Ивица Коневски
| Ивица Коневски | |
|---|---|
| Градоначалник на Општина Аеродром | |
| На должноста 2009–2017 | |
| Претходник | Кирил Тодоровски |
| Наследник | Златко Марин |
| Лични податоци | |
| Роден(а) | 14 декември 1978 Скопје |
| Националност | Македонец |
| Партија | ВМРО-ДПМНЕ |
| Установа | Универзитет „Св. Кирил и Методиј“ |
| Професија | Дипломиран правник |
| Вероисповед | Православен христијанин |
Ивица Коневски (14 декември 1978 во Скопје) — поранешен градоначалник на Општина Аеродром.
Животопис[уреди | уреди извор]
Коневски е роден на 14 декември 1978 година во Скопје. По професија е дипломиран правник, а со високо образование се стекнал на Правниот факултет при Универзитетот „Св. Кирил и Методиј“.
Негово прво искуство во политиката било советничкото место во Советот на Град Скопје, во периодот 2005-2006. Потоа бил назначен за генерален директор на Јавното претпријатие за стопанисување со станбен и деловен простор на Република Македонија (ЈПССДП). Освен тоа, бил и претседател на Одборот на директори на Градскиот Трговски Центар - Скопје. Додека бил директор на ЈПССДП покренал иницијатива за обнова на стадионот Филип II и изградба на северната трибина, а бил одговорен и за проектот изградба на нови станови за млади брачни парови.
На локалните избори 2009 Коневски како кандидат на ВМРО-ДПМНЕ ја освоил градоначалничката функција уште во првиот изборен круг, победувајќи го опозицискиот кандидат Тихомир Илиевски.[1] На следните локални избори во 2013 тој славел победа над Диме Велковски од СДСМ со освоени 63% од вкупните гласачки ливчиња.[2][3]
Според една спроведена анкета во 2012 од страна на порталот „Скопје Инфо“, Ивица Коневски бил прогласен за „најуспешен скопски градоначалник“.[4] Како негови поважни проекти се споменуваат изградбата на паркови во населбите Ново Лисиче и Аеродром, реновирање на основните и средни училишта во општината, како и ставањето на КК МЗТ Скопје под општинска капа.[5]
Наводи[уреди | уреди извор]
- ↑ „Коневски и Беџети ја презедоа функцијата“. Утрински Весник. 8 април 2009. Посетено на 21 мај 2013.[мртва врска]
- ↑ „Ивица Коневски води во Аеродром“. Прес 24. 25 март 2013. Посетено на 21 мај 2013.[мртва врска]
- ↑ „Анкетите покажаа: Ивица Коневски со убедлива победа во Аеродром“. Скопје Инфо. 16 март 2013. Архивирано од изворникот на 2013-03-19. Посетено на 21 мај 2013.
- ↑ „Ивица Коневски најуспешен градоначалник во Скопје за 2012“. Сител. 18 јануари 2013. Архивирано од изворникот на 2013-01-21. Посетено на 21 мај 2013.
- ↑ „Ивица Коневски ја промовира својата програма за претстојните локални избори“. 24 Вести. 9 февруари 2013. Посетено на 21 мај 2013.
Надворешни врски[уреди | уреди извор]
- Биографија на страницата на Општина Аеродром Архивирано на 11 декември 2011 г.
- Порталот за активностите на градоначалникот Архивирано на 3 април 2013 г.
- Неговиот Фејсбук профил
- Интервју на Коневски за Курир Архивирано на 22 март 2013 г.
 | Оваа биографска статија е никулец. Можете да помогнете со тоа што ќе ја проширите. |