Александар Смилевски

Од Википедија — слободната енциклопедија
Прејди на: содржини, барај

Александар Смилевски (Скопје, 17 мај 1939) — македонски архитект.[1].

Биографија[уреди | уреди извор]

Смилевски е роден на 17 мај 1939 година во Скопје, каде што и дипломирал архитектура. Работел во “Бетон”, каде што, ги направил првите чекори во архитектурата и реализирал најголем дел од своите дела. Тој е дел од генерацијата архитекти кои активно се вклучиле во обновата на Скопје по земјотресот во 1963 година. Меѓу неговите најрани остварувања е проектот за станбени кули тип „Б”, кои се дел од Градски ѕид. Ги проектирал уште гимназијата „Орце Николов” во Скопје, станбениот блок „Грозд” и Спомен-домот на културата во Битола, станбени кули во скопски Карпош и Железарница, хотелот „Бетон” во Охрид, станбени објекти во повеќе општини, хотел од висока категорија во Дечани, Косово, а во странство работел и на проект за индустриски објект во Ирак, станбени комплекси во Запорожје, Украина. Престојувал во Русија како стручен координатор за изградба на бензински пумпи и управна зграда на „Југанс нафтегас” во Омск, Сибир. Добитник е на наградата „Андреја Дамјанов” за 2008 година и станува и член на Академијата на архитекти при ААМ[2]. Од 1980 до 1990 бил член на колективното претседателство на ААМ[3].

Наводи[уреди | уреди извор]

  1. „Списание за архитектура“, еПорта, 2008, бр 98 (посет. 27 декември 2009 г). (на македонски)
  2. „„Андреја Дамјанов” во рацете на архитект Александар Смилевски“ (на македонски). еПорта. 2008. http://www.porta3.com.mk/index.php?option=com_content&task=view&id=1253&Itemid=81. посет. 27 декември 2009 г. 
  3. „Организација на ААМ“ (на македонски). ААМ. http://www.aam.org.mk/index.php?option=com_content&task=blogcategory&id=10&Itemid=14. посет. 27 декември 2009 г. 

Надворешни врски[уреди | уреди извор]