Кеша Роуз Шеберт (анг.Kesha Rose Sebert; родена на 1 март 1987), подобро позната како Кеша (стилизирано и како Ke$ha) — американскапоп-пејачка и текстописец. Во 2005, на 18 години, Кеша потпишала договор со издавачката куќа на Dr. Luke, Kemosabe Entertainment. Иако таа била активен музичар уште од тогаш, била позадински вокал и пишувала песни за други музички артисти, нејзиниот пробив на музичката сцена допол во раната 2009 откако се појавила на синглот број-еден од Фло Рида, „Right Round“.
Нејзиниот прв сингл, „Tik Tok“, издаден кон крајот на 2009, се искачил на првото место во 11 држави. Нејзиниот прв албум, Animal е издаден во јануари 2010 година и се искачил на прво место во САД, Канада и Грција. До септември, Кеша продала два милиони копии од албумот ширум светот и издала уште три топ-десет синглови од Animal.[2] Подоцна Кеѓа го издала и EP албумот, Cannibal, во ноември истата година, чиј водечки сингл „We R Who We R“ се искачил меѓу првите синглови на табелите.
