Оливер Андонов

Од Википедија — слободната енциклопедија
Прејди на прегледникот Прејди на пребарувањето
Оливер Андонов
Министер за внатрешни работи
На должноста
1 септември 2016 – 2 септември 2016
Претседател Ѓорге Иванов
Премиер Емил Димитриев
Претходник Митко Чавков
Наследник Оливер Спасовски
Лични податоци
Роден(а) 27 февруари 1971[1]
Скопје
Занимање политичар
Вероисповед православна
Македонец

Оливер Андонов (р. 27 февруари 1971[1] во Скопје) — македонски политичар и поранешен Министер за внатрешни работи на Република Македонија. Оваа функција ја извршувал само еден ден,[2][3] односно во периодот од 1 септември 2016 година до 2 септември 2016 година.

Образование[уреди | уреди извор]

Оливер Андонов е роден во Скопје, но живеел во Крива Паланка, каде завршил основно образование, додека средно образование завршил на Военото училиште во Сараево.[2][3] и се стекнува со подофицерски чин водник. Стапува на служба во ЈНА на 15 јули 2989 година.[1]

Во 1999 година дипломирла на Институтот за одбрана при Филозофскиот факултет на универзитетот „Св. Кирил и Методиј“ и се стекнува со звањето професор по одбрана-дефендолог[1] Студиите ги завршува со прсечна оценка 7,74.[1]

Во 2007 година на магистрирал на последипломските студии по одбрана, безбедност и мир и развој во насоката мир и развој на тема „Етнополитичката мобилизација и нејзиното влијание врз конфликтниот процес во Република Македонија“. [1] Студиите ги завршува со прсечна оценка 9,25.[1]

Во 2010 година станува и доктор на науки одбранувајќи ја дисертацијата на тема „Моделот на рано предупредување на ЕУ и неговото влијание врз безбедносната политика на РМ“ на Институтот за безбедност, одбрана и мир на Филозофскиот факултет на Универзитетот „Св.Кирил и Методиј” во 2010 година на тема[2][4][1]

Како резултат на своето континуираното образование д-р Оливер Андонов зборува Српски, Бугарски и Англиски јазик, се користи со компјутер во word, excel, power point.[1]

Професионална кариера[уреди | уреди извор]

По завршувањето на средното училиште започнува да работи во кумановскиот гарнизон на АРМ како командир на топографско одделение. Потоа работи и како командир на извидувачки вод во артилериска дивизија.[2] Во периодот од 1992 година до 2004 година, има работено на повеќе командни и штабни должности во АРМ во гарнизоните Куманово, Штип и Скопје.[1]

Во 2003 година започнува да работи во Воената академија како командир на вод и предавач. Во 2006 бил преместен во МВР како главен инспектор на криминалиситичката полиција.[2]

Од 2004 до крајот на 2009 година, има работено на повеќе должности во МВР во граничната полиција и криминалистичката полиција во Секторите за внатрешни работи во Скопје и Куманово.[1]

Во периодот од 2007 до 2009 година покрај работата во криминалистичката полиција Оливер Андонов ангажиран е како насловен асистент по предметот разрешување на конфликти на Факултетот за безбедност во Скопје на Универзитетот „Св. Климент Охридски” од Битола.[1]

По напуштањето на службата во МВР започнува да работи како асистент на Европскиот универзитет во Скопје како асистент по предметите „Обука во стрелање со лично оружје“, „Разрешување на конфликти“, „Детективска тактика во летни услови“ и „Обука во стрелање со лично оружје-2.“[4][5]

Потоа е избран за доцент на МИТ Универзитетот. Андонов вели дека додека работел на овој универзитет тој постојано бил објект на мобинг од страна на директорката Билјана Апостолова.[2]

Од 2009 до 2011 година е асистент по предметите разрешување на конфликти и обука во стрелање со л/о, како и наставник под менторство по предметот детективска тактика во летни услови, на Европскиот универзитет во Скопје на Факултетот за детективи и криминалистика.

