Дарја Домрачева

Од Википедија — слободната енциклопедија
Прејди на прегледникот Прејди на пребарувањето
Белорусија Дарја Домрачева
2018-01-04 IBU Biathlon World Cup Oberhof 2018 - Sprint Women 43.jpg
Лични податоци
Полно имеДарја Владимировна Домрачева
Прекар(и)Даша
Роден(а)3 август 1986 (1986-08-03) (33 г.)
Минск, Белоруска ССР, СССР
Висина1.68 м
СопружникОле Ејнар Бјерндален (в. 2016)
Порталdaryadomracheva.by
Спорт
Земја Белорусија
СпортБиатлон
КлубДинамо Минск
Олимписки игри
Злато 2014 Сочи
Злато 2014 Сочи
Злато 2014 Сочи
Злато 2018 Пјонгчанг
Сребро 2018 Пјонгчанг
Бронза 2010 Ванкувер
Светски првенства
Злато 2012 Руполдинг
10 км потера
Злато 2013 Нове Мјесто
12.5 км мас. старт
Сребро 2008 Естерсунд
мешана штафета
Сребро 2011 Ханти-Мансиск
12.5 км мас. старт
Сребро 2012 Руполдинг
7.5 км спринт
Сребро 2017 Хохфилцен
10 км потера
Бронза 2011 Ханти-Мансиск
4 × 6 км штафета

Дарја Владимировна Домрачева (родена на 3 август 1986 г.) — белоруска биатлонка која се натпреварува во Светскиот куп во биатлон од 2006 година. Таа освоила златен медал на штафетната трка на 4×6 км и сребрен медал во дисциплината масовен старт на Зимските олимписки игри 2018, три златни медали во дисциплините потера, поединечно и масовен старт на Зимските олимписки игри 2014 и бронзен медал на поединечната трка на Зимските олимписки игри 2010.[1] Таа била севкупен победник во Светскиот куп во биатлон во сезоната 2014–15. Покрај олимписките медали, таа има освоено два златни, четири сребрени и еден бронзен медал на Светските првенства во биатлон.

Кариера[уреди | уреди извор]

Домрачева ја започнала својата кариера во скијачко трчање во 1992 година но се префрлила во биатлон во 1999 година. Таа првично настапувала за Русија на младинско ниво, но добила понуда да настапува за Белорусија во 2004 година.[2] Таа се приклучила на белоруската репрезентација во биатлон во 2006 година. Домрачева била победник во дисциплините потера и спринт на светското јуниорско првенство во 2005 година одржано во Контиолахти, Финска. Таа завршила на 40. место на поединечната трка (ѝ паднал диоптерот, и таа пет пати промашила на третото стрелиште).

Домрачева го освоила третото место во потера и четвртото место на поединечната трка на светското јуниорско првенство во 2006 година одржано во Преск Ајл, Мејн, САД. Во 2007 година, таа освоила два сребрени медали на светското јуниорско првенство одржано во Мартело, Италија.[3]

На Зимските олимписки игри 2010 во Ванкувер, таа освоила бронзен медал на трката 15 километри поединечно. Подоцна во истата сезона, на 13 март, таа ја забележала својата прва победа на трка од Светскиот куп, во спринт во Контиолахти, Финска. Следниот ден таа победила и во потера.

Домрачева била прогласена за белоруска спортистка на годината за 2010 година, и исто така ѝ била доделена титулата почесен масјтор за спорт истата година.[2] Во 2014 година, на Домрачева ѝ бил доделен медалот Херој на Белорусија, откако освоила три златни медали на трките потера, поединечно и масовен старт на Зимските олимписки игри 2014.

Во август 2015 година, Домрачева решила да ја прескокне целата натпреварувачка сезона 2015–16 во Светскиот куп, откако и била дијагностицирана мононуклеоза еден месец претходно.[4][5][6] По паузата поради мононуклеозата и бременоста, Домрачева се вратила на трките од Светскиот куп во јануари 2017 година.

На Зимските олимписки игри 2018, таа освоила сребрен медал во масовен старт, и бронзен медал во екипната штафета.

Нејзин тренер бил поранешниот светски и олимписки медалист, Клаус Зиберт.[7]

Светски куп[уреди | уреди извор]

Домрачева била севкупен победник во дисциплините потера и масовен старт во сезоната 2011–12 во Светскиот куп. Истата сезона, таа завршила на второто место во севкупниот пласман, заостанувајќи 28 бодови зад Магдалена Нојнер.

