Зулу

Зулу
	isiZulu
Застапен во	ЈАР ; Зимбабве ; Лесото ; Малави ; Мозамбик ; Есватини
Подрачје	Квазулу-Натал, Дурбан, Јоханесбург
Говорници	мајчин: 10 милиони ; втор јазик: 16 милиони
Јазично семејство	нигер-конгоанско атлантско-конгоански бенуе-конгоански бантоидни јужни бантоидни банту јужни-банту нгунски Зундаски зулу; ; ; ; ; ; ; ; ;
Статус
Службен во	ЈАР
Регулативен орган	Панјужноафрикански јазичен совет
Јазични кодови
ISO 639-1	zu
ISO 639-2	zul
ISO 639-3	zul
	Делот од населението на Јужноафриканската Република кое зборува зулу дома 0–20% 20–40% 40–60% 60–80% 80–100%

Зулу (самон. исизулу) е банту-јазик, службен јазик на Јужноафриканската Република и мајчин јазик на народот Зулу. Јазикот го зборуваат околу 10 милиони луѓе, претежно во Јужноафриканската Република. Овој јазик е јазик кој најмногу се зборува по домаќинствата во државата, односно го зборуваат околу 24% од домаќинствата и го разбираат околу 50% од населението на државата. Во 1994 година јазикот станал единаесетти службен јазик во ЈАР. Зулу, како и сите останати банту-јазици, користи латиница како свое основно писмо.

Географска распространетост

Зулу припаѓа на Југоисточната група на банту-јазиците поточно на групата нгунски јазици. Јазикот се зборува во Квазулу-Натал во која 81 % од населението зборуваат зулу како мајчин јазик. Потоа се зборува во Мпумаланга со околу 26% и Гаутенг со околу 21%. Исто така е зборуван во некои други африкански држави, но со значителен процент во Лесото и Свазиленд. Јазиците ндебеле (зборувани во Зимбабве), сисвати (свази) и нгуни (порано зборуван во Малави) се сродни јазици на зулу и настанати од XIX век со селидба на зулу-население. Јазикот коса е доминантен во Зелено’ртската Република и е сличен со зулу.

Примери

Sawubona	Здраво, на една личност
Sanibonani	Здраво, на група луѓе
Unjani? / Ninjani?	Како си? / Како сте?
Ngisaphila / Sisaphila	Добар сум. / Добри сме.
Ngiyabonga (kakhulu)	Благодарам (многу)
Ngubani igama lakho?	Како се викаш?
Igama lami ngu...	Моето име е...
Isikhathi sithini?	Колку е часот?
Ngingakusiza?	Може да помогнам?
Uhlala kuphi?	Каде престојуваш?
Uphumaphi?	Од каде си?
Hamba kahle / Sala kahle	Оди со добро / Остани со добро (исто како „пријатно“ за една личност)
Hambani kahle / Salani kahle	Оди со добро / Остани со добро (исто како „пријатно“ за група личности)
Eish!	леле!
Hhayibo	Не! / Доста! / Нема шанси!
Yebo	Да
Cha	Не
Angazi	Не знам
Ukhuluma isiNgisi na?	Дали зборуваш англиски?
Ngisaqala ukufunda isiZulu	Штотуку почнав да учам Зулу.

Користена литература

Зулу и материјали на страницата на UCLA Архивирано на 5 јуни 2011 г.

Надворешни врски