Социологија на македонската национална свест
 Корицата на првото издание на книгата "Македонски работи" | |
| Автор | Славко Милосавлевски |
|---|---|
| Земја | Македонија |
| Јазик | македонски |
| Жанр | социологија, историја |
| Издавач | Култура |
Издадена | 1992 (втор том 1996) |
| Страници | 205 |
| ISBN | 86-317-0069-Х Параметарска грешка во {{ISBN}}: Неважечки ISBN. |
Социологија на македонската национална свест — обемно дело на македонскиот социолог Славко Милосавлевски, издадено во два тома и посветно на социолошкиот развиток на националната свест на Македонците. Самото дело од социолошки аспект и дефинирање на нацијата како од капиталистичката (буржоаска) така и од марксистичко-ленинистичката комунистичка (по Октомвриската револуција) парадигма, ги разгледува појавата и развитокот на македонската национална свест изнесувајќи бројни историски факти, наведувајќи историски настани, случувања и документи во поткрепа на постоењето на засебната македонска национална свест. Првиот том на делото „Социологија на македонската национална свест“ содржи 11 поглавја кои ги опфаќаат: општиот приод кон македонското национално прашање; осврт (пролегомена) за историјата на македонската национала свест; појавата и развитокот на македонската национална свест, Илинден во развитокот на македонската национална свест; славистиката и балканистиката од крајот на XIX век и македонското прашање; бугарскиот, српскиот и грчкиот национализам и развитокот на македонската национална свест; балканските социјалисти и македонското национално прашање; големите европски сили, балканските држави и македонското национално прашање; револуцијата на народите на Југославија и македонското национално прашање; демократијата и тероризмот во стратегијата и тактиката на ВМРО; и специфичности на развитокот на македонската национална свест и развитокот на националната свест кај другите балкански народи.
