Тејлор Фини

Од Википедија, слободната енциклопедија
Прејди на: содржини, барај


Тејлор Фини

Фини на Тур де Романди 2011
Лични податоци
Цело име Тејлор Фини
Роден 27 јуни 1990 (1990-06-27) (22 г.)
Flag of the United States.svg САД
Висина 1,97 м[1]
Маса 82 кг[1]
Податоци за клубот
Мом. клуб БМЦ Рејсинг Тим
Дисциплина Велодромски и друмски велосипедизам
Улога Возач
Вид на возач Хронометар/Специјалист за класици/Спринтер
Професионални клубови
2008–2010
2011–		 Трек-Лајвстронг
БМЦ Рејсинг Тим
Значајни победи
Гранд Тур
Џиро д’Италија
1 индивидуална етапа

Еднодневни трки и класици

Jersey rainbow.svg Светски првак - индивидуален пласман (2009, 2010)
MaillotUSA.PNG Национален хронометарски првак (2010)
Последна промена
13 март 2013

Тејлор Фини (роден на 27 јуни 1990 во Булдер (Колорадо)) е американски велосипедист, специјализиран во велодромскиот велосипедизам, особено во индивидуалниот пласман. Тој е син на поранешниот професионален друмски велосипедист Дејвис Фини и поранешен носител на олимписко злато и лизгачката Кони Карпентер-Фини. Фини вози професионално за UCI World Tour екипата БМЦ Рејсинг Тим[2] и се смета за еден од најдобрите млади возачи во спортот.

Содржина

Кариера [уреди]

Рана кариера [уреди]

Фини започнал со велосипедизам на возраст од 15 во јуниорската екипа на Тим Слипстрим. Во август 2007 го освоил светското јуниорско првенство за хронометар. Оттогаш се натпреварувал на националните и светските првенства за велодромски велосипедизам. Фини завршил седми во индивидуалниот пласман на Летните олимписки игри 2008. Подоцна таа година, на Националното велодромско првенство, тој освоил златни медали на трките на хронометарот од 1 километар, индивидуалниот пласман и екипниот пласман.[3] На 24 септември 2008, Ленс Армстронг објавил дека Фини ќе биде во тимот под 23 години, организиран од Армстронг.[4] На 26 март 2009 го освоил индивидуалниот пласман на Светското велодромско првенство UCI и повторно на 25 март 2010 на Светско велодромско првенство UCI.

Фини на Светското велодромско првенство UCI, каде го освоил златниот медал за индивидуалниот пласман.

На 29 јули 2010 било објавено дека Фини и неговите колеги Џеси Сарџент и Клинтон Авери би можеле да возат на Трката околу Данска за Тим РадиоШек.[5]

БМЦ Рејсинг (2011-денес) [уреди]

Фини ја носи водечката маичка на Џиро д’Италија 2012; водел во генералниот пласман првите три дена по победата на индивидуалниот хронометар.

На 22 септември 2010, екипата БМЦ објавила дека Фини ќе стане дел од БМЦ во 2011, заедно со Кедел Еванс, Џорџ Хинкапи и Алесандро Балан.[6] Првото достигнување на Фини во првата сезона со БМЦ била четвртата позиција на Енеко Тур.

Првичната цел во сезоната 2012 на Фини била воведната етапа на Џиро д’Италиа, кој навистина ја освоил со што ја облекол водечката маичка (maglia rosa), станувајќи само третиот Американец кој успеал во тоа, по Енди Хемпстен во 1988 и Кристијан Ванде Велде во 2008. Потоа, Фини се насочил кон Олимписките игри, настапувајќи на друмската трка и хронометарот и завршил четврти во двете дисциплини. Тргнал на победа на седмата етапа на индивидуален хронометар на САД Про Сајклинг Челинџ. Фини учествувал на Светските друмски првенства 2012. Бил дел од екипата на БМЦ, која го освоила среброто на екипниот хронометар, додека Фини исто така завршил втор зад Тони Мартин во индивидуалниот хронометар.

Фини натпреварувајќи се на олимпискиот хронометар 2012 во Лондон

Во превирањата во аферата Ленс Армстронг-УСАДА, Фини испратил твит-порака, каде му честитал на неговиот колега Стив Камингс за неговата етапна победа на Трката околу Пекинг, велејќи „Тој (Камингс), ме сака, ја следи мојата сопствена политика на не пиење кофеински апчиња и лекови за болки. Најчистиот од чистите!“[7] Подоцна, Фини го објаснил неговиот коментар со што кажал дека иако легалните кофеински апчиња и одредени апчиња за болки биле често користени во групата во текот на трките и дека некои возачи дури ги дробеле и ги мешале во бидоните со вода. Подоцна изјавил дека е целосно против таа практика и допингот општо.[7]

Достигнувања [уреди]

