Хебриди

Од Википедија — слободната енциклопедија
Прејди на: содржини, барај
Карта на Хебридите: Внатрешни (розово) и Надворешни (портокалово)

Хебриди (англиски: Hebrides, гелски: Innse Gall) — архипелаг долг околу 200 километри крај западниот брег на Шкотска во Хебридското Море. Овие острови понекогаш се викаат „Западни острови“.

Хебридите се делат на две групи острови:

Архипелагот го сочинуваат околу 500 острови со вкупна површина од 7.285 km². Населени се само 70 до 80 острови. Бројот на жители изнесува 44.759. Во геолошка смисла, карпите на Хебридите се најстари карпи на Британските Острови. Највисокиот врв се наоѓа на островот Скај, и е висок 993 метри.

Мнозинството од говорниците на гелскиот јазик живее на Хебридите, или е по потекло од овие острови. Оттука е необичното галско име на овие острови Innse Gall, што значи „не-гaлски острови“ или „острoви на странците“. Ова име потекнува од времето на Викинзите.

Клима[уреди | уреди извор]

На острoвите владее блага клима под влијание на Голфската струја. Јануарските температури се околу 4-5°C, а 12-16°C во лето. Дождовите се чести, а годишната количина на врнежи е 1.000-1.200 mm. Хебридите се секогаш изложени на јаки ветрови. Просечната брзина на ветровите е преку 20 km/h, а често достигнуваат брзина од 50-85 km/h.

Историја[уреди | уреди извор]

Во најголем дел историјата на Хебридите се поклопува со историјата на Шкотска. Во времето на Кралството Далријада островите ѝ припаѓале на Ирска. Во периодот 572-1266 биле под власт на Норвежаните. Во 10-ти и 11 век овде се јавила мешана галско-нордиска култура. Од 13 век Хербидите биле централен дел на власта на Кланот Доналд. Тоa било шкотско поткралство кое на врвот на својата моќ ја зафаќало Северна Ирска и западниот брег на Шкотска. Малиот остров Јона бил центар на овие територии и традиционално духовно средиште на Шкотска. Христијанството од Ирска се проширило на Шкотска преку овој остров, почнувајќи од 563 година.

Надворешни врски[уреди | уреди извор]