Во текот на 2011 година Државниот просветен инспекторат врши контрола на работата на МИТ Универзитетот и при тоа неговиот избор за доцент е поништен во врска со ова Андонов вели:

На мое барање Просветниот инспекторат изврши контрола на МИТ и точно е дека ја поништи одлуката за избор во доцент од 2011 година, но јас за тој избор не сум виновен, туку комисијата која можела со ваквата одлука да им направи штета на студентите и да предизвика ситуација да се поништуваат потписи и оценки, до што, за среќа, не дојде. Сепак, инспекторатот го потврдува мојот избор за доцент од 2013 година кој е во рамки на процедурата, со звање стекнато пред законските измени кои бараат просек од студиите и со кое се вработив на Воената академија. Законот не може да важи ретроактивно, туку овие законски измени ќе важат доколку конкурирам за вонреден професор, што е следна фаза, но за тоа звање нема услов за просек, туку научна работа, а имам издадено трудови во голем број.“[2] На овој универзитет работи до 2016 година.[2]

Потоа е избран за доцент на Воената академија на катедрата по безбедност. Само неколку месеци по овој избор академската работа ја става во мирување поради тоа што е избран за министер за внатрешни работи.[2] Во мај 2017 година избран е за вонреден професор на Воената академија.[1]

Политичка кариера[уреди | уреди извор]

Бил член на ВМРО-Народна (на Љубчо Георгиевски) од каде, со текот на времето, многу луѓе преминале во ВМРО-ДПМНЕ.[2]

Пред да биде избран на функцијата министер (и заменик министер) Андонов бил еден од најгласните бранители на политиките на ВМРО-ДПМНЕ.[3][6]

По повод аболицијата на председателот Иванов од 22 април 2016[7] година Андонов изјавува:

Би порачал дека нашиот евроатлански просперитет не е загрозен од нашата внатрешна ситуација, туку од конкретна земја – членка[8]

При расправата во Собранието (на 1 септември 2016) за предлогот на Владата Оливер Андонов да биде избран за министер на внатрешни работи тогашниот председател Емил Димитриев вели:[9][10]

Се работи за поранешен припадник на АРМ, потоа на МВР, а во делот на науката, сите негови постдипломски и докторски студии се во областа на безбедноста. Се работи за човек кој покрај тоа што работел во МВР, со својот научен кредибилитет и постигнувања во безбедноста ќе даде максимум за што е можно попрофесионално извршување на функцијата министер за внатрешни работи[9][10][11]

Истата вечер со 65 гласови Оливер Андонов е изгласан за нов министер за внатрешни работи.[11] Во текот на извршувањето на функцијата министер за внатрешни работи Андонов стигнал да се фотографира во кабинетот.[3] Оливер Андонов по крајот на мандатот како Министер за внатрешни работи на Република Македонија бил именуван за заменик министер.[2]

Неколку дена пред настаните на 27 април 2017 (види: Упад во Собранието на Македонија) поставен е за директор на ЈП „Јасен.“[12][13] Според изворите назначувањето е извршено еден ден откако огласот е објавен:[13][14][15]

Назначувањето на Андонов за директор на Јасен доаѓа во време кога неделникот Фокус објави дека токму резерватот Јасен ќе биде место од каде ќе се командува со апсење на пучистите, откако во земјава ќе биде прогласена воена состојба. Според сценариото што го објавува неделникот, постои план шефот на државата Ѓорге Иванов да прогласи вонредна состојба доколку мнозинството во парламентот избере спикер што би водело кон избор на нова влада. За да се спречи таквиот развој на настаните – се разработело сценарио за прогласување на вонредна состојба.[13]

На функцијата директор на ЈП „Јасен“ тој, според изјавата која ја има дадено за неделникот Фокус (на 24 април 2017) тој бил поставен без да биде консултиран:[16]

