради економски и политички причини.

Компанијата низ своето постоење работела со петнаесетина летала од кои еден Фокер 100 се срушил во 1993 година неколку секунди по полетувањето од аеродромот во Скопје. Компанијата во текот на своето постоење летала на одредишта во Европа, вклучително и Москва во Русија.

Историја[уреди | уреди извор]

Авионот Туполев Ту-154 на Палер на аеродромот во Цирих, Швајцарија, септември 1992 г.

Авиокомпанијата Палер Македонија е формирана во 1991 година, неколку месеци пред осамостојувањето на Македонија од СФР Југославија. Со ова, таа е првата македонска авиокомпанија воопшто и првата национална авиокомпанија во Република Македонија. Својата работа ја започнува со Туполев Ту-154 летало, а потоа изнајмува и Фокер Ф-28 и Фокер 100.

Војните во Југославија

И по почнувањето на Босанската војна, Палер повеќе пати дневно имал летови до Сараево, помагајќи им на бегалците од војната. На еден таков ден во јуни 1992 година кога требал да се затвори Меѓународниот аеродром Сараево, авион на Палер го направи последниот лет пред тогашното затворање на аеродромот. При полетувањето биле испукани неколку истрели кон авионот, но без последици и штети.

За време на Југословенските војни, Палер Македонија учествувала во класифицирана задача на македонските служби за извлекување на триесетина македонски војници кои останале заробени во касарни во Хрватска по борбените дејствија за осамостојување на земјата. Еден авион Антонов АН-24 летал од Будимпешта до Охрид во наводно комерцијален лет на кој патувала туристичка група, иако тоа биле војниците. Поради тајноста на задачата, ниту екипажот на авионот не знаел дека ќе превезува војници.[1]

Распад

Својот распад компанијата го бележи во 1996 година. Тогаш ОН ги спуштила санкциите за Југославија и со тоа југословенската национална авиокомпанија Југословенски Авиотранспорт продолжила со својата работа, враќајќи се и на македонскиот пазар. Тоа резултирало со драстично намалување на корисниците на Палер Македонија поради што таа повеќе не можела економски да опстојува на пазарот. Својата работа Палер Македонија ја прекинува во септември 1996 година. Во меѓувреме во Македонија работи Македонски Авиотранспорт, формирана 2 години претходно.

Одредишта[уреди | уреди извор]

Флота[уреди | уреди извор]

Несреќи и инциденти[уреди | уреди извор]

Фокер 100 авионот две недели пред да се сруши.

На 5 март 1993, Фокер 100 (Лет 301 на Палер Македонија), се урнал неколку секунди по полетувањето од пистата на аеродромот „Скопје“ (познат како „аеродром Петровец“, сега само Меѓународен аеродром Скопје) на лет кон Цирих. Истрагата покажала дека причината за уривањето на авионот било замрзнувањето на крилјата на авионот и пропуст во нивно прскање против мраз. Во авионот имало 97 лица од кои 83 го загубиле својот живот.

Наводи[уреди | уреди извор]

  1. "Кљусев и Мијалков ми рекоа тајно да ги вратам војниците од Хрватска, вели Вања Битољану, директор на Палер Македонија". Сакам Да Кажам (македонски). 10 септември 2016. конс. 20 ноември 2018. 

Надворешни врски[уреди | уреди извор]