Славчо Ковилоски

Од Википедија — слободната енциклопедија
Прејди на прегледникот Прејди на пребарувањето

Славчо Ковилоски (Скопје, 1978) е македонски поет, прозаист, книжевен историчар и културолог[1].

Славчо Ковилоски (2016)

Биографија и творештво[уреди | уреди извор]

Ковилоски е автор на една збирка раскази („Лоша тетка и други раскази“), две монодрами („Синот на Волкашин“ и „На Ножот“), три збирки поезија („Сонцето повторно ќе изгрее“, „Поезија во движење“ и „Барутна поезија“), три романи („Опасен сум“, „Сонување“ и „Синот на Кралот“) и повеќе монографии од областа на книжевноста, историјата и културологијата.

Со свои дела е застапен во повеќе списанија во Македонија и во странство, како и во повеќе антологиски избори на поезија и проза во Македонија, Хрватска, Бугарија, Србија, Полска, Албанија и Босна и Херцеговина.

Има преведувано дела од хрватски, бугарски и српски јазик на македонски јазик.

Делови од неговото творештво, како и романите „Опасен сум“ и „Синот на Кралот“ и збирката „Лоша тетка и други раскази“ се преведени на повеќе европски јазици.

Член е на Хрватското книжевно друштво, на Здружението на историчарите на Република Македонија и на Друштвото за наука, култура и уметност од Прилеп.

Добитник е на повеќе награди, меѓу кои: награда за наука „3 Ноември“, „Прозни мајстори“[2] и „Јован Котески“[3]. Во 2018 година ја добил најголемата државна награда „Гоце Делчев“ за особено значајно остварување од интерес на Република Македонија од областа на науката за монографијата „Прилеп и Прилепско во XIX век (културно-историски процеси)“.[4]

Бил главен и одговорен уредник на списанието за литература, култура и уметност „Современост“.

Работи во Институтот за македонска литература при Универзитетот „Св. Кирил и Методиј“ во Скопје, каде во 2017 г. одбранил докторска дисертација.

Наводи[уреди | уреди извор]

  1. „Славчо Ковилоски“. Блесок. декември, 2015. http://www.blesok.com.mk/avtor.asp?lang=mac&id=1510#.Ws5B-y5ubIU. посет. 2018 г. 
  2. „Награда „Прозни мајстори“ за Славчо Ковилоски, Гоце Ристовски и Петко Шипинкаровски“. а1он. 13 декември 2013. https://a1on.mk/archives/252258. 
  3. „Славчо Ковилоски, добитник на наградата „Јован Котески““. Мета. 21 мај 2015. http://meta.mk/slavcho-koviloski-dobitnik-na-nagradata-jovan-koteski/. 
  4. Наградата „Гоце Делчев“ за редок труд за културното богатство на Прилеп - Нова Македонија“, „Нова Македонија“, 5 мај 2018. (на mk-MK)