Не знам дали сум поставен за директор, кога ќе добијам документ дека сум именуван тогаш ќе можам да зборам, се дотогаш е се во сфера на шпекулации. Треба да видам, да идам таму да се јавам, некој можеби ме предложил, тие институции функционираат со Управен одбор. Кога ќе добијам таква одлука ќе коментирам[16][17]

Еден ден пред Упадот во Собранието, на 27 април 2017 во однос на пишувањата по медиумите дека резерватот Јасен ќе биде местото од каде ќе се командува по прогласувањето на воената состојба за Радио Слободна Македонија Андонв вели: [18][19]

Небулозни спинови кои имаат за цел да предизвикаат страв кај граѓаните.“
и
Понекогаш опозицијата... односно више не знаме и дали се опозиција бидејќи така се однесуваат чудно луѓето. Ке бидам поконкретен, Социјалдемократскиот сојус и неговите медиуми спинуваат тотални измислици за тоа дека нешто посебно се случува, во јасновта..“[18]

Литература[уреди | уреди извор]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 (10 мај 2017). „Р Е Ф Е Р А Т ЗА ИЗБОР НА НАСТАВНИК ВО НАУЧНОТО ПОДРАЧЈЕ: ОПШТЕСТВЕНИ НАУКИ, НАУЧНО ПОЛЕ: ОДБРАНА, НАУЧНА ОБЛАСТ: ЕТИОЛОГИЈА НА ЗАГРОЗУВАЊЕ НА ВОЕНАТА АКАДЕМИЈА „ГЕНЕРАЛ МИХАЈЛО АПОСТОЛСКИ“ ВО СКОПЈЕ ПРИ УНИВЕРЗИТЕТОТ „ГОЦЕ ДЕЛЧЕВ“ ШТИП“. Воена академија „Генерал Михајло Апостолски“, Скопје. http://www.ma.edu.mk/wp-content/uploads/%D0%91%D0%98%D0%9B%D0%A2%D0%95%D0%9D-73.doc_VA_2017.pdf. посет. 25 ноември 2018 г. 
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 (13 јули 2017). „Архива: Академската кариера на Оливер Андонов – доцент со слаб просек“. Медиа плус Фокус“ ДООЕЛ. https://fokus.mk/arhiva-akademskata-ikariera-na-oliver-andonov-dotsent-so-slab-prosek/. посет. 11 ноември 2018 г. 
  3. 3,0 3,1 3,2 3,3 3,4 (25 септември, 2016). „Колку вреди Оливер Андонов?“. Фактор Портал ДОО Скопје. https://faktor.mk/kolku-vredi-oliver-andonov-. посет. 11 ноември 2018 г. 
  4. 4,0 4,1 4,2 (14 февруари 2011). „Оливер Андов поставен за директор на ЈП „Јасен““. Вечер.мк. https://vecer.mk/makedonija/chovekovata-bezbednost-vo-sovremeniot-svet. посет. 12 ноември 2018 г. 
  5. 5,0 5,1 (22 февруари 2017). „Со криминалот ќе се справуваат и детективки“. Вечер.мк. https://vecer.mk/makedonija/so-kriminalot-kje-se-spravuvaat-i-detektivki-0. посет. 12 ноември 2018 г. 
  6. 6,0 6,1 (2 септемви 2013). „Андонов стана министер за внатрешни, се сликаше и веќе не е министер“. МКД.мк. https://www.mkd.mk/makedonija/politika/andonov-stana-minister-za-vnatreshni-se-slikashe-i-vekje-ne-e-minister. посет. 11 ноември 2018 г. 
  7. 7,0 7,1 (13 април 2016). „Листа на помилувани од Иванов“. Вечер.мк. https://www.mkd.mk/makedonija/politika/lista-na-pomiluvani-od-ivanov. посет. 12 ноември 2018 г. 
