Тодор Скаловски

Од Википедија — слободната енциклопедија
Тодор Скаловски
Тодор Скаловски во 2002 година.
Животописни податоци
Роден(а)21 јануари 1909
Тетово, Македонија
Починал(а)1 јули 2004
Скопје Македонија Македонија
Занимањакомпозитор, хорски и симфониски диригент.

Тодор Скаловски (21 јануари 1909, Тетово - 1 јули 2004, Скопје) — истакнат македонски композитор, хорски и симфониски диригент. Се категоризира во првата генерација македонски повоени композитори. Автор е на голем број вокални, вокалноинструментални и сценски композиции, а покрај творештвото и диригирањето се занимавал со педагошка работа и организација на музичкиот живот во современа Македонија

Животопис[уреди | уреди извор]

Тодор Скаловски

Музичко образование завршил во Белград, а диригентството го усовршувал на Конзерваториумот „Моцартеум“ во Салцбург кај професорот Вилхелм Фуртвенглер. Скаловски бил долгогодишен соработник на Ловро Матачиќ. Основач е, прв шеф-диригент и директор на Македонската филхармонија во 1944. Основач, прв шеф-диригент и директор на Македонската опера, како и прв заменик главен уредник на Македонското Радио. Како долгогодишен организатор на музичкиот живот Скаловски е основач на неколку меѓународни музички фестивали во Македонија, какви што се Охридско лето и посебно биеналниот меѓународен хорски фестивал во Тетово - ТЕХО. Член е на Македонската Академија на Науките и Уметностите, МАНУ од 1972 г. Добитник е на највисоката награда на некогашна С.Ф.Р. Југославија, АВНОЈ, како и највисоката награда на Република Македонија за животно дело, „11 Октомври“ и др.

Тодор Скаловски е познат по креативната употребата на фолклорни мотиви, во неговите композиции. Со употребата на хармонија, тонални и модални системи, и лиризмот тој е сличен на српскиот композитор Мокрањац и македонскиот композитор Трајко Прокопиев, иако во некои дела како „Македонско оро“, Скаловски користи драмски елементи кои се сметаат како музички пандан на „Тешкото“ на Блаже Конески. Тој исто така пишувал и духовна музика.

Најпознати дела[уреди | уреди извор]

  • „Македонско оро“
  • „Македонска хумореска“
  • „Величанија Кирилу и Методију“
  • „Гоце“
  • „Рапсодија 2“
  • „Шарпланинска приспивна“
  • свита „Балтепе“
  • ораториум „Земја, камен“
  • Денес над Македонија“ — музички аранжман на државната химна

Надворешни врски[уреди | уреди извор]