Бенигна хиперплазија на простатата

Од Википедија — слободната енциклопедија
Прејди на прегледникот Прејди на пребарувањето
Бенигна хиперплазија на простатата
Benign Prostatic Hyperplasia nci-vol-7137-300.jpg
Дијаграм на нормална простата (лево) и бенигна хиперплазија на простатата (десно)
Специјалност Урологија
Симптоми Често уринирање, тешкотии во иницирање мокрење, слаб млаз на урина, уринарна ретенција, уринарна инконтиненција[1]
Компликации Инфекции на уринарниот тракт, камења во мочниот меур, хронични проблеми со бубрезите[2]
Вообичаена појава Над 40 години[1]
Причинители Нејасни[1]
Ризик-фактори Фамилијарна историја, гојазност, дијабетес тип 2, недоволна физичка активност, еректилна дисфункција[1]
Дијагностички метод Врз основа на симптомите и направениот преглед по отфрлање на други можни причинители[2]
Слични состојби Срцева слабост, дијабетес, рак на простата[2]
Третман Промени во животниот стил, лекови, голем број на процедури, хирургија[1][2]
Лекови Алфа блокатори како теразосин, 5α-редуктаза инхибитори како финастерид[1]
Фреквенција 105 милиони на глобално ниво (2015)[3]

Бенигна хиперплазија на простатата (БХП) е неканцерозно зголемување на простатата.[1] Симптомите може да вклучуваат често уринирање, тешкотии во иницирање мокрење, слаб млаз на урина, уринарна ретенција, или уринарна инконтиненција.[1] Компликации кои можат да настанат се инфекции на уринарниот тракт, камења во мочниот меур и хронични проблеми со бубрезите.[2]

Причината за појава на БХП не е позната.[1] Ризик факторите вклучуваат фамилијарната историја, гојазност, дијабетес тип 2, недоволна физичка активност, и еректилна дисфункција.[1] Лекови како псеудоефедрин, антихолинергици, и блокатори на калциумовите канали може да ги влошат симптомите.[2] Основниот механизам вклучува притискање на уретрата од страна на простатата со што се отежнува протокот на урина од мочниот меур.[1]

Опциите за лекување вклучуваат промени во животниот стил, лекови, голем број на процедури, и хирургија.[1][2] Кај оние со поблаги симптоми се препорачува намалување на телесната тежина, вежбање, и намалување на внесот на кофеин.[2] Кај оние со посериозни симптоми лековите може да вклучуваат алфа блокатори како теразосин или 5α-редуктаза инхибитори како финастерид.[1] Хируршко отстранување на дел од простатата може да се изведе кај оние кај кои нема подобрување на симптомите со останатите мерки.[2]

Околу 105 милиони луѓе во светот имаат БХП.[3] БХП обично започнува по 40-та година.[1] Половина од мажите над 50 години се афектирани.[2] После 80-та година околу 90% од мажите се погодени.[1] Иако нивоата на простата-специфичен антиген можат да бидат покачени кај мажи со БХП, состојбата не го зголемува ризикот за појава на рак на простатата.[4]

Наводи[уреди | уреди извор]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 „Prostate Enlargement (Benign Prostatic Hyperplasia)“. септември 2014. архивирано од изворникот на 4 октомври 2017 г.. https://web.archive.org/web/20171004190055/https://www.niddk.nih.gov/health-information/urologic-diseases/prostate-problems/prostate-enlargement-benign-prostatic-hyperplasia. посет. 19 октомври 2017 г. 
  2. 2,0 2,1 2,2 2,3 2,4 2,5 2,6 2,7 2,8 2,9 Kim, EH; Larson, JA; Andriole, GL (2016 г). Management of Benign Prostatic Hyperplasia. „Annual Review of Medicine“ том  67: 137–51. doi:10.1146/annurev-med-063014-123902. PMID 26331999. 
  3. 3,0 3,1 GBD 2015 Disease and Injury Incidence and Prevalence, Collaborators. (8 октомври 2016 г). Global, regional, and national incidence, prevalence, and years lived with disability for 310 diseases and injuries, 1990–2015: a systematic analysis for the Global Burden of Disease Study 2015.. „Lancet“ том  388 (10053): 1545–1602. doi:10.1016/S0140-6736(16)31678-6. PMID 27733282. 
  4. Chang, RT; Kirby, R; Challacombe, BJ (април 2012 г). Is there a link between BPH and prostate cancer?. „Practitioner“ том  256: 13–6, 2. PMID 22792684. 

Надворешни врски[уреди | уреди извор]

Класификација
П · Р · П
Надворешни извори