Во сезоната 2010–11, Домрачева била севкуен победник во масовен старт..[8]

Најголем успех во Светскиот куп, Домрачева остварила во сезоната 2014–15, кога ја освоила титулата во светскиот куп со 1092 бодови, 48 бодови повеќе од второпласираната и двократна победничка Кајса Мекерејнен. Истата сезона, таа била севкупен победник во спринт.

Сезона Вкупно Спринт Потера Поединечно Масовен старт
Трки Бодови Место Трки Бодови Место Трки Бодови Место Трки Бодови Место Трки Бодови Место
2006–07 16/27 297 22. место 9/10 164 15. место 6/8 125 15. место 0/4 1/5 8 42. место
2007–08 18/26 226 26. место 10/10 124 18. место 6/8 76 22. место 0/3 2/5 26 34. место
2008–09 23/26 776 7. место 10/10 329 5. место 6/7 214 8. место 3/4 87 14. место 4/5 146 7. место
2009–10 22/25 770 6. место 9/10 283 6. место 5/6 199 4. место 3/4 121 4. место 5/5 140 8. место
2010–11 26/26 862 6. место 10/10 323 7. место 7/7 252 5. место 4/4 51 29. место 5/5 236 1. место
2011–12 26/26 1188 2. место 10/10 471 2. место 8/8 392 1. место 3/3 116 3. место 5/5 250 1. место
2012–13 26/26 924 2. место 10/10 351 2. место 8/8 251 6. место 3/3 122 3. место 5/5 200 2. место
2013–14 20/22 793 3. место 8/9 254 3. место 7/8 296 3. место 2/2 92 2. место 3/3 151 1. место
2014–15 25/25 1092 1. место 10/10 416 1. место 7/7 347 2. место 3/3 139 2. место 5/5 206 3. место
2015–16 Не се натпреварувала поради мононуклеоза[6]
2016–17 16/26 394 24. место 6/9 135 21. место 6/9 161 19. место 2/3 42 26. место 2/5 56 29. место

Резултати[уреди | уреди извор]

Олимписки медали[уреди | уреди извор]

6 медали (4 златни, 1 сребрен, 1 бронзен)

Игри Поединечно Спринт Потера Масовен старт Штафета Мешана штафета
Канада 2010 Ванкувер Бронза 8. место 15. место 6. место 7. место Н/П
Русија 2014 Сочи Злато 9. место Злато Злато 5th
Јужна Кореја 2018 Пјонгчанг 27. место 9. место 37. место Сребро Злато 5. место

Светски првенства[уреди | уреди извор]

Првенство Поединечно Спринт Потера Масовен старт Штафета Мешана штафета
Италија 2007 Разун Антерзелва 13. место 22. место НЗ 5. место 13. место
Шведска 2008 Естерсунд 46. место 25. место 5. место Сребро
Јужна Кореја 2009 Пјонгчанг 11. место 53. место 5. место 6. место 4. место 9. место
Русија 2010 Ханти-Мансиск Не се одржува во олимписка сезона 9. место
Русија 2011 Ханти-Мансиск 19. место 26. место 35. место Сребро Бронза 10. место
Германија 2012 Руполдинг 25. место Сребро Злато 5. место 4. место 6. место
Чешка 2013 Нове Мјесто 33. место 43. место 25. место Злато 7. место 11. место
Финска 2015 Контиолахти 16. место 25. место 7. место 4. место 7. место 4. место
Норвешка 2016 Осло
Австрија 2017 Хохфилцен 13. место 27. место Сребро 19. место 9. место

Наводи[уреди | уреди извор]

  1. Darya Domracheva. sports-reference.com
  2. 2,0 2,1 „Athletes: Darya Domracheva“. sochi2014. конс. 11 February 2014. 
  3. Darya Domracheva. Official Website of the Republic of Belarus. Belarus.by. Retrieved on 19 July 2014.
  4. Olympic champion Darya Domracheva to miss biathlon season“, 5 август 2015 (посет. 8 август 2015 г).
  5. Mononucleosis Hits Darya Domracheva Архивирано 4 March 2016 во Wayback Machine.
  6. 6,0 6,1 Darya Domracheva to Skip 2015–16 Biathlon Season Архивирано 4 March 2016 во Wayback Machine.
  7. „Klaus Siebert: Biathlon is My Life“. International Biathlon Union. 7 January 2012. Архивирано од изворникот на 27 February 2014. конс. 20 March 2014.  Unknown parameter |df= ignored (помош)
  8. IBU official result page Архивирано 1 March 2011 во Wayback Machine.. biathlonresults.com

Надворешни врски[уреди | уреди извор]