2007
1. Jersey rainbow.svg Светски јуниорски хронометарски првак
1. MaillotUSA.PNG Индивидуална потера Национален велодромски првак
1. Пролог Тур де л’Абитиби
1. Етапа 2 Тур де л’Абитиви
2008
1. Jersey rainbow.svg Светски јуниорски првак - индивидуална потера
1. MaillotUSA.PNG Национален јуниорски првак - индивидуална потера
1. MaillotUSA.PNG Национален јуниорски првак - хронометар 1 км
1. MaillotUSA.PNG Национален јуниорски првак - екипа потера
2009
1. Jersey rainbow.svg Индивидуална потера Светско велодромско првенство UCI
1. MaillotUSA.PNG Национален првак - индивидуална потера
1. MaillotUSA.PNG Национален првак - бодовна трка
1. MaillotUSA.PNG Национален првак - екипна потера
1. Пролог Флеш ду Суд
1. Париз-Рубе под 23 години
2010
1. Jersey rainbow.svg Светски хронометарски првак под 23 години
1. MaillotUSA.PNG Национален хронометарски првак
1. Jersey rainbow.svg Индивидуална потера Светско велодромско првенство UCI
1. Етапа 2b Ле Триптик де Мон ет Шато
1. Етапа 4 Трка околу Гила
1. Краен пласман Трка Олимпија
1. Пролог
1. Етапа 1
1. Етапа 2
1. Етапа 3
1. Париз-Рубе под 23 години
1. Пролог, Трка околу Јута
1. Етапа 3 (ТТТ) Трка околу Јута
1. Пролог Тур де л’Авенир
2011
4. Краен пласман Енеко Тур
1. Пролог
2012
1. Етапа 1 (ITT) Џиро д’Италија
1. Етапа 7 (ITT) САД Про Сајклинг Челинџ
1. Етапа 1 (ТТТ) Џиро дел Трентино
2. (ТТТ) Светски друмски првенства UCI 2012 - екипен хронометар
2. (ITT) Светски друмски првенства UCI 2012 - индивидуален хронометар
3. Хроно де Насионс
4. Олимписка друмска трка
4. Олимписки хронометар
2013
3. Краен пласман Трка околу Катар
1. Jersey white.svg Пласман за млад возач
1. Етапа 2 (ТТТ)
7. Милано-Сан Ремо

Наводи [уреди]

  1. ↑ 1,0 1,1 „Биографија за спортист - ФИНИ Тејлор“. Официјална страница на Олимпијадата Пекинг. http://results.beijing2008.cn/WRM/ENG/BIO/Athlete/8/221568.shtml. 
  2. ↑ „БМЦ Рејсинг Тим (BMC) – USA“. „Светска турнеја UCI“. Меѓународен велосипедистички сојуз. http://www.uciworldtour.com/Modules/SUCI/TEAMS/TeamDetails.asp?id=MTA3&RefDate=03.01.2013&MenuId=MTYzMDE&LangId=1&BackLink=%2Ftemplates%2FUCI%2FUCI2%2Flayout%2Easp%3FMenuId%3DMTYzMDE%26LangId%3D1. проверено на 3 јануари 2013. 
  3. ↑ „Фини постигнал нов велодромски рекорд на патот кон третата национална титула“. cyclingnews.com. http://autobus.cyclingnews.com/track.php?id=track/2008/oct08/USAnationals08/USAnationals083. 
  4. ↑ „Фини избран во тимот на Армстронг“. dailycamera.com. http://www.dailycamera.com/news/2008/sep/24/phinney-tabbed-armstrongs-team/. 
  5. ↑ „Фини, Сарџент и Авери на прва трка за екипата РадиоШек“, velonation.com.
  6. ↑ „БМЦ потпиша со Тејлор Фини“. BMC-racing.com. http://www.bmc-racing.com/int-en/team/news/team/bmc-racing-team-signs-taylor-phinney.html. 
  7. ↑ 7,0 7,1 Shane Stokes. „Taylor Phinney Interview: Getting the pill culture out of the sport“, „Velo Nation“, Velo Nation LLC, 16 октомври 2012 (проверено на 17 октомври 2012).

Надворешни врски [уреди]

Search Wikimedia Commons Заедничката Ризница има податотеки поврзани со:
„Тејлор Фини“
Спортски позиции
Претходник
Дејвид Забриски		 Национален друмски првак 2010
2010		 Наследник
Дејвид Забриски
Алесандро Балан  · Адам Блајт  · Маркус Бургхарт  · Брент Букволтер  · Грег ван Авермет  · Тиџеј ван Гардерен  · Лери Варбас  · Данило Вис  · Кедел Еванс  · Јаник Ејсен  · Филип Жилбер  · Стив Камингс  · Мануел Квинцијато  · Мартин Колер  · Себастијан Ландер  · Клас Лодевик  · Амаел Моанар  · Стив Морабито  · Доминик Нерц  · Даниел Ос  · Марко Пиноти  · Иван Сантаромита  · Тејлор Фини  · Матијас Франк  · Тор Хушовд  · Михаел Шер  · Менаџер: Гевин Чилкот
Нормативна контрола
Преземено од „http://mk.wikipedia.org/w/index.php?title=Тејлор_Фини&oldid=2991518“