Црква „Св. Архангели Гаврил и Михаил“ - Враништа

Местоположба
Црква „Св. Архангели Гаврил и Михаил“

Црквата во 2023 година
македонска православна црква
Епархија	Дебарско-кичевска
Архијерејско намесништво	Струшко
Парохија	Вранишка

Координати	41°12′43.21″N 20°39′47″E / 41.2120028° СГШ; 20.66306° ИГД / 41.2120028; 20.66306
Место	Враништа
Општина	Струга
Држава	Македонија
Општи податоци
Покровител	Архангел Гаврил и Архангел Михаил
Изградба	24 мај 2015 година (нова градба)
Завршено	1992 (стара градба)
Архитектонски опис

Црква „Св. Архангели Гаврил и Михаил“ ― црква во селото Враништа. Се наоѓа во северозападниот дел на населеното место, односно десно од патот кој води кон Велешта.

Историја[уреди | уреди извор]

Првично, храмот бил параклис изграден во 1992 година, во кој имало поставени неколку икони.

Камен-темелникот за изградба на новата градба е поставен на 24 мај 2015 година, од парохискиот свештеник Ристе Наумоски и архиерејскиот намесник протоереј ставрофор Илија Танаскоски,а со овластување и благослов на митрополитот Тимотеј. Црквата е целосно изградена и не е осветена.

Влезните врати на новата градба биле изработени во копаничарското ателје на Новица Столески.^[1]

Архитектура[уреди | уреди извор]

Новиот храм претставува мала правоаголна висока градба, со впишан крст со кратки краци во основата. Средишно над наосот е изградена осмострана купола со 4 прозорци. Влезот од западната страна е поткренат со три скалила. Црквата е изградена од бетонска конструкција и обработен камен.