Папагаловидни
| Папагали Период: ран еоцен[1] – денес | |
|---|---|
| |
| Сино-жолта ара во лет | |
| Научна класификација | |
| Царство: | Животни |
| Колено: | Хордови |
| Класа: | Птици |
| Инфракласа: | Нововилични |
| Надред: | Нови птици |
| Ред: | Папагали Wagler, 1830 |
| Натсемејства | |
|
новозеландски папагали (Strigopoidea) | |
| |
| Распространетост на папагалите, сите видови (црвено) | |
Папагали (науч. Psittaciformes) — птици од приближно 398 вида[2] во 92 рода кои најчесто се најдени во тропските и суптропските предели. Редот е поделен на три натсемејства: Psittacoidea (вистински папагали), Cacatuoidea (какадуа) и Strigopoidea (новозеландски папагали). Една третина од сите видови папагали се загрозени, со поголем ризик од која било друга споредлива група на птици.[3] Папагалите имаат генерално пантропска дистрибуција со неколку видови кои живеат во умерени региони на јужната хемисфера. Најголема разновидност на папагали има во Јужна Америка и Австралија.
Главни карактеристики на папагалот се силен и закривен клун, исправен став, силни нозе и нокти со зигодактилни стапала (два прста поставени нанапред и два наназад). Многу папагали имаат разни шари и бои. Повеќето папагали покажуваат малку или воопшто немаат сексуален диморфизам. Најважните компоненти на исхраната на повеќето папагали се семе, ореви, овошје, цветни пупки и друг растителен материјал. Неколку видови понекогаш јадат животни и мрши, додека други се специјализирани за исхрана со цветен нектар и меки плодови. Скоро сите папагали се гнездат во шупливи делови од дрва, и несат бели јајца од кои се изведуваат беспомошни млади.
Папагалите, заедно со гаврани, врани, сојки и страчки, се едни од најинтелигентните птици, а способноста на некои видови да го имитираат човечкиот говор ја зголемува нивната популарност како домашни миленици.
Класификација[уреди | уреди извор]
Натсемејство Strigopoidea: папагали од Нов Зеланд
- Семејство Nestoridae: два рода со два живи вида (кеа и Новозеландска кака) и неколку изумрени видови
- Семејство Strigopidae: еден род со еден вид (какапо)
Натсемејство Cacatuoidea: какаду
- Семејство Cacatuidae
- Потсемејство Nymphicinae: еден род со еден вид (нимфа)
- Потсемејство Calyptorhynchinae: црни какаду
- Потсемејство Cacatuinae
- Племе Microglossini: еден род со еден вид (голем црн какаду)
- Племе Cacatuini: четири родови oд бели, розови и сиви видови
Натсемејство Psittacoidea: вистински папагали
- Семејство Psittacidae
- Потсемејство Psittacinae: два африкански родови, Psittacus и Poicephalus
- Потсемејство Arinae
- Племе Arini: 18 родови
- Племе Androglossini: 7 родови
- Семејство Psittaculidae
- Потсемејство Psittrichasinae: еден род со еден вид, Дракула папагал
- Потсемејство Coracopsinae: Васа папагали
- Потсемејство Platycercinae
- Племе Pezoporini: земни папагали и слично
- Племе Platycercini: широкоопашни папагали
- Потсемејство Psittacellinae: тигрести папагали
- Потсемејство Loriinae
- Племе Loriini: лори и лорикити
- Племе Melopsittacini: еден род со еден вид (тигрица)
- Племе Cyclopsittini: смоквини папагали
- Потсемејство Agapornithinae: три рода
- Потсемејство Psittaculinae
- Племе Polytelini: три рода
- Племе Psittaculini: азиски папагали
- Племе Micropsittini: пигми папагали
Морфологија[уреди | уреди извор]
Големината на живите видови има голема варијација. Најмалиот постоечки папагал е Micropsitta pusio со тежина под 10г и должина од 8 сантиметри, а најголемиот е зумбуловата ара која е долга 1м. Најтешкиот папагал е какапо, кој може да стигне 4,0кг.
Наводи[уреди | уреди извор]
- ↑ Waterhouse, David M. (2006). „Parrots in a nutshell: The fossil record of Psittaciformes (Aves)“. Historical Biology. 18 (2): 223–234. doi:10.1080/08912960600641224.
- ↑ „Parrots, cockatoos – IOC World Bird List“ (англиски). Посетено на 2021-01-19.
- ↑ Olah, George; Butchart, Stuart; Symes, Andy; Medina Guzmán, Iliana; Cunningham, Ross; Brightsmith, Donald; Heinsohn, Robert (2016-01-21). „Ecological and socio-economic factors affecting extinction risk in parrots“.