Жарко Лаушевиќ

Жарко Лаушевиќ
Роден	19 јануари 1960 Цетиње
Познат	по улогите: Шиља - Сиви дом Павле - Шмекер Милош Обилиќ - Битка на Косово Ѓорѓе Караѓорѓевиќ - Сенки над Балканот Илија/Алија - Нож Аќим Катиќ - Корени
Занимање	глумец

Жарко Лаушевиќ (Цетиње, Црна Гора 19 јануари 1960) е српски и југословенски филмски и драмски актер.

Животопис

Лаушевиќ дипломирал глума на Факултетот за драмски уметности во Белград. Бил член на Југословенско драмско позориште каде што има остварено улоги во голем број на претстави. На филм дебитирал во 1984 во филмот „Прогон“, а истата година остварува значајни улоги во филмовите „Савамала“ и „Директен пренос“. Голема популарност добива со улогата на Шиља во телевизиската серија „Сиви дом“. После тоа играл улоги во повеќе од 20 филмски и телевизиски серии помеѓу кои се: „Шмекер“, „Свечена обврска“, „Се случи на денешен ден“, „Офицерот со роза“, „Браќа по мајка“, „Битка на Косово“, „Оригинален фалсификат“, „Кажи зошто ме остави“, „Нож“.

Награди и признанија

• Златна арена во Пула за најдобра машка улога во „Офицерот со роза“, 1987.
• Награда на весникот Полет во Пула на Жарко Лаушевиќ и Ксенија Пајиќ за најпоетичен емотивен однос, 1987.
• Награда Цар Константин во Ниш за улогите во филмовите „Офицерот со роза“, „Се случи на денешен ден“ и „Октоберфест“, 1987.
• Награда „Град театар“ за улога во претставата Кањош Мацедоновиќ, 1989.
• Награда Зоран Радмиловиќ за улога во претставата Кањош Мацедоновиќ, 1989.
• Награда „Јован Стерија Поповиќ“ за ликовите Растко Немањиќ и Свети Сава во претставата Свети Сава, 1990.
• Награда на издавачката куќа „Дечје Новине“ за улога во филмот Танго Аргентино, 1992.
• Гран При на Филмски средби во Ниш за улогата во филмот „Подобро од бегство“, 1993.
• Награда на весникот „Новост 8“ за улогата во филмот Кажи зошто ме остави, 1993. године
• Награда во Херцег Нови

Во 2014 година, режисерката Бранка Бешевиќ Гајиќ го снимила документарнот филм „Лауш“, посветен на Жарко Лаушевиќ.