Пикардија

Пикардија
Пикардија; Picardie
Земја	Франција
Префектура	Амјен
Департмани	3 Ена ; Оаза ; Сома ;
Управа
• Претседател	Клод Геверк (PS - Социјалистичка партија)
Површина
• Вкупна	19.399 км2 (7,490 ми2)
Население (2007-01-01)
• Вкупно	1.890.000
• Густина	97/км2 (250/ми2)
Часовен појас	CET (UTC+1)
• Лете (ЛСВ)	CEST (UTC+2)
NUTS	FR2
Мреж. место	cr-picardie.fr

Пикардија (француски: Picardie, француски изговор: [pikaʁdi]) е еден од поранешните региони на Франција, сместен во северниот дел на земјата.

Историја[уреди | уреди извор]

Историската провинција Пикардија се протегала северно од Ноајон до Кале, низ целиот департман Сона и северно од департманот Ена. Провинцијата Артоа (областа Арас) ја делела Пикардија од Француска Фландрија.

Денес, современиот регион Пикардија не го вклучува брегот од Берк до Кале, преку Булоња (Булоне), кој денес е во регионот Север-Па де Кале, но ги вклучува краевите (pays) Бовези, Валоа, Ноајон, Лан, Соасоне, Омоа на југ од департманите Ен и Оаза.

Географија[уреди | уреди извор]

Пикардија се протега од долгите песочни брегови на устието на Сома на запад до пространите шуми и пасишта на исток и надолу кон замоците на Шантији или Пјерфон близу до париското подрачје и на југ сè до виноградите на границата со Шампања (Champagne picarde). Регионот се состои од 4 департмани:

Култура[уреди | уреди извор]

Пикардското културно наследство вклучува некои од најубавите готски цркви (Катедралите во Амјен и Буве), изразена локална гастрономија (ficelle picarde, flamiche aux poireaux, tarte au maroilles), пиво и традиционални игри и спортови како longue paume (претходникот на тенисот), како и пикардските танци.

Демографија[уреди | уреди извор]

Според пописите помеѓу 1990 и 1999, населението на Оаза се зголемувало за 0,61% годишно (речиси двојно побрзо од Франција во целина) додека департманот Ена бележи намалување на населението додека пак во Сома сосем малку било во пораст (за 0,16% годишно). Денес, 41,3% од популацијата на Пикардија живее во департманот Оаза.

Администрација[уреди | уреди извор]

Претседател на Регионалниот совет е Клод Геверк, припадник на социјалистите кој е на истата функција од 2004. Од 2008, градоначалник на градот Амјен, главен град на регионот, е социјалистот Жил Демеји.