Кремница

Од Википедија — слободната енциклопедија
Прејди на прегледникот Прејди на пребарувањето
Кремница
Град
Kremnica v zime.jpg
Кремница во зима
Грб на Кремница
Грб
Кремница is located in Словачка
Кремница
Кремница
Местоположба во Словачка
Координати: 48°41′59″N 18°54′57″E / 48.69972° СГШ; 18.91583° ИГД / 48.69972; 18.91583Координати: 48°41′59″N 18°54′57″E / 48.69972° СГШ; 18.91583° ИГД / 48.69972; 18.91583
Држава Словачка
КрајБанскобистрички
ОкругЖјар на Хрон
Првпат спомнат1328 г.
Управа
 • ГрадоначалникАлександр Ференчик
Површина
 • Вкупна43,13 км2 (1,665 ми2)
Надм. вис.&10000000000000550000000550 м
Население (31.12.2015)5.419
 • Густина125,64/км2 (32,540/ми2)
Часовен појасCET (UTC+1)
 • Лете (DST)CEST (UTC+2)
Поштенски факс96701
Повик. бр.+421-45
Регист. табличкиZH
Мреж. местоwww.kremnica.sk

Кремница (германски: Kremnitz, унгарски: Körmöcbánya) е град во централна Словачка. Во градот живеат 5,419 жители. Добро зачуваниот средновековен град изграден над важни рудници за злато е местото на најстарата ковачница на пари во светот која сѐ уште работи.

Историја[уреди | уреди извор]

Кремница бил еден од главните рударски градови во светот во средниот век и во модерната ера поради изобилните резерви на руда во Кремничките планини. Сепак, првите докази за подземни рударски активности доаѓаат од 9. век.

Во 13. век жителите на оваа област биле погодени од инвазијата на Монголите. По овој тежок период, унгарските кралови поканиле нови колонисти од Германија да го населат регионот за да се надополни десеткуваното население. Тие ги обновиле рударските активности во градот. Првиот пишан извор за градот датира од 1328 година, кога градот добил градски привилегии од кралот Карло I.

Ковачницата за пари веќе постоела во градот когаградот ги добил градските привилегии. Започнувајќи во 1335 година, ковачницата изработувала форинти а подоцна и познатите „кремнички дукати“, кои биле користени за меѓународни плаќања како резултат на нивната постојано висока чистост на злато. Тоа била најзначајна ковачница, а подоцна и единствена, во Кралството Унгарија, во Чехословачка и денес во Словачка; а поради просперитетот кој го донела довел градот да биде нарекуван „Златна Кремница“.

На крајот на 14. век, Кремница станал главен град на рударските градови во централна Горна Унгарија. Стабилното годишно производство на злато и сребро гарантирало просперитетен развој на градот. Во 15. век Кремница бил втор најзначаен град во Кралството Унгарија. На градот континуирано му биле доделувани нови привилегии и претставниците од градот го заземале второто место во унгарскoтo собрание (првото место било резервирано за претставниците на Будим, главниот град на Кралството).

Откопувањето на злато и изработката на монети во градот кулминирало во 14. и 15. век. Како еден од најзначајните центри на протестантската реформација во државата, градот припаѓал на протестантската „Лига на седум рударски градови“ заедно со Банска Бела, Банска Бистрица, Банска Штјавница, Љубјетова, Нова Бања, и Пукањец. Во 16. век, градот бил голем центар за производство на (главно религиозни) медали. Сепак во тој период, рударите морале да копаат се подлабоко за да дојдат до нови резерви и рударските услови се влошиле поради подземни води. Трошоците за рударство се зголемиле и рударството станувало се помалку профитабилно. Последното злато во Кремница било извадено во 1970 година, време во кое сите рудници биле затворени.

Географија[уреди | уреди извор]

Кремница се наоѓа на надморска височина од 564 метри над морското ниво и зафаќа површина од 43.136 километри квадратни.[1] Тој е лоциран на Кремничките планини на Кремничкиот поток, кој е прирока на реката Хрон. Градот се наоѓа на 20 километри западно од Банска Бистрица (линиски), 45 киломтери јужно од Мартин и околу 175 километри од Братислава.

Знаменитости[уреди | уреди извор]

Споменик на главниот плоштад.

Замок изграден низ 13. и 15. век се наоѓа во градот. Тој бил заграден со двоен ѕид кој содржел неколку бастиони и кули. Замокот претставува редок пример на многу добро зачуван заграден систем во Централна Европа. Во 14. век, тој се развил во мултифункционален систем на градби и со тоа станал центар на локалната администрација, религиозниот живот, и одбраната.

Други интересни места претставуваат Музејот на монети и медали, Музејот на скијање и историскиот главен плоштад со импресивниот чумен столб во барок стил. Готската црква „Св. Катерина“ е домаќин на популарниот европски фестивал за органска музика. Аквадукт со должина од 20 километри, изграден во 15. век, сѐ уште работи, снабдувајќи три хидроелектрани (една од нив се наоѓа 245 метри под земја). Шумските планини околу градот нудат многу можности за искачување и скијачко трчање.

Географскиот центар на Европа се тврди дека се наоѓа во блиското село Крахуле.

Демографски податоци[уреди | уреди извор]

Кремница има население од 5,419 жители (на 31 декември 2015 г.). Според пописот од 2001 година, 95.8% од жителите биле Словаци и 1.2% Германци. Меѓу Словаците, постојат многу потомци на Карпатските Германци, кои играле многу значајна улога во средновековната историја на градот. Според религијата, 64.9% биле католици, 22.6% од луѓето немале религиозна определба и 5.8% биле лутеранци.[1]

Значајни личности[уреди | уреди извор]

Збратимени градови[уреди | уреди извор]

Галерија[уреди | уреди извор]

Главниот плоштад во Кремница

Наводи[уреди | уреди извор]

  1. 1,0 1,1 „Municipal Statistics“. Statistical Office of the Slovak republic. Архивирано од изворникот на 2008-01-11. конс. 2008-01-19. 

Надворешни врски[уреди | уреди извор]