РЕК „Битола“

Од Википедија — слободната енциклопедија
(Пренасочено од РЕК Битола)
Прејди на: содржини, барај
Поглед на комбинатот РЕК Битола

Рударско-енергетскиот комбинат Битола или скратено РЕК Битола е најголемата подружница во составот на АД Електрани на Македонија и се наоѓа на периферијата од Пелагонија, во општината Новаци во близина на Битола. Комбинатот, чија основна дејност е производство на електрична енергија и јаглен, е најголем во системот на македонското електростопанство и е составен од две производствени единици: ПЕ Рудници (Суводол и Брод Гнеотино) и ПЕ Термоелектрана.

Историјат[уреди | уреди извор]

Производството во комбинатот е започнато во 1980 година, со ископ на јаловина од првиот БТО систем (багер, трака, одлагач), а првите киловат-часови електрична енергија се добиени во 1982 година кога во работа е пуштен првиот од трите блока на електраната. Производството го овозможуваат три блока чија моќност со реконструкција во 1994 година е зголемена за дополнителни 15 мегавати по блок или за вкупно 45 мегавати.

Во 2009 година започнала модернизацијата на турбините и генераторите на РЕК Битола (извршена од страна на руската фирма „Силовие машини“), која завршила во 2013 година, со што дотогашната инсталирана моќност од 675 мегават часови била зголемена за 25 мегават часови.[1] Паралелно со тоа, во 2011 година бил склучен договор со германската фирма „Бабкок Борсиг“ за ревитализација на котлите со цел да се продолжи векот на експлоатација на термоелектраната за 120.000 работни часови, но овој проект не бил довршен поради спор меѓу двете страни.[2] Иако за овој проект бил обезбеден кредит во износ од 80 милиони евра, „ЕЛЕМ“ го раскинал договорот со „Бабкок Борсиг“, така што модернизацијата на котлите останала недовршена. Единствено, во текот на 2012 и 2013 година се извршила модернизација на котлите 2 и 3, при што се намалиле емисиите на азотни оксиди, согласно стандардите за животна средина на ЕУ. Меѓутоа, со оваа модернизација не било остварено планираното зголемување на нивниот капацитет.[3]

Производство[уреди | уреди извор]

Сиот овој потенцијал во РЕК Битола овозможува над 70% учество на комбинатот во вкупното производство на електрична енергија во електроенергетскиот систем. Во 2005 година, производството на електрична енергија во РЕК Битола достигнало 5.007 гигават часови, но веќе во наредната година производството паднало на 4.691 гигават час, а дното било достигнато во 2015 година, кога производството изнесувало само 3.138 гигават часови.[4]

Локација Новаци, Битола
Број на единици 3
Тип на гориво јаглен
Година на започнување со работа 1982/1984/1988
Парен котел

Тип

Произведувач

Капацитет

p-65 

ZIO-Podoljsk, Русија

700t/h

Парна турбина

Тип

Произведувач

Снага

K-210-130-3 

LMZ, Русија 

233 MW

Генератор

Тип

Произведувач

Снага

TBB-200-2A 

Elektrosila, Русија 

247 MVA

Ладилна кула 3

Надворешни врски[уреди | уреди извор]

Наводи[уреди | уреди извор]

  1. „ЕЛЕМ фрли половина милијарда евра во РЕК Битола, а производството на струја драматично паѓа!“, Фокус, број 1097, 14 октомври 2016, стр. 14.
  2. „ЕЛЕМ фрли половина милијарда евра во РЕК Битола, а производството на струја драматично паѓа!“, Фокус, број 1097, 14 октомври 2016, стр. 15.
  3. „ЕЛЕМ раскинал милионски договор, ќе заврши на суд“, Слободен печат, година V, број 996, понеделник, 20 февруари 2017, стр. 8.
  4. „ЕЛЕМ фрли половина милијарда евра во РЕК Битола, а производството на струја драматично паѓа!“, Фокус, број 1097, 14 октомври 2016, стр. 16.