  8. 8,0 8,1 (23 април 2016). „Андонов: Странскиот фактор сака да ја искористи кризата“. Вечер.мк. https://vecer.mk/makedonija/andonov-stranskiot-faktor-saka-da-ja-iskoristi-krizata. посет. 12 ноември 2018 г. 
  9. 9,0 9,1 9,2 (1 септември 2016). „Димитриев: Андонов е човек со кредибилитет и максимално професионално ќе ја извршува функцијата“. metpress.com.mk. https://netpress.com.mk/dimitriev-andonov-e-covek-kredibilitet-maksimalno-profesionalno-ke-ja-izvrsuva-funkcijata/. посет. 13 ноември 2018 г. 
  10. 10,0 10,1 10,2 (1 септември 2016). „Димитриев: Андонов е човек со кредибилитет и максимално професионално ќе ја извршува функцијата“. Република.мк. https://republika.mk/647872. посет. 13 ноември 2018 г. 
  11. 11,0 11,1 11,2 (1 септември 2016). „Оливер Андонов е нов министер за внатрешни работи“. NETPRESS.COM.MK. https://netpress.com.mk/oliver-andonov-e-nov-minister-za-vnatresni-raboti/. посет. 13 ноември 2018 г. 
  12. 12,0 12,1 (24 април 2017). „Човековата безбедност во современиот свет“. А1он.мк. https://a1on.mk/archives/731300. посет. 12 ноември 2018 г. 
  13. 13,0 13,1 13,2 13,3 „Оливер Андонов нов директор на ЈП Јасен?“. Телевизија 24. 24 април 2017. https://www.24.mk/oliver-andonov-nov-direktor-na-jp-jasen?quicktabs_popularna_sodrzina=1. посет. 12 ноември 2018 г. 
  14. 14,0 14,1 „Андонов и официјално именуван за директор на Јасен“. Радио Слободна Европа. 26 април 2017. https://www.slobodnaevropa.mk/a/28452649.html. посет. 12 мај 2017 г. 
  15. 15,0 15,1 „Оливер Андонов е именуван за директор на резерватот “Jaсен”“. „Alsat M“. 26 април 2017. https://www.alsat-m.tv/mk/%d0%be%d0%bb%d0%b8%d0%b2%d0%b5%d1%80-%d0%b0%d0%bd%d0%b4%d0%be%d0%bd%d0%be%d0%b2-%d0%b5-%d0%b8%d0%bc%d0%b5%d0%bd%d1%83%d0%b2%d0%b0%d0%bd-%d0%b7%d0%b0-%d0%b4%d0%b8%d1%80%d0%b5%d0%ba%d1%82%d0%be%d1%80/. посет. 13 ноември 2017 г. 
  16. 16,0 16,1 16,2 „Андонов: Не знам дали сум нов директор на „Јасен““. „Медиа плус Фокус“ ДООЕЛ, издавач на неделникот „Фокус“. 26 април 2017. http://fokus.mk/andonov-ne-znam-dali-sum-nov-direktor-na-jasen/. посет. 13 noemvri 2017 г. 
  17. 17,0 17,1 (24 април 2016). „Андонов: Не знам дали сум нов директор на „Јасен““. Вечер.мк. https://www.libertas.mk/andonov-ne-znam-dali-sum-nov-direktor-na-jasen/. посет. 13 ноември 2018 г. 
  18. 18,0 18,1 18,2 (26 април 2016). „Андонов: Фимските сценарија се дегутантни, Јасен останува природен резерват“. Радио Слободна Македонија. https://www.youtube.com/watch?v=91cZiJt71nc&feature=youtu.be. посет. 13 ноември 2018 г. 
  19. 19,0 19,1 (26 април 2016). „Андонов: Филмските сценарија се дегутантни, „Јасен“ останува природен резерват“. Република.мк. https://republika.mk/767013. посет. 13 ноември 2018 г. 
Политички функции
Претходник
Митко Чавков
Министер за внатрешни работи на Македонија
2016
Наследник
Оливер Спасовски