Клан Исток

Од Википедија — слободната енциклопедија
Прејди на прегледникот Прејди на пребарувањето

Клан Исток е македонска хип хоп група, формирана во 2000 година.

Фотографија од Клан Исток, направена во Арена Рекордс (Скопје) во 2018 година

Членови[уреди | уреди извор]

Членовите на групата кој го издаде првиот албум го објави во 2005 година под насловот „Првиот удар“ се: Профо (Славчо Ковилоски), Човекот Х (Стојан Kаевски), Братот Алек

(Александар Ковилоски), Деко (Дејан Методијески) и Маријачи.

Првиот удар[уреди | уреди извор]

Албумот беше објавен во 2005 година. Од овој албум произлегоа сингловите: „Рапери во криза“, „Од Скопје до Софија“, „Пријател“ и „Кој е кој“. Описот на албумот од медиумите беше оквалификуван како: „Првиот удар на хип хоп кулурата“.[1]

Отворена сезона[уреди | уреди извор]

По неколкугодишна пауза, во која членовите на групата објавија свои соло албуми, во 2013 година Кланот Исток го издаде вториот албум „Отворена сезона“. На албумот работеа Братот Алек, Деко, Човекот Х и Профо, заедно со продуцентот Мац А.Д[2].

Активности на групата[уреди | уреди извор]

Во својата биографија, Кланот Исток ги има впишано неколкуте гостувања во Србија и Бугарија, како и повеќе настапи во Македонија (МКЦ, Б2, Кастро)[3][4].

Групата има настапувано како предгрупа на членот на легендарните Wu Tang ClanRZA, била предгрупа на познатиот американски рапeр Jeru The Damaja, учесник на Балканскиот хип хоп фестивал. Таа е една од ретките групи на почетокот на новиот милениум кои снимале спот на филмска лента.

Како членови на Клан Исток, Профо и Братот Алек имале повеќе активности за збогатување на македонската урбана култура со одржување на предавања за хип хоп и урбаната култура ширум државата во Скопје (Филозофски факултет, American Corner-Скопје, Точка, гимназиите „Јосип Броз“ и „Орце Николов“), Битола, Струга и на други места.

Лирики[уреди | уреди извор]

Главна тема во нивните песни се хардкор рап актови и социјалниот активизам, иако не се изоставени и други теми. Групата често повикуваше на промена на македонскиот политички систем, опишувајќи го како кревок, кршлив, лажен и корумпиран. Покрај песните кои во себе имаа социјална нитка, во некои песни интерес на членовите на групата се и забавите и друштвениот живот.

Наводи[уреди | уреди извор]

  1. Петровски, Димитар (24 јуни 2005 година г). Првиот удар на хип-хоп културата. „Антена“ том  број 367. 
  2. Клан Исток ќе промовираат албум“, „МКД.мк“. (на mk)
  3. Хип-хоп журка со Клан Исток“, „Вечер“. (на mk)
  4. М.А.Н. по четврти пат ќе ја обединат домашната алтернативна сцена“, „Радио МОФ“, 10 јуни 2018. (на en-US)