Рак на простата

Од Википедија — слободната енциклопедија
Прејди на: содржини, барај

Рак на простата (латински: Carcinoma prostatae) - малигно заболување на простатата.

Фактори на ризик[уреди | уреди извор]

Ракот на простатата е најчестото малигно заболување кај мажите во развиените земји и претставува најголем здравствен проблем кај мажите во втората и во третата животна доба. Оваа болест е најчеста кај мажите на возраст над 70 години, а многу ретко се јавува на возраст под 40 години.
Најчести фактори на ризик за појава на оваа болест се: начинот на исхрана, режимот на живот, пушење, стрес, пиење алкохол, како и наследните фактори. Ако роднина од прво колено (татко или брат) боледувал од рак на простатата, ризикот за појава на оваа болест кај останатите машки членови на семејството се зголемува за двапати.

Дијагностика и терапија[уреди | уреди извор]

За рано откривање на ракот на простатата се препорачуваат редовни годишни уролошки прегледи со ултразвук и анализа на присуството на специфичниот антиген во крвта - PSA (Prostate-specific antigen).
Лекувањето на ракот на простатата вклучува оперативен зафат, придружен со радиотерапија или хемотерапија, како и примена на одредени лекови.[1]

Наводи[уреди | уреди извор]

  1. Ловорка Николовска - Лола, „Препаратот одговара на поставената дијагноза“, Здравје, понеделник, 27 октомври 2014, стр. 19.