Рајко Митиќ

Од Википедија — слободната енциклопедија
Прејди на прегледникот Прејди на пребарувањето
Рајко Митиќ
Rajko Mitić (1970).jpg
Митиќ пристигнува на Аародромот Шипхол во Амстердам на 8 Октомври 1970 година пред натпреварот за квалификациите за УЕФА Еуро 1972 против Холандија
Лични податоци
Роден на 19 ноември 1922(1922-11-19)
Роден во Бела Паланка, Кралство СХС
Починал на 29 март 2008(2008-03-29) (воз. 85 г.)
Починал во Белград, Србија
Позиција Напаѓач
Младинска кариера
1937–1938 Кошутњак
Кариера*
Години Клуб Наст. (Гол.)
1938–1944 БСК
1945–1957 ФК Црвена Ѕвезда 572 (262)
Репрезентација
1946–1957 СФР Југославија 59 (32)
Раководител на екипите
1960–1966 ФК Црвена Ѕвезда
1966–1970 СФР Југославија
  • Сениорските учества и голови се сметаат само за домашни натпревари.
† Учества (Голови).

Биографија[уреди | уреди извор]

Митиќ започнал да игра фудбал на ливадите на белградската населба Кошутњак, а продолжил во истоимениот клуб, кој се натпреварувал во третата лига на Белград. Во летото 1938 година, станал член на младинската екипа на БСК, а две години подоцна дебитирал и за сениорскиот состав во пријателски натпревар против ФК „Земун“.

Црвена ѕвезда[уреди | уреди извор]

Митиќ со Јосип Броз Тито во 1960 година

Втората светска војна го забавила неговиот спортски развој, но во 1944 година, како борец на инженерската бригада на НОВ] заедно со Предраг Ѓаиќ и Језеркиќ, продолжил да игра фудбал сè до основањето на Црвена Ѕвезда (4 март 1945) при што бил нејзиниот прв капитен. Оттогаш, тој настапувал за клубот во текот на 14 првенствени сезони, како еден од најдобрите играчи во историјата на Црвена Ѕвезда. Одиграл вкупно 572 натпревари (од кои 220 првенствени и 39 во Купот на Југославија) и постигнал 262 голови. Како капитен, Митиќ пет пати ги предводел „црвено-белите“ до освојување на тутула во Југославија: 1951, 1953, 1956, 1957 и 1959 година. На 21 декември 2014 година, управата на ФК Црвена Ѕвезда донесла одлука за преименување на стадионот во Стадион „Рајко Митиќ“.

Репрезентација[уреди | уреди извор]

Во текот на единаесетгодишното играње за СФРЈ, Митиќ најпрвин имал три настапи за младинската репрезентација (1940—1941), а потоа забележал 59 настапи за сениорската селекција. Дебитирал на првиот меѓудржавен натпревар по Втората светска војна, одигран на 9 мај 1946 година, против Чехословачка (2:0) во Прага. На овој натпревар, само Митиќ, Фране Матошиќ и Плеше биле предвоени репрезентативци, додека другите биле дебитанти. На оваа средба, Митиќ го постигнал првиот гол за репрезентацијата. До крајот на неговата репрезентативна кариера постигнал 32 гола, со што се наоѓа на петтото место на списокот на најдобрите стрелци во историјата на југословенската фудбалска репрезентација, по Бобек (38), Милан Галиќ (37), Благое Марјановиќ (36) и Саво Милошевиќ (35).

Наводи[уреди | уреди извор]

Надворешни врски[уреди | уреди извор]